Éxodo 2:23 - Bible in Tzeltal Bachajón

²³ Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Bible in Tzeltal de Oxchuc y Tenejapa

²³ Bayal c'aal ta patil laj te ajwalil yu'un te Egipto. Pero yacalic ta woclajel ta ajc'an ta mozoinel te israeletique. Ja'uc me to, c'ot ta stojol Dios te yajc'anic soc te sc'opique.

Éxodo 2:23 Referans Kwoze

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Hechos 7:30

C'ax cha'winic (40) ha'bil, chicnaj ch'ul a'bat ta stojol ta jochol taquin q'uinal ta wits Sinaí, ta banti yac ta tihlel c'ahc' ta jpeht ch'ix.

Génesis 16:11

Soc halbot xan yu'un te ch'ul a'bat yu'un Jehová: Hahchemix awal, ya x'ayin atut querem-al; ya me awa'be sbihilin Ismael, yu'un ya'iyej te Jehová te ay awocole.

Isaías 19:20

Ha seña soc testigo ta sq'uinal Egipto ya xc'oht ta stojol Jehová te scuentahinej spisil, yu'un ya me yawtayic te Jehová ta scaj te ayic ta uts'inel, hich te Jehová ya me sticon tal jcoltaywanej soc jcanan te ya x'ac'otic ta libre yu'une.

Salmos 18:6

Ayon ta wocol a te la jc'opon te Jehová, awon ta stojol te Dios cu'une. La ya'iybon jc'op c'alal ta Templo yu'un, c'oht ta schiquin te cawe.

Salmos 12:5

Ya yal te Jehová: Ta scaj te uts'inel yu'un te pobrehetic soc te ahcan yu'un te mach'atic mayuc bin ay yu'unic, ya xhahchonix, ya jcoltay te mach'atic sc'anojic coltayel, xchi.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Deuteronomio 24:15

Ta sc'ahc'alel nix ya me atojbe te ya'tele, ma me mahluquix c'ahc'al a te yac atoj, como pobre, ha ya xcuxaj a; scuenta yu'un ma ba ya x'awon ta stojol Jehová ta acontra, te hich yac ata amul a.

Éxodo 4:19

Te Jehová la yalbe te Moisés ta Madián: Suhtan bahel ta Egipto, yu'un chamiquix spisil te mach'atic c'an smilat, xchi.

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Éxodo 7:7

Te Moisés ayix chanwinic (80) ya'bilal a, soc te Aarón oxeb yo'winic (83) ya'bilal a te c'alal la sc'oponic te faraón.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Éxodo 1:14

La ya'beyic swocolic yu'un spasel tulan a'tel ta swots'el ahch'al soc ta spasel adobe, soc ta spasel spisil a'tel ta q'uinal. Ta spisil te ya'telic la stenic ta spasel.

Éxodo 6:5

Soc ca'iybeyejix te yahcanic te snich'nab Israel te ayic ta mosohil yu'un te egipciohetic; soc ay ta co'tan te chapbil-c'op cu'une.

Éxodo 6:9

Te Moisés hich la yalbe te snich'nab Israel, pero ma ba la ya'iybeyic sc'op te Moisés ta scaj te pehc'ajem yo'tanic yu'un te mosohile.

1 Samuel 12:8

Te c'alal och ta Egipto te Jacob soc te tulan awonic yu'un swocolic ta stojol Jehová te ame'atatique, te Jehová la sticon bahel Moisés soc Aarón te la sloq'uesic tal ta Egipto te ame'atatic soc la yaq'uic nahinuc ta lugar ini.

Job 35:9

Ya x'awonic te ants-winiquetic ta scaj bayel swocolic; ya x'awonic ta sc'anel coltayel yu'un te mach'atic ay yipique.

Salmos 102:1

Jehová, a'iybon awa'iy te ya jc'oponat, ac'a c'ohtuc ta atojol te caw.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.

Salmos 102:2

Ma me xanac' asit awelaw ta jtojol te c'alal ayon ta wocol. Ac'a tal achiquin ta jtojol; jac'bon jc'op ta ora te c'alal ya jc'oponate.