Éxodo 20:16 - Bible in Tzeltal Bachajón

¹⁶ Ma me xawal te bin ma meleluc ta stojol apat-axuhc.

Bible in Tzeltal de Oxchuc y Tenejapa

¹⁶ “Ma me x'ochat ta lotil testigo ta stojol apat-axujc'.

Éxodo 20:16 Referans Kwoze

Proverbios 19:5

Ya me yich' castigo te lotil testigo, soc ma ba libre ya xc'oht te mach'a ya ya'iy lot.

San Mateo 19:18

¿Bin mandariletiquil? xchi. La sjac' te Jesús: Ma me xawa'iy milaw; ma me xawa'iy antsiwej; ma me xawa'iy elec'; ma me xlehawanat ta c'op;

Salmos 15:3

ha te mach'a ma sle c'op, te mayuc bin chopol ya spasbe te spat-xuhc, soc te ma ba ya sbohlobtesbe sc'oblal;

Éxodo 23:1

Ma xawal te bin scuenta lehaw ta c'op. Ma junuc xawac' aba soc te mach'a chopol yo'tan ta yalel te bin ma meleluque.

Proverbios 10:18

Te mach'a ya smuc te il-o'tantaywanej, ya ya'iy lot, soc te mach'a ya spuc ta halel labanel, ma sna' q'uinal.

Santiago 4:11

Quermanotac, ma me talel c'axeluc xawalbe abahic bin chopol. Te mach'a ya yalbe bin chopol te yermano o ya yich' ta c'op, ha ya yalbe chopol sc'oblal te Ley soc ha ya yich' ta c'op. Teme ha'at yac awich' ta c'op te Ley, ma ba yac apas te bin ya yal te Ley, ha jchahpanwanejat yu'un ya xc'ohat.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

Hechos 6:13

La stehc'anic lotil testigohetic te la yalic: Ha'i winic ini ma scom sba ta sbohlc'optayel ha'i ch'ul awilal ini soc te Ley.

2 Timoteo 3:3

mayuc sc'uxul yo'tanic, mayuc perdón ta yo'tanic, jlehawetic ta c'op, ma scom sbahic, j'uts'inwanejetic, ihlaybil yu'unic te bintic lec,

Proverbios 11:13

Te mach'a ya xlehawan ta c'op ya schicnajtes te bin muquen ay, yan te mach'a jun yo'tan ma ba ya schicnajtes te bin muquen ay.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

San Lucas 3:14

Soc ay soldadohetic la sjoc'obeyic: ¿Haxan te ho'otcotic, bin ya cut jbahcotic? xchihic. Ma me ayuc mach'a yac apojbe staq'uin soc ma me tojoluc nax yac alehbeyic smul yan. Soc junuc me awo'tanic te jayeb yaquex ta tojele, xchi te Juan.

Levítico 19:18

Ma xapac ac'abal, soc ma xaq'uej ilimba ta awo'tan ta stojol te alumale, c'ux me xawa'iy ta awo'tan apat-axuhc hich te bin ut'il c'ux yac awa'iy aba te ha'ate. Ho'on, Jehovahon.

Deuteronomio 5:20

Ma me xale ta c'op scuenta scontrahinel te apat-axuhc.

Proverbios 25:18

Te mach'a ya yal lotil testigo-c'op ta scontrahinel te spat-xuhc, hich c'ohem te bin ut'il martillo, cuchillo, o ya'tejibal t'ihmalte' te jay sni'ile.