Éxodo 20:17 - Bible in Tzeltal Bachajón

¹⁷ Ma me xbic'taj awo'tan yu'un te sna apat-axuhc: ma me xbic'taj awo'tan yu'un yihnam, ya'bat, scriada, j'a'tel-wacax, burro, o biluc ay yu'un te apat-axuhc, xchi.

Bible in Tzeltal de Oxchuc y Tenejapa

¹⁷ “Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

Éxodo 20:17 Referans Kwoze

Romanos 13:9

como hich ya yal: Ma me xawa'iy antsiwej soc ma me xawac' aba ta antsinel, ma me xawa'iy milaw, ma me xawa'iy elec', ma me xbic'taj awo'tan, xchi, soc te yantic mandariletic, junax sc'oblalic: C'ux me xawa'iy ta awo'tan apat-axuhc, hich te bin ut'il c'ux yac awa'iy aba te ha'ate, xchi.

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

Colosenses 3:5

Ha yu'un ac'a chamuc te bintic scuenta bahlumilal te ay ta awo'tanic: ha te antsiwej soc antsinel, te bintic ilobtic sba, sc'anel bintic ma lecuc, smulanel spasel bin chopol, soc bic'tal-o'tanil, te ha pajal soc sch'uhunel loc'ombahetic.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Romanos 7:7

¿Bin ya caltiquix yu'un a hiche? ¿Mulil bal te Ley? ¡Ban c'an hichuc! Te manchuc ay te Ley, ma ba la jna' bin a te mulil te hichuque. Ma ba la jna' bin a te bic'tal-o'tanil te manchuc hich ya yal ta Ley: Ma me xbic'taj awo'tanic, te xchihe.

Efesios 5:3

Te antsiwej soc antsinel, spisil bin ilobtic sba, o sbic'tal-o'tanil, jc'axel ma me xatahic ta halel, como ma snuhp'uc te mach'a ch'uhltesbilic.

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

Habacuc 2:9

Obol sba te mach'a ma stojiluc ya sta te bin ya xtuhun yu'un ta sna, yu'un toyol ya yac' spechech, yu'un ma xtahot yu'un te bin chopole.

Miqueas 2:2

Ya xbic'taj yo'tanic yu'un q'uinaletic, hich ya spojic; ya xbic'taj yo'tanic yu'un nahetic, hich ya yich'ic; ya stenic ta uts'inel te winic soc te mach'atic ay yu'un, ya stenic ta uts'inel te winic soc te bintic ay yu'une.

Jeremías 5:8

Hich ayic te bin ut'il cawuhetic te bayel swe'elic soc te ya sc'an ya xcuchawanic, jujutuhl x'i'i'et ta st'unel te yihnam spat-xuhc.

Job 31:9

Teme la jcac' slo'loybon co'tan jtuhl ants, o teme ay la jpac'muc'ultay ta sti'il sna te jpat-xuhc,

Hechos 20:33

Mayuc mach'a la jbic'sitaybe plata, oro, o sc'u' spac'.

Hechos 5:4

Te c'alal ay to ta acuenta a te aq'uinal, ¿ma bal awu'unuc? soc te c'alal la achon, ¿ma bal ayuc ta ac'ab te stojole? ¿Bin yu'un te hich la anop ta awo'tan? Ma ha'uc la alotiy te winiquetic, ha la alotiy te Diose, la yut.

San Lucas 16:14

Te fariseohetic te smulanejic c'uhlejalil, la ya'iyic spisil soc la slabanic yu'un.

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Isaías 57:17

Ilinon yu'un schopolil te sbic'tal yo'tan, la jca'be castigo, la jnac' jba ta stojol soc ilinon; pero te jtoybahil la st'un bahel te be te la sc'an yo'tan stuquel.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Eclesiastés 4:8

Ay jtuhl winic te stuquel ay, mayuc sjelol, mayuc snich'an o yermano; pero ma scom sba ta a'tel, ma xlaj yo'tan yilbel sc'ulejal; soc ma ba hich ya sjoc'oy: ¿Mach'a ya x'a'tejon yu'un, soc bin yu'un ma ba ya jpas te bin ya smulan te co'tane? ma xchihuc. Ha nix hich tojol nax soc tulan a'tel.

Proverbios 4:23

Ta spisil, canantaya awo'tan, como tey ya xtal a te acuxlejale.

Salmos 119:36

Ac'a te ha ya sc'an co'tan te testigo-c'op awu'un, ma ha'uc te bic'tal-o'tanil.

Salmos 10:3

Te mach'a chopol yo'tan ya stoy sba yu'un te bin ya sc'an te yo'tane, ya yalbe lec sc'oblal te mach'a jbic'tal-o'tan, soc ya yihlay te Jehová.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

1 Samuel 15:19

¿Bin yu'unix a te ma ba la ach'uhumbe sc'op te Jehová? ¿Bin yu'un la atsac te biluquetic soc la apas te bin chopol ta stojol Jehová? xchi.

Josué 7:21

Ta yohlil te biluquetic la jquil t'ujbil nahtil-c'u'ul talem ta Babilonia, soc lajunwinic (200) ta sehp plata soc jpehch oro te lajuneb yoxwinic (50) siclo yalal, bic'taj co'tan yu'un, hich la jtsac. Nac'bilix ta lum ta ye'tal te jnahilpac', soc ay ta ye'tal xan te taq'uine, xchi.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

Génesis 34:23

Ha cu'untic ya xc'oht te schansbahlamic, sbiluquic soc yantic schansbahlamic. Ha lec ya jchap jc'optic soc, hich ya xnahinic ta cohliltic a, xchihic.

Génesis 14:23

ma ba ya quich' ni jlihcuc hilera ni jlihcuc schuhquil tepil, ma ba ya quich'bat te bintic ay awu'un, scuenta yu'un ma ba yac awal: Ho'on la jcac' c'ulejubuc te Abram, ma xchihucat.

Deuteronomio 5:21

Ma me xbic'taj awo'tan yu'un yihnam apat-axuhc, soc ma me xamulambe te sna apat-axuhc, te sq'uinal, ya'bat, scriada, j'a'tel-wacax, burro o bintic ay yu'un te apat-axuhc, xchi te Jehová.

Deuteronomio 7:25

Ya me achic'ticlambe te sloc'omba diosetic yu'unique. Ma me xbic'taj awo'tan yu'un te plata o te oro te yich'ojic, ma me xawich', scuenta yu'un ma ba yac ac'ohchin a, como ha ihlaybil yu'un te Jehová.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

Proverbios 6:29

Hich ay te mach'a ya yantsibe yihnam te spat-xuhc; te mach'a ya ya'iy antsiwej ya me yich' castigo.