Éxodo 20:26 - Bible in Tzeltal Bachajón

²⁶ Soc ma me xmohat ta cajalcaj ta scajtajib ta chiq'uel mahtanil cu'un, scuenta yu'un ma ba ya xchicnaj tey a te banti ma ba macal te abaq'uetale.

Bible in Tzeltal de Oxchuc y Tenejapa

²⁶ Te scajtijib jmajt'ane ma me cajalcajuc moel, melel teme moat bael tey a, ya xchicnaj abaq'uetal”, uta me —xi' te Diose.

Éxodo 20:26 Referans Kwoze

1 Pedro 1:16

Como hich ts'ihbabil hilel: Ch'ultesbiluquex, como ho'on ch'ul Dioson, xchi.

Eclesiastés 5:1

Te c'alal ya xbahat ta templo yu'un Dios tsahtaya te bin yac apas. Ha lec xan te ya xnohpojat bahel ta ya'iyel te bin ut'il yaq'uel milbil mahtanil hich te bin ut'il ya spasic te mach'atic ma sna'ic q'uinal, te ma ba ya sna'ic te ay bin chopol ya spasique.

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Éxodo 28:42

Pasbeya scomil wexic ta lino scuenta smahquil sbaq'uetalic; ya xhahch ta sch'uyomba c'alal ta ya'.

Éxodo 28:43

Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Ezequiel 43:17

Te lehchel yu'un ta ahc'ol pajal ta schanxuhcul, chanlajuneb xuhc'ubil jujuxuhc, soc te sti'il ohlil xuhc'ubil stoyolil ta sjoyobal; te sch'acomal jun xuhc'ubil sjamalil ta sjoyobal. Te cajalcaj mohel ay ta stojol banti ya xloc' tal c'ahc'al.