Éxodo 22:21 - Bible in Tzeltal Bachajón

²¹ Ma me xawuts'in jyanlum soc ma me xawa'be swocol, como jyanlumex ayinex ta sq'uinal Egipto.

Bible in Tzeltal de Oxchuc y Tenejapa

²¹ “Te jyanlum te nainem ta awolilic, ma me xawuts'inic, soc ma me xawaq'uic ta woclajel, melel jich nix me jyanlum c'oex ta Egipto.

Éxodo 22:21 Referans Kwoze

Deuteronomio 10:19

Ha yu'un c'ux me xawa'iy ta awo'tanic te jyanlum, como jyanlum ayinex ta sq'uinal Egipto.

Éxodo 23:9

Ma xawuts'in te jyanlum, como ha'ex ana'ojic bin ut'il ay yo'tan te jyanlum, yu'un ha nix hich jyanlumex c'axex ta sq'uinal Egipto.

Levítico 19:33

C'alal ya sjoquinex ta nahinel ta aq'uinalic te jyanlum, ma xawuts'inic.

Zacarías 7:10

ma me xawa'be swocol ta uts'inel te me'ba' ants, te me'ba' alal, te jyanlum o te pobre, soc ma me ayuc mach'a chopol bin ya snop ta yo'tan ta stojol te yermanohe, xchi.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Jeremías 7:6

teme ma ba yac awuts'inic te jyanlum, te me'ba' o te me'ba' ants, teme ma ba yac amalbe sch'ich'el ta lugar ini te mach'a mayuc smul, soc teme ma ba yac at'unic bahel jyanlum diosetic te yac ata awocolic yu'une,

Deuteronomio 23:7

Ma me xawihlay te edometic, como awermanotac stuquelic. Ma me xawihlay te egipciohetic, como ha jyanlum ayinat ta sq'uinal.

Levítico 25:35

Teme ay ya x'och ta pobrehil jtuhl alumal, teme ya xtal ta atojol, ya me acoltay; ha ya sjoquinat ta nahinel hich te bin ut'il jbehyomal o jyanlum.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Jeremías 22:3

Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

Deuteronomio 15:15

Ya me ana' te ayat ta mosohinel ta sq'uinal Egipto soc te la scoltayat loq'uel tal te Jehová te Dios awu'un; ha scuentahil te hich ya jpasat ta mandar ta ora ini.

Levítico 19:13

Ma xawuts'in apat-axuhc soc ma xawelc'ambe te sbiluque. Ma pajeluc to yac atojbe ya'tel te mach'a ya x'a'tej awu'un.

Levítico 19:34

Hichuc me ta awo'tanic te bin ut'il alumal te jyanlum te ya xnahin ta awohlilic, c'ux me xawa'iy ta awo'tanic hich te bin ut'il c'ux yac awa'iy aba, como hich nix jyanlum ayinex ta sq'uinal Egipto. Ho'on, Jehovahon, te Dioson awu'unique.

Deuteronomio 1:16

Soc hich la jcalbe mandar te juecetic awu'unic: Ya me awa'iyic te c'op ay ta yohlil te awermanotac, stojil me xachahpanic te winic soc yermano, o soc jyanlum.

Deuteronomio 23:16

Ya me sjoquinat ta nahinel ta awohlil, ta lugar ya sle ta bayuc pueblohil te banti ya smulan; ma me xawuts'in.

Deuteronomio 27:19

Chopol sc'oblal te mach'a ya sjimbe te bin stojil ay ta pasel ta stojol jyanlum, me'ba' alal o me'ba' ants, xchihic. Hichuc, xchihic me spisil te pueblo.

Salmos 146:9

Te Jehová ya scanantay te jyanlumetic, ya ya'be bin ya xtuhun yu'un te me'ba' alaletic soc te me'ba' antsetic, yan te mach'atic chopolic ya showiytes ta be.

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Deuteronomio 10:18

ya spas bin stojil ta stojol te me'ba' alal soc te me'ba' ants; soc ha nix c'ux ta yo'tan te jyanlum, ya ya'be swe'el soc sc'u' spac'.

Deuteronomio 24:17

Ma me xayanijtes bin stojil ta pasel ta stojol te jyanlum o te me'ba' alaletic, soc ma me xawich'be hilel sc'u'-spac' te me'ba' antse;

Job 6:27

Ha'ex yac apasbeyic seña ta na'el ta stojol te me'ba', soc biluc nax yac alomchonic a te awamigo.

Isaías 1:17

nopahic spasel te bin lec, lehahic te bin stojil ta pasel, coltayahic te mach'a ay ta tulan uts'inel, toj me xachahpanic te me'ba' alaletic, c'opojanic yu'un te me'ba' antsetique.