Éxodo 19:6 - Bible in Tzeltal Bachajón

⁶ Soc ha'ex pueblo yu'un sacerdotehetic soc ch'ul nación ya xc'ohex cu'un. Ha me te c'op ini te yac awalbe te snich'nab Israel, xchi.

Bible in Tzeltal de Oxchuc y Tenejapa

⁶ ¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.

Éxodo 19:6 Referans Kwoze

Apocalipsis 5:10

La awa'beyix ya'telic ta ajwalil soc ta sacerdotehil ta stojol te Dios cu'untic, ya me ya'iyic cuentahinwanej ta bahlumilal, xchihic ta c'ayoj.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Deuteronomio 28:9

Te Jehová ya me yac' te ha ch'ul pueblo ya xc'ohat yu'un, hich te bin ut'il jc'axel yalbeyejat ta jamal, teme yac ach'uhun te mandariletic yu'un Jehová te Dios awu'un soc te yac at'umbe te behetic yu'une.

Isaías 62:12

Ya x'a'bot sbihilinic: Ch'ul Pueblo, xchi, te mach'atic ac'otic ta libre yu'un Jehová, xchi me sc'oblal. Soc ya x'a'botat abihilin: C'ambil Pueblohat, Pueblo te ma ba ihquitaybil, xchi me ac'oblalic.

Deuteronomio 26:19

scuenta yu'un c'ax hich muc' ac'oblal ya xc'oht a te bin ut'il te yantic nacionetic spasoj, yu'un ya xchicnaj yutsil ac'oblal, ya xpuhc lec ac'oblal soc ya x'ich'otat ta muc', soc te ch'ul pueblo ya xc'ohat yu'un te Jehová te Dios awu'un, hich te bin ut'il yaloj, xchi te Moisés.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Romanos 12:1

Ha yu'un, quermanotac, ya calbeyex wocol ta scuenta te sc'uxul yo'tan Dios te yacuc awac' abaq'uetalic scuenta cuxul chic'bil mahtanil, te ch'ultesbil soc te lec yo'tan Dios yu'un, te hich ya sc'an ch'uhuntayel awu'unic te Diose.

Apocalipsis 20:6

Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.

1 Corintios 3:17

Teme ay mach'a ya sjin te templo yu'un Dios, ya me xjihnot yu'un Dios, como ch'ultesbil te templo yu'un Dios, ha'ex abi.

Isaías 61:6

Ha'ex sacerdotehex yu'un Jehová ya xc'oht abihilic, j'a'teletic yu'un te Dios cu'untic ya xc'oht te abihilique. Ya me awe'beyic te sc'ulejal te nacionetic, soc ya me xtohy ac'oblalic yu'un te yutsilalique.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Levítico 21:23

Pero ma xhu' ya xnohpoj ta spat te tsalul pac', soc ma xhu' ya xnohpoj tal ta stojol te scajtajib ta chiq'uel mahtanil, como ay banti ma lecuc sbaq'uetal, scuenta yu'un hich ma ba ya sbohlobtesbe sc'oblal a te ch'ul awilal cu'une, como ho'on, Jehovahon, te ya jch'ultes, xchi.

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

1 Tesalonicenses 5:27

Tulan ya calbeyex ta scuenta Cajwaltic te ya me yich'ic ilel te carta ini ta stojol spisil te quermanotactique.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Éxodo 22:31

Ch'ultesbil winiquetic cu'un ya xc'ohex. Ha yu'un ma me xati'ic chambahlam te laj ta ti'el yu'un ti'awal chambahlametic; ya me ach'ojbe bahel sti' te ts'i'etique.

1 Reyes 3:8

Te awa'bat ay ta stojol te pueblo te tsahbil awu'un, ha muc'ul pueblo te ma xhu' ta ahtayel yu'un yipal.

1 Reyes 8:53

como ha'at parte la awac' ta yohlil spisil te pueblohetic ta bahlumilal yu'un ha'at awu'un ya xc'oht, hich te bin ut'il la awal ta scuenta te awa'bat Moisés te c'alal la awic' loq'uel tal te jme'jtatcotic ta Egipto, Cajwal Jehová, xchi ta sc'oponel Dios te Salomón.

1 Crónicas 17:22

Ha'at la awac' te ha awu'un c'oht te pueblo Israel ta sbahtel q'uinal, soc ha'at, Jehová, Diosat yu'unic c'ohat.

Isaías 43:4

Como bayel ac'oblal ya ca'iy ta jtojol, ich'bilat ta cuenta cu'un soc c'uxat ta co'tan; ha yu'un ya cac' winiquetic ta acuenta, soc nacionetic ta scuenta acuxlejal.

Isaías 66:21

Soc ya jtsa ta yohlilic mach'atic ha sacerdotehetic soc levitahetic ya xc'ohtic, xchi te Jehová.

Jeremías 2:3

Ch'ultesbil a te Israel ta stojol Jehová, ha sba sit sts'unubil. Spisil te mach'atic la slajinic la sta smulic yu'un; chopol bin c'oht ta stojolic, xchi te Jehová.

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Jeremías 13:11

Como hich te bin ut'il ya sut' ta chuquel sch'uht te winic, hich la jcac' te ya sut' ta chuquel ta jtojol spisil te sna Israel soc spisil te sna Judá, scuenta yu'un ha pueblo cu'un ya xc'oht, scuenta yu'un ya ya'bon ta na'el te jbihil soc ya yich' halbeyel yutsil jc'oblal soc te ya x'ich'otic ta muc' a, pero ma ba la ya'iyic, xchi te Jehová.

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Éxodo 28:36

Soc ya me apas jun jayal pehchel ta puro oro, ts'ihbaya ochel tey a hich te bin ut'il ya yich' ts'ihbayel ochel sellohetic: CH'ULTESBIL TA STOJOL JEHOVÁ.

Números 16:3

La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

Salmos 114:2

ha ch'ul awilal yu'un Jehová c'oht te Judá, te Israel ha cuentahinot yu'un.

Hageo 2:5

Hich te bin ut'il la jchahp jc'op ta atojolic te c'alal loq'uex tal ta Egipto, ya xtal ta awohlilic te espíritu cu'un, ma me xiwex.