Éxodo 21:36 - Bible in Tzeltal Bachajón

³⁶ Pero teme na'bil te stalel ya xcujawan te wacax, pero ma ba cantantaybil yu'un te yajwale, ya me sjeltay te wacax te cham, ha yu'un ya xhil te chamen wacaxe.

Bible in Tzeltal de Oxchuc y Tenejapa

³⁶ Teme ya sna' te yajwal te c'aem ta luchaw te swacaxe, teme ja' nax yu'un te ma la yale, ya me sjeltay te chambalam te laje. Ja' me ya yich' jilel te laj ta milele.

Éxodo 21:36 Referans Kwoze

Éxodo 21:29

Pero teme ay ya'iyejix cujaw te wacax, soc teme halbotix te yajwal pero ma ba la scanantay, teme ya smil winic o ants, ya me yich' milel ta ch'ojel ta ton te wacax soc ya me yich' milel te yajwale.

Éxodo 21:35

Teme ay mach'a ay swacax te ya scujbe swacax te yane, teme cham yu'un, ya me yich' chonel te wacax te cuxul, j'ohlil ya yich' jujutuhl te stojole, soc j'ohlil ya yich' jujutuhl te chamen wacaxe.

Éxodo 22:1

Teme ay mach'a ya yelc'an j'a'tel-wacax o tuminchij, teme ya smil o ya schon, ho'coht j'a'tel-wacax ya suht scuenta sjelol te wacaxe, soc chancoht tuminchij ya suht scuenta sjelol te tuminchije.

Levítico 24:18

Te mach'a ya smilbe schansbahlam yan, ya me sjeltay: te chambahlam la smil, chambahlam ya sut.