Éxodo 2:25 - Bible in Tzeltal Bachajón

²⁵ Ilotic yu'un Dios te snich'nab Israel, soc la sna'be yo'bolil sbahic.

Bible in Tzeltal de Oxchuc y Tenejapa

²⁵ Dios la yilbey swocolic te israeletic, soc la sna'bey yo'bolil sbaic.

Éxodo 2:25 Referans Kwoze

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Salmos 55:22

A'beya Jehová te bin ay awocol yu'un, ha me ya ya'bat awip; mayuc bin ora ya yac' yahluc te mach'a toj yo'tan.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

San Lucas 1:25

Hich spasbeyejon te Cajwaltique, ta ora ini la yaq'uix ta ilel te lec yo'tan ta jtojol, la sloq'uesbon te jq'uexlal ta stojol te ants-winiquetique, xchi.

San Mateo 7:23

Pero jamal ya calbeyic: Mayuc bin ora la jna'beyex abahic. Loc'anic ta jtojol, ha'ex te chopol awa'telique, ya me cutic.

2 Samuel 16:12

Ya wan yilbon jwocol te Jehová soc ya ya'bon bendición ta scaj te bohlc'optayel yu'une, xchi.

Job 33:27

Hich ya yal ta c'ayoj ta stojol ants-winiquetic: La jta jmul, la jimbe sc'oblal te bin toj ay, pero ma ba la jquich' castigo yu'un.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

Éxodo 1:8

Ta patil bahel och yan ajwalil ta Egipto te ma ba la sna'be sba te José. Hich la yalbe te pueblo yu'une:

Hechos 7:34

Quilbeyej swocol te pueblo cu'un te ay ta Egipto, soc ca'iybeyej yahcan, ha yu'un cohemon tal ta scoltayel. La' me, ya jticonat bahel ta Egipto, xchi.

Éxodo 3:9

Te yawic te snich'nab Israel c'ohtix ta jtojol, soc quilojix te swocolic a'botic yu'un te egipciohetique.

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Deuteronomio 26:7

Hich awonotcotic ta stojol Jehová te Dios yu'un te jme'jtatic; te Jehová la ya'iybotcotic jc'opcotic soc la yilbotic te jwocolcotic, te tulan ca'telcotic soc te uts'inel te ay jwocolcotic yu'une.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.

Salmos 31:8

Ma ba la awac'on ta sc'ab te jcontra; la awac' tehc'ajucon ta buen jamal q'uinal.