Éxodo 19:22 - Bible in Tzeltal Bachajón

²² Soc ac'a sch'ultes sbahic te sacerdotehetic te ya xnohpojic tal ta stojol te Jehová scuenta yu'un ma ba ya xlajinotic yu'un, xchi.

Bible in Tzeltal de Oxchuc y Tenejapa

²² Te sacerdoteetique ya xju' ya xnoptsajic tel ta jtojol, ya me sc'an neel ya slecubtes sbaic, teme repente tan ya xbajt'ic cu'un —xi' te Cajwaltique.

Éxodo 19:22 Referans Kwoze

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

Hechos 5:10

Ora puch' ta lum ta stojol yoc te Pedro, toj chamel. C'alal ochic talel te jcolel queremetic, chamenix a c'oht stahic; hich la sloq'uesic, baht smuquic ta banti ay te smamalal.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

2 Crónicas 30:15

Ta schanlajunebal (14) c'ahc'al ta schebal u la smilic te tuminchijetic yu'un Pascua. Te sacerdotehetic soc te levitahetic bayel q'uexawic, hich hahch sch'ultes sbahic, soc la yiq'uic tal ta sna Jehová te scohtol chic'bil mahtaniletique.

2 Crónicas 30:3

como ma ba la yich' pasel ta mero sc'ahc'alel ta scaj te mayuc tsobol te sacerdotehetic te sch'ultesej sbahic, soc ma ba stsoboj sbahic te pueblo ta Jerusalén.

1 Crónicas 15:13

Te bin ut'il ma hichuc la apasic ta nahil to, te Jehová te Dios cu'untic ilin ta jtojoltic ta scaj te ma ba la jlehtic hich te bin ut'il yaloj ta mandar, xchi.

Éxodo 19:5

Ha yu'un teme yac awa'iybonic jc'op soc teme yac ac'ohtesic ta pasel te chapbil-c'op cu'une, ha'ex me tsahbil c'ulejalil cu'un ya c'ohex ta yohlil spisil te pueblohetic; como ho'on cu'un spisil te bahlumilale.

Éxodo 19:24

Pero hich halbot yu'un Jehová: Bahan, cohan bahel, ya me xtalat soc Aarón; yan te sacerdotehetic soc te pueblo ma me xc'axic ta seña sti'il yu'un ya xmohic tal ta stojol Jehová, scuenta yu'un ma ba ya xlajinot yu'un, xchi.

Levítico 21:6

Ch'uhltesbilic me ta stojol te Dios yu'unic, ma me xyac' bohlobuc sc'oblal te sbihil te Dios yu'unic, como ha ya yaq'uic te chic'bil mahtaniletic ta stojol Jehová, ha te we'elil yu'un te Dios yu'unique. Ha yu'un ya sc'an te ch'ultesbilique.

Números 11:18

Hich yac awalbe te pueblo: Ch'ultesa abahic yu'un pajel, ya me awe'ic ti'bal; yu'un la ya'iybeyex awoq'uelic te Jehová, te hich la awalic: ¡Te ayuc ti'bal ya jti'tic! ¡Ha lec xan te ayucotic ta Egipto! te xchihexe. Ha yu'un te Jehová ya me ya'beyex ti'bal, hich ya xwe'ex.