Éxodo 20:20 - Bible in Tzeltal Bachajón

²⁰ Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

Bible in Tzeltal de Oxchuc y Tenejapa

²⁰ Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

Éxodo 20:20 Referans Kwoze

Deuteronomio 13:3

ma me xawa'iybe sc'op te jalwanej o te hal-wayichil, como te Jehová te Dios awu'unic yac stsajbelex yil teme c'ux yac awa'iy ta awo'tanic te Jehová te Dios awu'unic ta spisil awo'tanic soc ta spisil ach'uhlelic.

Proverbios 3:7

Ma me p'ijuc yac acuy aba; ich'a ta muc' te Jehová soc ihquitaya te bin chopole.

1 Samuel 12:20

Pero te Samuel la yalbe te pueblo: Ma xiwex. Melel nix a te apasojic spisil te bin chopol ini, pero ma me xawihquitayic st'unel te Jehová, ac'a abahic ta a'batinel yu'un soc spisil awo'tanic.

Isaías 8:13

Ya me awalic te ha Ch'ul Dios te Jehová te scuentahinej spisil; ha me xaxi'ic, ha me xiwel awu'unic ya xc'oht.

Proverbios 16:6

Ta scuenta sc'uxul-o'tanil soc smelelil ay ta pasel perdón yu'un mulil; soc ta scuenta xi'el te Jehová ya sq'uej sba te winic ta stojol te bin chopole.

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Génesis 22:1

Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Josué 24:14

Ha yu'un ich'ahic ta muc' te Jehová soc junuc me awo'tan ac'a abahic ta a'batinel yu'un ta mero melel. Loq'uesa ta awohlilic te diosetic te la sch'uhunic te ame'atatic ta jehch te muc'ul-ha' soc ta Egipto, ac'a abahic ta a'batinel yu'un Jehová.

Deuteronomio 10:12

Ta ora ini, Israel, ¿bin ya sc'ambat te Jehová te Dios awu'un? ha te yac awich' ta muc' te Jehová te Dios awu'un, te ya xbehenat ta spisil be yu'un, te c'uxuc me yac awa'iy ta awo'tan, te yac awac' aba ta a'batinel yu'un Jehová te Dios awu'un ta spisil awo'tan soc ta spisil ach'uhlel;

Deuteronomio 6:2

scuenta yu'un yac awich'ic ta muc' te Jehová te Dios awu'unic, te yac apasic spisil bintic chapal soc te mandariletic te ya calbat, ha'at soc awal-anich'nab soc amamatac, te jayeb c'ahc'al ya xcuxajat, scuenta yu'un naht ya xc'oht aworahil a.

Deuteronomio 4:10

Te bin c'ahc'alil la atehc'an abahic ta stojol te Jehová te Dios awu'unic ta wits Horeb, te c'alal hich la yalbon te Jehová: Tsoba tal te pueblo scuenta yu'un ya calbe ya'iy te c'opetic cu'un, scuenta yu'un ya snopic te ya yich'onic ta muc' te jayeb c'ahc'al cuxulic ta q'uinal, soc te ya ya'beyic snop te yal-snich'nab, te xchihe,

Génesis 22:12

Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Génesis 20:11

La sjac' te Abraham: La jcal ta co'tan: Melel li' ta lugar ini mayuc ta xi'el te Diose, ya me smilonic ta scaj quihnam.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Deuteronomio 6:24

Te Jehová la spasotic ta mandar te yacuc jch'uhuntic spasel spisil bintic chapal yu'un soc te ya quich'tic ta muc' te Jehová te Dios cu'untic, scuenta yu'un hich lec ya xc'ohotic ta spisil ora, soc scuenta yu'un ya scanantaybotic jcuxlejaltic, hich te bin ut'il c'alal ora.

Isaías 41:13

Como ho'on Jehovahon, te Dioson awu'un, ya jtsacbat te awa'el-c'ab soc ya calbat: Ma me xiwat, ho'on ya jcoltayat, xchihon.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;