Éxodo 20:11 - Bible in Tzeltal Bachajón

¹¹ Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Bible in Tzeltal de Oxchuc y Tenejapa

¹¹ Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Éxodo 20:11 Referans Kwoze

Éxodo 31:17

Sbahtel q'uinal ha me seña ta jtojol soc ta stojol te snich'nab Israel, como ta waqueb c'ahc'al te Jehová la spas ch'ulchan soc bahlumilal, soc ta shuquebal c'ahc'al la squehchan ya'tel soc la scux yo'tan, xchi.

Hechos 20:7

Ta sba c'ahc'alil semana, c'alal jtsoboj jbahcotic ta xet'el te pan, la ya'iy p'ijubteswanej te Pablo, yu'un pajel xanix ya xbaht a. Halaj ta c'op c'alal la sta ohlil ahc'abal.

Génesis 1:28

Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Hechos 4:24

C'alal hich la ya'iyic, pajal hahchic ta sc'oponel Dios, hich la yalic: Ajwalilat yu'un spisil, ha'at te Diosat te la apas ch'ulchan, bahlumilal, mar soc spisil bintic ay tey a;

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Hebreos 4:4

como ay banti hich la yalbe sc'oblal te shuquebal c'ahc'al: Ta shuquebal c'ahc'al la scux yo'tan Dios yu'un spisil ya'tel, xchi.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Éxodo 8:22

Te bin c'ahc'alil te hich ya xc'oht ta pasel parte ya xc'oht cu'un te sq'uinal Gosén te banti ay te pueblo cu'un, mayuc hahetic tey a, yu'un hich yac ana' a te ho'on Jehovahon te ayon ta yohlil te q'uinale.

Éxodo 9:29

Hich la sjac' te Moisés: Teme loc'on bahel ta pueblo, ya jtoy jc'ab ta stojol Jehová, ya xquehchaj te chahwuc soc ma ba ya xtal xan bat, scuenta yu'un hich yac ana' a te ha yu'un Jehová te q'uinale.

Deuteronomio 5:15

Na'a me te ayat ta mosohil ta namey ta sq'uinal Egipto, te tey la sloq'uesat tal a te Jehová te Dios awu'un ta scuenta yu'el soc ta sc'ab shachoj. Ha scuentahil te Jehová te Dios awu'un la spasat ta mandar te yac acanantay te sc'ahc'alel cux-o'tan.

Isaías 42:10

C'ayojtayahic te Jehová ta yach'il c'ayoj, halbeyahic yutsil sc'oblal c'alal ta sti'il bahlumilal, ha'ex te ya xcohex bahel ta mar soc spisil bintic ay tey a, te ti'ti'mar soc te mach'atic nahinemic tey a.

Isaías 48:13

Te jc'ab la ya'be te yich'o-ip te bahlumilal, te jwa'el-c'ab la slim bahel te ch'ulchane; te c'alal ya calticlambe sbihilic, pajal ya stehc'an sbahic.

Génesis 1:31

Dios la yil spisil te bintic la spas, mero lec c'oht. Te yihc'ubel q'uinal soc te sacubel q'uinal, ha swaquebal c'ahc'al.