Éxodo 22:20 - Bible in Tzeltal Bachajón

²⁰ Te mach'a ya ya'be milbil smahtan yantic diosetic, teme ma ha'uc ya ya'be stuquel te Jehová, ya me yich' milel.

Bible in Tzeltal de Oxchuc y Tenejapa

²⁰ “Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Éxodo 22:20 Referans Kwoze

Deuteronomio 18:20

Te jalwanej te ta scuenta stoybahil ay bin ya yal ta scuenta jbihil te ma ba calbeyej ta mandar te hich ya yal, o teme ya xc'opoj ta scuenta sbihil yantic diosetic, ya me xlaj, xchi.

Números 21:3

Te Jehová la ya'iybe sc'opic te Israel, la yac'ticlambe ta sc'abic te cananeohetic; la slajinic soc te pueblohetic yu'unique. La ya'beyic sbihil Horma te lugar.

Éxodo 32:8

Ora nax la yihquitayic hilel te be te ho'on la jcalbeyic ta mandar. La spasiquix sloc'omba jcolel toro ta uhltesbil oro, la sch'uhuntayic, la ya'beyic milbil mahtaniletic, soc la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchi.

Éxodo 34:15

Ha yu'un ma me xachap ac'op soc te mach'atic nahinemic tey ta q'uinal, como te c'alal ya yantsin sbahic c'ohem soc te diosetic yu'unic soc te ya ya'beyic milbil smahtan, ya yic'at, soc yac awe' te milbil mahtaniletic ac'bilic yu'unic,

Levítico 17:7

Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

1 Reyes 18:40

Ha yu'un hich halbotic yu'un te Elías: Tsacahic te jalwanejetic yu'un Baal, ma me xcol jtuhluc, xchi. Hich la stsaquic. Te Elías la yic'ticlan bahel ta uc'um Cisón, tey c'oht smilticlan a.

2 Reyes 10:25

C'alal laj yo'tanic ta yaq'uel te scohtol chic'bil mahtanil, te Jehú la yalbe te jcananetic soc te capitanetic yu'un: ¡Ochanic, milticlanahic! ¡Ma me ayuc mach'a ya xcol bahel jtuhluc! xchi. Hich te jcananetic soc te capitanetic la smilticlanic ta espada soc la sch'ojticlanic loq'uel. Ochic bahel c'alal ta ch'ul awilal ta templo yu'un Baal,

2 Crónicas 15:13

Soc mach'ayuc a te ma ba ya sle te Jehová te Dios yu'un Israel, muc' biq'uit, winic o ants, ya me xlajic.

Ezequiel 20:7

ta hich ora hich la jcalbe: Ta jujutuhl ya me ach'ojic bahel te bintic ilobtic sba te ayic ta atojolic, soc ma me xabohlobtes abahic ta scuenta te loc'ombahetic yu'un Egipto. Ho'on Jehovahon, Dioson awu'unic, xchihon.

Éxodo 23:9

Ma xawuts'in te jyanlum, como ha'ex ana'ojic bin ut'il ay yo'tan te jyanlum, yu'un ha nix hich jyanlumex c'axex ta sq'uinal Egipto.

Levítico 19:33

C'alal ya sjoquinex ta nahinel ta aq'uinalic te jyanlum, ma xawuts'inic.

Deuteronomio 10:18

ya spas bin stojil ta stojol te me'ba' alal soc te me'ba' ants; soc ha nix c'ux ta yo'tan te jyanlum, ya ya'be swe'el soc sc'u' spac'.

Deuteronomio 23:8

Te yoxcajal patil al-nich'anetic yu'unic ya xhu' ya x'ochic ta tsoblej yu'un Jehová.

Deuteronomio 24:17

Ma me xayanijtes bin stojil ta pasel ta stojol te jyanlum o te me'ba' alaletic, soc ma me xawich'be hilel sc'u'-spac' te me'ba' antse;

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.