Éxodo 22:17 - Bible in Tzeltal Bachajón

¹⁷ Yan teme ma ba ya yac' te stat te ya xnuhpun soc, ya me yac' te jayeb taq'uin ya xc'ambot hich te bin ut'il stojol ach'ixetic.

Bible in Tzeltal de Oxchuc y Tenejapa

¹⁷ Yan teme ma la yac' te stat te ya xnujbin soque, ya me stoj te jich yipal ya xc'anbot te bit'il ay stojol te ach'ix ma nujbinemuque.

Éxodo 22:17 Referans Kwoze

Génesis 34:12

Ya ca'beyex jayeb yac ac'ambonic stojol soc jayeb mahtaniletic, pero a'bon quihnamin te ach'ixe, xchi.

1 Samuel 18:25

La yal te Saúl: Hich me yac awalbeyic te David: Te ajwalil ma sc'an smahtan, ha nax ho'winic (100) snuhculel sjol sc'unil sbaq'uetal filisteohetic, scuenta yu'un sutbeyel spacol a te scontra te ajwalil, xchi. Pero te Saúl ay ta yo'tan te ya x'och ta sc'ab filisteohetic te David.

Deuteronomio 22:29

te winic te way soc te ach'ix ya me ya'be lajuneb yoxwinic (50) ta sehp plata te stat te ach'ix, ha yihnam ya xc'oht, como la spehc'ambe sc'oblal te ach'ixe; ma xhu' ya yihquitay te jayeb c'ahc'al cuxule.

Génesis 23:16

Te Abraham la schap soc te Efrón, la sp'is te jayeb taq'uin halbot yu'un ta stojol te snich'nab Het, ha te jbahc' (400) ta sehp plata hich te bin ut'il ay ta tuhunel yu'un te jchombajeletique.

Génesis 30:20

La yal te Lea: C'ax bayel yutsil te jmahtan la ya'bon te Diose. Yo'tic ya xtal sjoquinonix ta nahinel te jmamalal, yu'un la jcayintesbeyix waqueb snich'nab, xchi. Ha yu'un la ya'be sbihilin Zabulón.

Levítico 20:6

Te mach'a ya xbaht ta stojol te mach'atic ya sc'oponic ch'uhlelal soc mach'atic jna'ojeletic, te ya yac' sbahic ta antsinel ta stojolic c'ohem, ma lecuc co'tan ta stojol te mach'a hich ya spas, ya me jloq'ues bahel ta yohlil te slumale.

Deuteronomio 18:10

Ma me xchicnaj ta awohlilic te mach'a ya yac' c'axel ta c'ahc' te squerem o yantsil-nich'an, o te mach'a ya x'a'tej ta jna'ojel, te mach'a ya spasbe seña sna'el te bin chopol ya xc'oht ta pasel, te mach'a ya sna' spasel chopol señahetic, j'ac'-chamel,

1 Samuel 28:3

Te Samuel chamenix a, spisil Israel la yoq'uetayiquix soc la smuquiquix ta Ramá ta slumal. Te Saúl stenojix loq'uel ta q'uinal a te j'ic'-ch'uhlelaletic soc te jna'ojeletique.