Éxodo 20:5 - Bible in Tzeltal Bachajón

⁵ Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Bible in Tzeltal de Oxchuc y Tenejapa

⁵ Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Éxodo 20:5 Referans Kwoze

Números 14:18

Te Jehová ma orahuc ya x'ilin soc ay bayel sc'uxul yo'tan, ya spas perdón yu'un mulil soc toybahil, pero xuht' ma xyal te mayuc smul te mach'a ay smul, soc te smul te me'iltatiletic ya yac' c'ohtuc ta stojol te yal-snich'nabic c'alal ta yoxcajal soc schancajal, te xchihate.

Deuteronomio 5:9

Ma me xaquejan aba ta stojolic soc ma me xawac' aba ta a'batinel yu'unic, como ho'on Jehovahon te Dioson awu'un xut'et co'tan, ya ca'be castigo yu'un smulic te me'iltatiletic te yal-snich'nabic ta yoxcajal soc ta schancajal te mach'atic ya yil-o'tantayonic,

Deuteronomio 4:24

como te Jehová te Dios awu'un ha c'ahc' te ya xlajinwan, ha Dios te xut'et yo'tan.

Éxodo 34:14

Ma me xanijan aba ta stojol junuc yan dios, como te Jehová, te ha Xut'et te sbihile, ha Dios te xut'et yo'tan.

Josué 24:19

Pero te Josué la yalbe te pueblo: Ma xhu' yac awac' abahic ta a'batinel yu'un te Jehová, como ha ch'ul Dios soc ha Dios te xut'et yo'tan, ma ba ya scuchbeyex atoybahilic soc amulic.

Salmos 109:14

Ac'a me sna' Jehová te bintic chopol spasojic te statique, ma me xyich' tup'el te smul te snane.

Josué 23:7

scuenta yu'un ma ba yac acap abahic soc te nacionetic te hilemic ta awohlilique. Soc ma me xawalbeyic sbihil soc ma me ayuc bin jc'axel yac awalic ta jamal ta scuenta sbihil te diosetic yu'unic, ni ma me xawac' abahic ta a'batinel yu'unic, ni ma me xaquejan abahic ta stojolic.

Deuteronomio 6:15

como te Jehová te Dios awu'un ay ta awohlil soc ha xut'et yo'tan; scuenta yu'un ma ba ya yilintayat a te Jehová te Dios awu'un, te jc'axel ya slajinat ta q'uinal.

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

Números 14:33

Te awal-anich'anic, ha jcanan-tuminchij ya xc'ohtic ta jochol taquin q'uinal cha'winic (40) ha'bil; ha'ic ya scuchbeyex te atoybahilic ha to c'alal ya xcham abaq'uetalic ta jochol taquin q'uinal.

Salmos 79:8

Ma xawac' jmulimbecotic smulic te jme'jtatcotique. ¡Ac'a tal stahotcotic ta ora te sc'uxul awo'tan, yu'un c'ax bayel jwocolcotic!

Éxodo 23:24

Ma xaquejan aba ta stojol te diosetic yu'unic, ma xawac' aba ta a'batinel yu'unic, ma xapas te bin ya spasic, jc'axel me xalajinlan soc jc'axel me xawuyticlan te bahlal tonetic tec'ajtic yu'unique.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

Romanos 1:30

jwulwul-c'opetic, jp'aj-diosetic, jc'ahc'al-c'opetic, jtoybahetic, jtoybac'opetic, jnop-muliletic, jc'axun-c'opetic,

Jeremías 2:9

Ha yu'un ya jtijex ta c'op yu'un ya jcontrahinex, xchi te Jehová, ya jchahpan yu'un scontrahinel te yal-snich'nab te awal-anich'nabique.

Isaías 44:19

Ma ba ya spasic pensar, ma sna'ic q'uinal, mayuc snopojibal yu'unic te hich ya yalic: J'ohlil la jchic', la jpas pan ta yac'alel, la jwo ti'bal a soc la jwe'. Te j'ohlil xane ¿ya bal jpas te bin ilobtic sba a? ¿Ya bal jquejan jba ta stojol schumante'el te te'e? ma xchihuquic.

Isaías 44:15

Ha ya xtuhun yu'un te winic yu'un ya schic', ha ya sc'atin, soc ya ya'be si'ilin te horno, ya spas pan a; soc ya spas jun dios a, ya sch'uhuntay; ya spas jun loc'omba, ya squejan sba ta stojol.

Salmos 81:15

Te mach'atic ya sp'ajic te Jehová ya me sc'ol sbahic yu'un xiwel ta stojol, soc sbahtel q'uinal ma xlaj te castigo yu'unique.

Job 5:4

Ma ba seguro ay te snich'nab: ya xlajinotic ta ti'nahil, mayuc mach'a ya xcoltayotic yu'un.

2 Reyes 23:26

Aunque hich la spas, te Jehová ma ba laj te smuc'ul yilimba te tihlem ta stojol Judá ta scaj spisil bintic la spas te Manasés te la yac' ilinuc yu'une.

2 Reyes 17:35

Te c'alal Jehová la schap sc'op soc, hich la spas ta mandar: Ma me xawich'ic ta muc' yantic diosetic, ma me xaquejan abahic ta stojolic, ma me xawac' abahic ta a'batinel yu'unic soc ma me xawa'beyic milbil mahtaniletic.

1 Reyes 21:29

¿La bal awilix te Acab te la spehc'anix sba ta jtojol? Te bin ut'il bic'tajix ta jtojol, ma ba ya cac' taluc wocol te jayeb c'ahc'al cuxul, ha to ya xc'oht ta scuenta te snich'ane, xchi.

2 Samuel 21:6

a'botcotic huctuhl snich'nab yu'un ya jihpambecotic sbaq'uetalic ta te' ta stojol Jehová ta Gabaa yu'un Saúl, te tsahbil yu'un Jehová, xchihic. Ya ca'beyex, xchi te ajwalil.

2 Samuel 21:1

Te c'alal ay ta ajwalil a te David, tal wi'nal, oxeb ha'bil la stic' sba. Te David la sjoc'obe te Jehová, hich halbot yu'un: Ha ta scuenta Saúl soc te sna te la smal ch'ich', como la smilticlan te gabaonetic, xchi.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

Deuteronomio 7:10

pero ya ya'be stoj stuquel te mach'a ya x'ihlayot yu'un, jc'axel ya slajin; ma ba ya xhalaj te ya ya'be castigo te mach'a ya x'ihlayot yu'une.

Levítico 26:29

Yac ati'beyic sbaq'uetal te ach'ix-queremetic awu'unique.

Levítico 26:1

Ma me xapas loc'ombahetic o bin loc'taylambil, ma me xatehc'an ch'ultesbil ton, soc ma me xawac' ta aq'uinalic chahpambil ton yu'un yac aquejan abahic ta stojol; como ho'on, Jehovahon, te Dioson awu'unique.

Levítico 20:5

ma lecuc co'tan ta stojol te winic soc te mach'atic ay yu'un, ya jloq'ues bahel ta yohlil te slumal soc spisil mach'atic te ha nix hich ya yac' sbahic ta antsinel yu'un Moloc.

1 Corintios 10:22

¿Ya bal sc'an te ya cac'tic chicnajuc te xut'et yo'tan te Cajwaltique? ¿Yu'un bal c'ax bayel xan quiptic a te bin ut'il ay stuquele?

San Juan 15:18

Teme ya sp'ajex te mach'atic yu'un te bahlumilal, na'ahic me te ho'on nahil la sp'ajonic.

San Juan 7:7

Ma xhu' ya sp'ajex te mach'atic ayic ta bahlumilal, yan te ho'one ya sp'ajonic, yu'un jamal ya cal te ha chopol te ya'telique.

San Mateo 4:9

hich halbot yu'un: Spisil ya ca'bat ini teme yac aquejan aba ta jtojol soc teme yac ach'uhuntayone, xchi.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Ezequiel 8:3

La shach sc'ab, la stsacon ta stsotsel jol; te espíritu la slicon mohel ta ohlil yu'un ch'ulchan bahlumilal, soc ta scuenta nahalsitil yu'un Dios la yic'on bahel ta Jerusalén, ta ochibal te ay ta stojol norte ta amac' ta yutil, ta banti ay te yawil te loc'omba te ya yac' xut'et-o'tanil.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Salmos 78:58

La yaq'uic ilinuc Dios yu'un te toyol awilaletic yu'unic, la shahchbeyic xut'et yo'tan yu'un te loc'ombahetic yu'unique.

Job 21:19

Ay ta halel: Dios ya ya'be stoj yal-snich'nab te smul te sme'stat, te xchihe. ¡Pero Dios ac'a a'botuc stoj yu'un scuenta yu'un hich ya sna'ic a!

2 Crónicas 25:14

Te c'alal suht tal te Amasías ta smilel te edometic, la yich'be tal te diosetic yu'un te sts'umbal Seir, ha diosetic yu'un c'ohtic, la sch'uhuntay soc la schic'be pom.

2 Reyes 17:41

Hich la yich'ic ta muc' te Jehová soc la yac' sbahic ta a'batinel ta stojol te loc'ombahetic yu'unique. Ha nix hich te snich'nab soc smamic, te bin la spasic te sme'static, hich yac spasbelic c'alal ora.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Josué 23:16

teme yac ac'axuntaybe te chapbil-c'op yu'un Jehová te Dios awu'unic te la spasex ta mandar, teme yac awich'ic ta muc' yantic diosetic soc teme yac aquejan abahic ta stojolique. Hich me ya xtihl te yilimba Jehová ta atojolic soc ora ya xch'ayex ta lequil q'uinal ini te la ya'beyexe, xchi te Josué.

Deuteronomio 32:41

Te c'alal ya juxbe ye te espada cu'un te mero xlipet soc te ya xhahchon ta stojil chahpanwanej, ya me ca'be spacol te jcontra, soc ya ca'be stojic te mach'atic ya yihlayonique.

San Juan 9:2

Hich joc'obot yu'un te jnopojeletic yu'une: Rabí, ¿mach'a ta smul te ts'o'sit a ayin ha'i winic ini, ha bal ta smul stuquel o ha bal ta smul sme'stat? xchihic.

Deuteronomio 5:10

soc ya jc'uxultay bayel ta mil te mach'atic c'uxon ta yo'tanic soc te ya sch'uhumbonic te mandariletic cu'une.

1 Reyes 19:10

La sjac' te Elías: Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ya smilonic, xchi.

Ezequiel 18:19

Teme hich yac ajoc'oyic: ¿Bin yu'un te nich'anil ma ba ya smulimbe smul te stat? teme xchihexe. Melel te nich'anil la spas te bin yich'oj scuentahil soc te bin stojil, la sch'uhun spasel spisil te mandariletic cu'un, ha me ya xcuxaj.

Ezequiel 20:7

ta hich ora hich la jcalbe: Ta jujutuhl ya me ach'ojic bahel te bintic ilobtic sba te ayic ta atojolic, soc ma me xabohlobtes abahic ta scuenta te loc'ombahetic yu'un Egipto. Ho'on Jehovahon, Dioson awu'unic, xchihon.

Ezequiel 39:25

Ha yu'un, hich yaloj te Jehová, te Ajwalil: Yo'tic ya cac' suhtuc talel te jchuqueletic yu'un Jacob, soc ya jna'be yo'bolil sba spisil te sna Israel; soc ya cac' ta ilel te xut'et co'tan yu'un te jch'ul bihile.

Números 25:11

Te Finees snich'an Eleazar, te snich'an te sacerdote Aarón, la yac' quehchajuc te quilimba ta stojol te snich'nab Israel, yu'un la yac' ta ilel ta stojolic te xut'et yo'tan te hich nix ay te bin ut'il te xut'et co'tan; ha scuentahil te ma ba jc'axel la jlajin te snich'nab Israel ta scuenta te xut'et co'tan.

2 Reyes 5:18

Pero te Jehová ac'a spasbe perdón te a'bat awu'un ta scuenta ini: ha te c'alal ya x'och bahel ta templo yu'un Rimón te ajwalil cu'un ta sch'uhuntayel soc ya yich' yip ta jc'ab, teme ha nix hichon ya jquejan jba ta templo yu'un Rimón, ac'a spasbe perdón te a'bat awu'un te Jehová, xchi.

2 Reyes 5:27

Ha yu'un te sc'a'el-chamel te Naamán ya me xc'oht ta atojol soc ta stojol ats'umbal ta spisil ora, xchi sc'oblal. Ayix sc'a'el-chamel a te loc' ta stojol, mero sac hich te bin ut'il me'-sic.

2 Crónicas 7:19

Yan teme ya suhtex ta apatic, teme yac awihquitayic hilel te chahpambil mandariletic soc te mandariletic cu'un te la jca'beyex ta atojolic, teme yac awac' abahic ta a'batinel yu'un yantic diosetic, soc teme yac ach'uhuntayique,

Ezequiel 18:2

¿Bin ay ta awo'tanic, ha'ex te ayex ta sq'uinal Israel te yac awalic te tsahbil c'op ini: Ya slo'ic pajal ts'usub te me'iltatiletic, te yal-snich'nabic ya sijub yehic yu'un, te xchihe?

Daniel 3:18

Teme ma'uque, na'a me, ajwalil, te ma ba ya cac' jbahcotic ta a'batinel yu'un te diosetic awu'un soc ma ba ya jch'uhuntaycotic te loc'omba atehc'anej, xchihic.