Éxodo 20:12 - Bible in Tzeltal Bachajón

¹² Ich'a ta muc' atat soc anan, scuenta yu'un naht ya xc'oht aworahil ta q'uinal te ya ya'bat te Jehová te Dios awu'une.

Bible in Tzeltal de Oxchuc y Tenejapa

¹² “Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Éxodo 20:12 Referans Kwoze

Colosenses 3:20

Al-nich'anetic, ch'uhumbeyahic spisil smandar te ame'atatic, yu'un ha lec yo'tan yu'un te Cajwaltique.

Deuteronomio 5:16

Ich'a ta muc' te atat soc anan, hich te bin ut'il la spasat ta mandar te Jehová te Dios awu'un, scuenta yu'un naht aworahil ya xcuxajat soc te lec ya xc'ohat ta aq'uinal ya ya'bat te Jehová te Dios awu'une.

San Marcos 7:10

como hich la yal te Moisés: Ich'a ta muc' te atat soc anan, soc: Te mach'a ya sbohlc'optay te stat o snan ya me xlaj yu'un, xchi,

Proverbios 30:17

Te sit te ma lecuc ya yil te stat soc te ma sc'an ya sch'uhumbe smandar te snan, ya xloq'uesot yu'un te jojetic yu'un sjuclej soc ya xti'ot yu'un hosetic.

Levítico 19:3

Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

San Lucas 18:20

Ana'oj te mandariletic: Ma me xawa'iy antsiwej, ma me xawa'iy milaw, ma me xawa'iy elec', ma me xawac' aba ta lotil testigo, soc ich'a ta muc' te atat soc anan, xchi.

San Mateo 19:19

ich'a ta muc' te atat soc anan; soc hich me c'ux yac awa'iy te apat-axuhc te bin ut'il c'ux yac awa'iy aba te ha'ate, xchi.

Proverbios 20:20

Te mach'a ya sbohlc'optay sme'stat, ya xtup'bot stsumbil c'ahc' ta yihc'al q'uinal.

Éxodo 21:17

Te mach'a ya yixta'c'optay stat o snan, ya me yich' milel.

San Marcos 10:19

Ana'oj te mandariletic: Ma me xawa'iy antsiwej; ma me xawa'iy milaw; ma me xawa'iy elec'; ma me xlehawanat ta c'op; ma me xawa'iy lo'loywanej; ich'a ta muc' te ame'atate, xchi.

Éxodo 21:15

Te mach'a ya smaj stat o snan, ya me yich' milel.

Deuteronomio 32:47

Como ma ha'uc te bin mayuc sc'oblal awu'unic, ha me acuxlejalic; ha ta scuenta te mandariletic ini te bayel c'ahc'al ya xcuxajex tey ta q'uinal te ya sohlex bahel ta Jordán ta yu'untayel, xchi.

Proverbios 3:16

Ta swa'el-c'ab ya yac' naht cuxlejal, soc ta sq'uexam-c'ab ya yac' c'ulejalil soc ich'el ta muc'.

2 Reyes 2:12

C'alal hich la yil te Eliseo hich awon: ¡Tatil cu'un, tatil cu'un! ¡Ha carretahetic yu'un Israel soc jmoheletic ta cawu yu'un! xchi ta aw. Mayuquix bin ora la yil xan te Elías. La stsac sc'u', la sch'i' ta ohlil.

Deuteronomio 4:40

Ch'uhuna te mandariletic yu'un te yac calbelat ta ora ini, scuenta yu'un lec ya xc'ohat soc lec ya xc'oht a te patil awal-anich'nab, soc te ya xnahtub aworahil te ayat ta q'uinal te ya ya'bat scuenta sbahtel q'uinal te Jehová te Dios awu'une, xchi te Moisés.

Deuteronomio 25:15

Ya sc'an te mero stojil soc ts'acal sp'isol yalal soc efa, scuenta yu'un hich me hal c'ahc'al ya xcuxajat ta q'uinal te ya ya'bat te Jehová te Dios awu'une.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Proverbios 30:11

Ay mach'atic ya sbohlc'optay static soc ma xyalbeyic lec sc'oblal te snanique.

Proverbios 28:24

Te mach'a ya yelc'ambe sbiluc te stat o te snan soc te ya yal te ma muliluc, ha smohlol te mach'a ya xjinawan.

Proverbios 15:5

Te mach'a ma sna' q'uinal ya sp'aj te tojobtesel yu'un te state; yan te mach'a ya sch'uhun tojobtesel ay sp'ijil yo'tan.

1 Reyes 2:19

Hich te Betsabé baht sc'opon te ajwalil Salomón ta scuenta te Adonías. Te ajwalil la stehc'an sba, la yic' ta stojol soc la snijan sba ta stojol te snane, la shuhcan xan sba ta shuctajib, la yac' ta ich'beyel tal silla yu'un ya xhuhcaj a te snan ta swa'el-c'ab.

Levítico 19:32

Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

Efesios 5:21

Talel c'axel me xawich' abahic ta cuenta, ta scuenta yich'el ta muc' te Cristo.

Deuteronomio 4:26

ya cac' ta testigo te ch'ulchan soc bahlumilal te ora me ya xch'ayex ta q'uinal te yac awu'untayic te c'alal ya sohlex bahel ta Jordán. Ma me haluc c'ahc'al ya x'ayinex tey a, ya me awich'ic lajinel ta jc'axel.

Deuteronomio 5:33

Behenanic ta be te la spasex ta mandar te Jehová te Dios awu'unic, scuenta yu'un hich ya xcuxajex soc lec ya xc'ohex a, soc te naht aworahil ya xnahinex tey ta q'uinal te yac awu'untayique.

Deuteronomio 6:2

scuenta yu'un yac awich'ic ta muc' te Jehová te Dios awu'unic, te yac apasic spisil bintic chapal soc te mandariletic te ya calbat, ha'at soc awal-anich'nab soc amamatac, te jayeb c'ahc'al ya xcuxajat, scuenta yu'un naht ya xc'oht aworahil a.

Deuteronomio 11:8

Ha yu'un canantayahic spisil te mandariletic te yacon ta yalel ta atojolic, scuenta yu'un hich yac awich' awipic soc hich ya x'ochex ta yu'untayel a te q'uinal te yac awich'ic,

Deuteronomio 11:9

soc scuenta yu'un bayel c'ahc'al ya xcuxajex tey ta q'uinal te jc'axel yaloj ta jamal te Jehová ta stojol te ame'atatic te ya ya'be soc te sts'umbal, ha te q'uinal banti ya x'oquin leche soc chab.

Deuteronomio 21:18

Teme ay mach'a ay squerem-nich'an te tulan yo'tan soc toyol yac'oj sba, te ma ba ya sch'uhun spasel te bin ya yal te sme'stat, ma ba ya sch'uhumbe sc'opic aunque ya x'a'bot castigo yu'unic,

Deuteronomio 27:16

Chopol sc'oblal te mach'a ya sjimbe sc'oblal te sme'stat, xchihic. Hichuc, xchihic me spisil te pueblo.

Proverbios 17:6

Te corona yu'un te mamaletic, ha te smamatac, soc te yutsilal te al-nich'anetic, ha te sme'statique.

Jeremías 35:7

Soc ma me xapas anahic, ma me xawa'iyic ts'umbajel soc ma me xats'unic ts'usubiltic. Ya me xnahinex ta nahilpac' te jayeb c'ahc'al cuxulex, scuenta yu'un bayel c'ahc'al ya xcuxajex ta lumq'uinal banti c'axel nax ayex.

Jeremías 35:18

Te Jeremías hich la yalbe te sts'umbal Recab: Hich yaloj te Jehová te scuentahinej spisil, te Dios yu'un Israel: Te bin ut'il la ach'uhumbe smandar te atat Jonadab soc la apasic spisil te bintic la yalbeyex ta mandar,

Ezequiel 22:7

P'ajbilic te me'iltatiletic ta awohlil; ya yuts'inic te jyanlumetic ta awohlil, soc ma ba toj bin ya spasbeyic te me'ba' alaletic soc me'ba' antsetique.

Génesis 48:12

Ha yu'un te José la sjits loq'uel te snich'nab ta sjol yacan te stat, la squejan sba.

Génesis 50:12

Te snich'nab Jacob hich la spasbeyic te bin ut'il pasotic hilel ta mandar:

Rut 3:6

Hich co bahel ta swuyojibal trigo, la spas spisil te bin halbot yu'un te yalibme'ele.

1 Samuel 22:3

Loc' bahel tey a te David, baht ta Mizpa ta sq'uinal Moab, hich c'oht yalbe te ajwalil yu'un Moab: Ya calbat wocol te yacuc sjoquinex hilel te jme'jtat ha to ya jna' te bin ya spasbon te Diose, xchi.