Éxodo 20:7 - Bible in Tzeltal Bachajón

⁷ Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Bible in Tzeltal de Oxchuc y Tenejapa

⁷ “Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Éxodo 20:7 Referans Kwoze

Deuteronomio 5:11

Ma me xatojol tahbe ta halel sbihil te Jehová te Dios awu'un, como te Jehová ma ba ya smucbe smul te mach'a ya stojol tahbe ta halel te sbihile.

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Santiago 5:12

Quermanotac, ha tulan sc'oblal te ma me ayuc bin yac awalic ta jamal ta scuenta te ch'ulchan, te bahlumilal, o biluc yan. Hich, xchihanic me teme hiche. Ma hichuc, xchihanic me teme ma hichuque, scuenta yu'un ma ba yac awich'ic ich'el ta c'op yu'un.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Josué 9:20

Hich me ya jpasbetic: ya cac'tic cuxajicuc scuenta yu'un ma ba ya xc'oht ilimba ta jtojoltic yu'un te bin jc'axel calbeyejcotic ta jamal, xchihic.

Josué 2:17

Hich la sjaq'uic: Te ho'otcotic ya xhilotcotic ta libre yu'un te bin la awac'otcotic ta yalel ta jamal teme ma ba yac apas te bin ya calbate.

Josué 2:12

Ha yu'un ya calbeyex wocol yo'tic te yacuc awalbonic ta jamal ta stojol Jehová te hich te bin ut'il la awich'ic c'uxultayel cu'un te ha'exe, ha'uc ni me hich yac ac'uxultaybon te mach'atic ay yu'un te jtate. A'bon quil señahil te hichuc ya xc'oht ta pasel awu'unic,

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Deuteronomio 10:20

Ich'a ta muc' te Jehová te Dios awu'un, ha nax me xawac' aba ta a'batinel yu'un. Ha me xat'un bahel stuquel, soc ha ta scuenta sbihil te ay bin jc'axel yac awal ta jamal.

2 Corintios 1:23

Ya cac' ta testigo cu'un te Dios te ha ta scuenta sna'beyel yo'bolil abahic te ma to ba c'axemon ta Corinto.

1 Reyes 2:9

Pero ma me xawal te mayuc smul. Ay sp'ijil awo'tan, yac ana' bin yac apasbe scuenta yu'un ya xco bahel ta muquenal soc sch'ich'el te sacal sjol, xchi.

Deuteronomio 6:13

Ich'a ta muc' te Jehová te Dios awu'un, ha nax me xawac' aba ta a'batinel yu'un, soc ha nax ta scuenta sbihil te jc'axel ay bin yac awal ta jamal.

2 Reyes 5:20

te Giezi te ya'bat Eliseo te winic yu'un Dios la yal ta yo'tan: Te cajwal la yaq'uix bahel te Naamán te siria-winic; ma ba la yich'be te bintic yich'oj talel. ¡Yiloj Jehová! ya xbaht jnuts ta ora, ay bin ya quich'be tal, xchi.

Salmos 139:20

Ya sbohlc'optayat, ya stojoltabe ta halel abihil te acontrataque.

Jeremías 34:16

Pero cha'suhtexix ta apatic soc la abohlobtesbonic te jbihile; jujutuhlex la acha'iq'uic xan te winic soc ants te awac'ojiquix ta libre te mach'a la sc'anique, la acha'otsesic xan ta mosohil.

Ezequiel 39:7

Ya cac' ta na'el te jch'ul bihil ta yohlil te pueblo Israel cu'un, mayuquix bin ora ya cac' te ya sbohlobtesbon te jch'ul bihile; soc te nacionetic ya me sna'ic te ho'on Jehovahon, te Ch'ul Dios ta Israel.

Génesis 27:20

Pero te Isaac la sjoc'obe te snich'an: ¿Bin ut'il ay a te la ata ta ora te ti'bale, jnich'an? xchi. Te Jehová te Dios awu'un, la scoltayon ta slehel, xchi te Jacob.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.