Éxodo 20:24 - Bible in Tzeltal Bachajón

²⁴ Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Bible in Tzeltal de Oxchuc y Tenejapa

²⁴ Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Éxodo 20:24 Referans Kwoze

Deuteronomio 12:5

Ya me xbahex ta lugar te ya stsa ta awohlilic te Jehová te Dios awu'unic te banti ya xnahin te sbihile; tey me ya xbahex a.

2 Crónicas 6:6

ha jtsahoj te Jerusalén scuenta yu'un tey ya x'ayin a te jbihil, soc jtsahoj te David yu'un ya scuentahin te pueblo Israel cu'un, xchi te Jehová.

1 Reyes 9:3

Hich halbot yu'un te Jehová: La jca'iybatix ac'op soc te bin la awalbon wocol ta jtojol. La jch'ultesix te Na te ha'at la apas scuenta yu'un tey ya x'ayin spisil ora a te jbihile. Tey ya cac' jsit soc co'tan ta spisil ora a.

2 Crónicas 7:16

como tsahbilix soc ch'ultesbilix te Na ini scuenta yu'un tey ya x'ayin sbahtel q'uinal a te jbihile; soc te jsit soc te co'tan tey ayic ta spisil ora a.

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Deuteronomio 16:11

Tse'eluc me awo'tan ta stojol Jehová te Dios awu'un, ha'at, awal-anich'nab, awa'bat, acriada, te levita ya xnahin ta pueblohetic awu'un, te jyanlum, me'ba' soc me'ba' ants ay ta awohlil, tey ta lugar banti stsahoj Jehová te Dios awu'un te ya yac' ayinuc te sbihile.

2 Crónicas 12:13

Te ajwalil Roboam la yich' xan yip ya'tel ta ajwalil ta Jerusalén. Ay jun yoxwinic (41) ya'bilal a te c'alal och ta ajwalil, huclajuneb (17) ha'bil ay ta ajwalil ta Jerusalén, ha te pueblo te la stsa Jehová ta yohlil spisil te chahp sts'umbal Israel te banti ya yac' te sbihile. Naama sbihil te snan Roboam, talem ta Amón.

Deuteronomio 26:2

ya me awac' ta moch spisil te sba sit ats'unub-awawal te yac aloq'ues tey ta q'uinal ya ya'bat te Jehová te Dios awu'un, ya me xbahat tey ta lugar ya stsa te Jehová te Dios awu'un banti ya yac' te sbihile.

Esdras 6:12

Soc te Dios te la yac' nahinuc te sbihil tey a, ac'a sjin spisil ajwalil o pueblo te ya shach sc'ab ta syanijtesel te mandar o ta sjinel te na yu'un Dios ini te ay ta Jerusalén. Ho'on, Darío, calojix mandar. Ac'a yich' pasel ta ora, xchi.

1 Reyes 8:29

Jamaluc asit ta c'ahc'alel soc ta ahc'abal ta stojol te Na ini, te banti lugar te hich awaloj: Tey ya x'ayin a te jbihil, te xchihate, scuenta yu'un yac awa'iybe sc'op te a'bat awu'un te c'alal ya sc'oponat ta lugar ini.

San Mateo 18:20

como te banti ay stsoboj sbahic cha'oxtuhl ta scuenta jbihil, tey ayon ta yohlilic a, xchi te Jesús.

1 Reyes 8:43

a'iybeya sc'op c'alal ta ch'ulchan, ta lugar te banti nahinemat, a'beya spisil bintic ya sc'ambat te jyanlum, scuenta yu'un spisil te pueblohetic ta bahlumilal ya sna'bat abihil soc ya yich'at ta muc', hich te bin ut'il te pueblo Israel awu'un, soc hich ya sna'ic a te ay ta halel abihil ta stojol te Na ini te la jpase.

Deuteronomio 14:23

Yac awe' ta stojol Jehová te Dios awu'un ta lugar te ya stsa banti ya yac' ayinuc te sbihile, ha te jun ta slajunebal te trigo, cebada, vino soc te aceite awu'un, soc te sba-al te wacaxetic, tuminchijetic soc tentsunetic awu'un, scuenta yu'un yac anop yich'el ta muc' spisil ora a te Jehová te Dios awu'unique.

Salmos 74:7

La ya'beyic sc'ahc'al te ch'ul awilal awu'un; la sbohlobtesbeyic sc'oblal banti nahinem abihil, la sjinic cohel c'alal ta lum.

Nehemías 1:9

pero teme ya suhtex tal ta jtojol soc teme yac ach'uhumbonic te mandariletic cu'un, teme yac awaq'uic c'ohtuc ta pasele, aunque ya xpuhquex bahel ta sjehch sti'il ch'ulchan, tey ya jtsobex tal a, ya quiq'uex ta lugar te tsahbil cu'un te banti ya cac' nahinuc te jbihile, te xchihate.

2 Samuel 6:12

Hich halbot ya'iy te ajwalil David: Te Jehová la ya'be bendición te mach'atic ay yu'un te Obed-edom soc spisil bintic ay yu'un ta scuenta te scaxahul te chapbil-c'op yu'un Dios, xchi. Ha yu'un te David, soc yutsil yo'tan la yich' hahchel ta sna Obed-edom, la yich' tal ta Pueblo yu'un David.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Salmos 78:68

ha la stsa te jchahp sts'umbal Judá, te Sión, te c'ux ta yo'tan.

Deuteronomio 12:21

Teme namal ay te lugar te tsahbil yu'un Jehová te Dios awu'un banti ya xc'oht te sbihile, ya xhu' yac amil te wacaxetic, tuminchijetic soc tentsunetic awu'un te ya ya'bat te Jehová, hich te bin ut'il la jpasat ta mandar, ya xhu' yac awe' ta pueblohetic awu'un jayeb ya sc'an awo'tan.

1 Timoteo 2:8

Ha yu'un ya jc'an te ya sc'oponic Dios ta bayuc te winiquetic, te mayuc ilimba soc mayuc hach-c'op a ya shach sch'ul c'abic.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Salmos 76:2

Ay ta Salem te nahilpac' yu'un, ay ta Sión banti ya xnahin.

Salmos 134:3

¡C'alal ta Sión ac'a ya'bat bendición te Jehová, te mach'a la spas te ch'ulchan soc bahlumilal!

Salmos 128:5

¡Ac'a ya'bat bendición c'alal ta Sión te Jehová; soc yacuc awilbe te yutsil slequil te Jerusalén te jayeb c'ahc'al cuxulat,

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Deuteronomio 7:13

C'ux me ya ya'iyat ta yo'tan, ya ya'bat bendición, ya yac' ya xp'ohlat, soc ya ya'be bendición te alal yac awalatay soc te sit ats'unub awawal, te trigo, vino soc te aceite awu'un, te yalatac awacax soc yalatac atuminchij soc atentsun. Hich ya spasbat ta q'uinal te jc'axel la yalbe ta jamal te ame'atatic te ya ya'bate.

Éxodo 10:25

Hich la sjac' te Moisés: Ya me awa'botcotic te chambahlametic yu'un milbil mahtaniletic soc scohtol chic'bil mahtaniletic te ya ca'becotic Jehová te Dios cu'uncotique.

Éxodo 18:12

Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose.

Éxodo 20:25

Teme yac apasbon scajtajib ta chiq'uel mahtanil ta ton, ma me xapas ta walubil tonetic, yu'un teme yac awahluy soc a'tejibal, yac abohlobtesbe sc'oblal.

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

Éxodo 27:1

Ya me apas scajtajib ta chiq'uel mahtanil ta acacia-te', ho'eb xuhc'ubil snahtil soc ho'eb xuhc'ubil sjamalil, pajal sp'isol te jujun xuhc, soc oxeb xuhc'ubil te stoyolile.

Levítico 17:9

teme ma ba ya yich' tal ta yochibal te Nahilpac' Templo yu'un tahojibal yu'un ya ya'be te Jehová, ya me yich' loq'uesel ta yohlil te pueblo yu'une.

2 Reyes 5:17

Ha yu'un la yal te Naamán: Teme ma'uque, awocoluc, a'beya te a'bat awu'un te slumil te q'uinal ini te ya yich' bahel cha'coht ta mulahil, como ta ora ini te a'bat awu'un ma ba ya yaq'uix scohtol chic'bil mahtanil soc milbil mahtanil ta stojol yantic diosetic, ha nax ta stojol Jehová.

Isaías 64:5

Ya xloc'at ta stahel te mach'a soc yutsil yo'tan ya spas te bin stojil ta pasel, te ya sna'bat te behetic awu'une. Pero ilinat yu'un la jta jmulcotic, como bayel ha'bil la jpasulancotic muliletic. ¿Ya bal xhu' ya xcolotcotic?

Éxodo 24:4

Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Salmos 101:2

Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

Salmos 122:2

Ochotiquix bahel ta ochibaletic awu'un, Jerusalén.