Éxodo 19:5 - Bible in Tzeltal Bachajón

⁵ Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Bible in Tzeltal de Oxchuc y Tenejapa

⁵ Jich yu'un teme ya awaiybonic spisil jc'op, soc teme ya awich'bonic ta muc' te trato cu'une, mero lumex me cu'un, te ma'yuc yan lumetic ya spajex, melel ja' cu'un spamal te balumilale.

Éxodo 19:5 Referans Kwoze

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Deuteronomio 7:6

Como te ha'ate, ch'ul pueblohat yu'un Jehová te Dios awu'une. Ha la stsahat ta yohlil spisil te pueblohetic ta swohlol bahlumilal scuenta yu'un mero pueblohat yu'un ya xc'ohat.

Deuteronomio 26:18

Te Jehová la yalix ta jamal yo'tic te ha'at pueblohat yu'un, te ha mero yu'unat stuquel, hich te bin ut'il la yalbatix ta jamal, scuenta yu'un yac ach'uhumbe spisil te mandariletic yu'une;

Malaquías 3:17

Te bin ora ay bin ya xhahchon ta pasel ha c'ulejalil cu'un ya xc'ohtic te bayel sc'oblal ta co'tan, xchi te Jehová te scuentahinej spisil. Hich ya jc'uxultay te bin ut'il te tatil ya sc'uxultay te snich'an te ya yac' sba ta a'batinel yu'une.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Salmos 135:4

como te Jehová la stsa Jacob te ha yu'un ya xc'oht, la stsa te Israel scuenta yu'un ha sc'ulejal ya xc'oht.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

Éxodo 23:22

Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Deuteronomio 10:14

Ilawil, yu'un Jehová te Dios awu'un te ch'ulchan soc te mero toyol ch'ulchan, te bahlumilal soc spisil te bintic ay tey a.

Éxodo 9:29

Hich la sjac' te Moisés: Teme loc'on bahel ta pueblo, ya jtoy jc'ab ta stojol Jehová, ya xquehchaj te chahwuc soc ma ba ya xtal xan bat, scuenta yu'un hich yac ana' a te ha yu'un Jehová te q'uinale.

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

1 Corintios 10:26

como ha yu'un Cajwaltic te bahlumilal soc spisil bintic ay tey a.

Job 41:11

¿Mach'a ay bin la ya'bon yu'un ya sc'an ya jsutbe sjelol? ¡Spisil bintic ay ta ye'tal ch'ulchan ho'on cu'un!

Deuteronomio 5:2

Te Jehová te Dios cu'untic la schap sc'op soc ho'otic ta wits Horeb.

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Isaías 43:1

Pero yo'tic, hich ya yal te Jehová, te mach'a la schicnajtesat, Jacob, te mach'a la spasat, Israel: Ma xiwat, como ho'on la jcac'at ta libre; la jquic'at ta abihil, ha'at cu'unat.

Isaías 41:8

Pero ha'at, Israel, ha a'batat cu'un, ha'at, Jacob, te tsahbilat cu'un, sts'umbalex Abraham te mach'a jun co'tan soc;

Salmos 25:10

Spisil te behetic yu'un Jehová ha sc'uxul-o'tanil soc smelelil yu'un te mach'atic ya scanantaybeyic te chapbil-c'op soc te testigo-c'opetic yu'une.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.

Josué 24:24

Te pueblo la sjac'beyic sc'op te Josué: Te Jehová te Dios cu'untic ya me cac' jbahcotic ta a'batinel yu'un soc ya me jpascotic te bin ya yalbotcotic, xchihic.

Isaías 1:19

Teme yac ac'anic soc teme yac ach'uhunique, ya me awe'ic te bintic lec ya xloc' ta q'uinal;

1 Reyes 8:53

como ha'at parte la awac' ta yohlil spisil te pueblohetic ta bahlumilal yu'un ha'at awu'un ya xc'oht, hich te bin ut'il la awal ta scuenta te awa'bat Moisés te c'alal la awic' loq'uel tal te jme'jtatcotic ta Egipto, Cajwal Jehová, xchi ta sc'oponel Dios te Salomón.

Deuteronomio 28:1

Teme yac awa'iybe sc'op te Jehová te Dios awu'un soc teme jun awo'tan yac apasbe spisil te mandariletic yu'un te yac calbelat ta ora ini, ha nix hich te Jehová te Dios awu'un ya me yac' te toyol ya xc'ohat yu'un spisil te nacionetic ta bahlumilal.

Isaías 56:4

Como hich ya yal te Jehová: Te eunucohetic te ya scanantaybon te sc'ahc'alel cux-o'tan, te ya stsahic te bin ya sc'an co'tan soc te jun yo'tanic yich'ojic ta cuenta te chapbil c'op cu'une,

Éxodo 24:7

Patil la stsac te libro yu'un te chapbil-c'op, la yilbe ya'iy te pueblo; hich la yalic yu'un: Ya jpascotic spisil te bin yalojix te Jehová, ya jch'uhuncotic spasel, xchihic.

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Deuteronomio 11:27

ha bendición teme yac ach'uhumbeyic spasel te mandariletic yu'un Jehová te Dios awu'unic te ya calbeyex ta ora ini;

1 Corintios 10:28

Yan teme ay mach'a ya yalbeyex: Ha ini a'bot scuenta milbil mahtanil yu'un te loc'ombahetic, teme xchihe, ma me xawe'ic ta scaj te mach'a hich la yal soc scuenta yu'un ma ba ya x'och na'etel yu'un, como ha yu'un Cajwaltic te bahlumilal soc spisil bintic ay tey a.

Deuteronomio 14:21

Ma me xawe'ic te bin ya xcham ta stuquel nax; ya xhu' yac awa'be te jyanlum te nahinem ta pueblohetic awu'unic, ya xhu' ya swe' stuquel; o ya xhu' yac achombe te jyanlum sohlel yacalic; como ha'at ch'ul pueblohat yu'un te Jehová te Dios awu'une. Ma me xapay ta ya'lel schu' sme' te tut tentsune.

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Cantares 8:12

Te ts'usubil cu'un ay ta jtojol; te lajunwinic yoxbahc' (1,000) ta sehp plata, ha'at awu'un, Salomón, soc te lajunwinic (200) ta sehp plata yu'un te mach'atic ya scanantayic te site.

Hebreos 8:9

Ma hichuc te bin ut'il te chapbil-c'op la jchap soc te antiguo sme'static te c'alal la jnit loq'uel ta sc'abic ta sq'uinal Egipto. Como ma ba jun yo'tanic ta stojol te chapbil-c'op, ha yu'un la jquihquitayic hilel, xchi te Cajwaltique.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Génesis 17:9

Hich halbot xan yu'un Dios te Abraham: Ya me ach'uhun spasel te chapbil-c'op cu'un, ha'at soc ats'umbal ta cajalcaj bahel.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 8:22

Te bin c'ahc'alil te hich ya xc'oht ta pasel parte ya xc'oht cu'un te sq'uinal Gosén te banti ay te pueblo cu'un, mayuc hahetic tey a, yu'un hich yac ana' a te ho'on Jehovahon te ayon ta yohlil te q'uinale.

Deuteronomio 28:9

Te Jehová ya me yac' te ha ch'ul pueblo ya xc'ohat yu'un, hich te bin ut'il jc'axel yalbeyejat ta jamal, teme yac ach'uhun te mandariletic yu'un Jehová te Dios awu'un soc te yac at'umbe te behetic yu'une.

1 Crónicas 17:22

Ha'at la awac' te ha awu'un c'oht te pueblo Israel ta sbahtel q'uinal, soc ha'at, Jehová, Diosat yu'unic c'ohat.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.

Amós 3:2

Ta yohlil spisil te pueblohetic ta bahlumilal; ha'ex nax atuquelic te la jtsahex ha yu'un ya ca'beyex castigo yu'un spisil te bin chopol apasojique.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Deuteronomio 9:29

Ha pueblo awu'un, ha te bin ay awu'un te la aloq'ues tal ta smuc'ul yip awu'el soc ta scuenta ac'ab ahachoj, xchihon.

Deuteronomio 26:19

scuenta yu'un c'ax hich muc' ac'oblal ya xc'oht a te bin ut'il te yantic nacionetic spasoj, yu'un ya xchicnaj yutsil ac'oblal, ya xpuhc lec ac'oblal soc ya x'ich'otat ta muc', soc te ch'ul pueblo ya xc'ohat yu'un te Jehová te Dios awu'un, hich te bin ut'il yaloj, xchi te Moisés.

Job 41:3

¿Ya bal xbic'talti'ij ta atojol? ¿Ya bal sc'oponat ta c'unil c'op?

Jeremías 13:11

Como hich te bin ut'il ya sut' ta chuquel sch'uht te winic, hich la jcac' te ya sut' ta chuquel ta jtojol spisil te sna Israel soc spisil te sna Judá, scuenta yu'un ha pueblo cu'un ya xc'oht, scuenta yu'un ya ya'bon ta na'el te jbihil soc ya yich' halbeyel yutsil jc'oblal soc te ya x'ich'otic ta muc' a, pero ma ba la ya'iyic, xchi te Jehová.