Éxodo 19:18 - Bible in Tzeltal Bachajón

¹⁸ Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Bible in Tzeltal de Oxchuc y Tenejapa

¹⁸ Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Éxodo 19:18 Referans Kwoze

Jueces 5:5

Nihquic te witsiltic ta stojol Jehová, nihc te Sinaí ta stojol Jehová te Dios yu'un Israel.

Salmos 144:5

Jehová, jama te ch'ulchan, cohan tal; tija te witsiltic scuenta yu'un ya xloc' sch'ahilel.

Apocalipsis 15:8

Te templo noj ta ch'ahil yu'un te yutsilal Dios soc te yu'ele. Mayuc mach'a ya xhu' ya x'och ta templo ha to c'alal ts'acay te huqueb wocol te yich'ojic te huqueb ch'ul a'batetique.

Éxodo 3:2

Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Jeremías 4:24

La jquil te witsiltic, yacalic ta nihquel; spisil te tsehletic xyuq'uinaj ta nihquel.

Génesis 19:28

La yil bahel ta stojol Sodoma soc Gomorra soc spisil te spamlej, la yil te xtomomet ta loq'uel sch'ahilel hich te bin ut'il sch'ahilel horno.

Salmos 104:32

Ha ya yil te lumq'uinal, ya xnihc yu'un; ya spic te witsiltic, ya xloc' ch'ahil yu'un.

Deuteronomio 33:2

Hich la yal: Te Jehová tal ta Sinaí; c'alal ta Seir yac'oj tal sts'anabul; la sacubtes tal q'uinal c'alal ta wits Parán, hahchem tal soc tsobol ta mil mach'atic ch'uhltesbilic, ta swa'el-c'ab yich'oj tal te ley te ay sts'anabul.

Deuteronomio 5:22

Ha c'opetic ini la yal ta tulan c'op te Jehová ta stojol spisil te pueblo awu'unic ta wits, ta yohlil te c'ahc', tocal soc yihc'al q'uinal; mayuc bin yan la yal. Patil la sts'ihbay ta cha'pehch tonetic, la ya'bon ta jc'ab.

Éxodo 24:17

Te yutsilal Jehová hich yilel la yilic te snich'nab Israel te bin ut'il jlajinwanej c'ahc' ta ba wits.

Hebreos 12:26

Ta hich ora la snihc sba te bahlumilal yu'un te c'opoj te Diose; pero yo'tic hich yalojix: Jun xan buelta ya cac' nihcuc ma hipuc nax a te bahlumilal, ha nix hich ya cac' nihcuc te ch'ulchane, xchi.

Isaías 6:4

C'alal c'opojic, nihc te yich'o-ip te puertahetic soc noj ta ch'ahil te templohe.

Génesis 15:17

Mahlix c'ahc'al, ihc'ubix q'uinal a, chicnaj tut yawil c'ahc' te yac ta loq'uel sch'ahilel, soc tuxul c'ahc', c'axic ta yohlil te chambahlametic te jaticlambil ta ohlil.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

Hebreos 12:18

Ma ba nohpojemex ta wits te ya xhu' ta piquel soc te yac ta tihlel c'ahc' tey a; ma ba nohpojemex ta spimil yihc'al q'uinal, ta yihc'al q'uinal soc ta ic'al ha'al,

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

San Mateo 24:7

Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.

Zacarías 14:5

Ya me x'ahnex bahel ta spamlej yu'un te witsiltique, como te spamlej yu'un te witsiltic ya xc'oht c'alal ta Azal. Hich ya x'ahnex bahel te bin ut'il ahnex bahel ta scaj te nihquel ta yorahil Uzías, ajwalil yu'un Judá. Soc ya xtal te Jehová te Dios cu'un, sjoquinejix tal spisil te mach'atic ch'ultesbilique.

Salmos 114:7

Ha'at, lumq'uinal, nihcan me ta stojol Jehová, ta stojol te Dios yu'un Jacob,

Salmos 77:18

Chicnaj sc'op st'ohmel chahwuc awu'un ta sutu-ic', te tsantsehwaletic awu'un la sacubtesic te bahlumilal, nihc te lumq'uinal, yuq'uilanot yu'un.

Éxodo 20:18

Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.

Éxodo 19:13

Ya yich' ch'ojel ta ton o ya x'a'bot t'ihmalte', ma ba ya xpicot ta c'abal; teme winic o chambahlam, ma ba ya xcuxaj. C'alal hal ya x'oc' te xulubil ya xhu' ya xnohpojic tal ta wits, xchi.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

Apocalipsis 9:2

La sjam te xahab, xtomet loq'uel bayel ch'ahil tey a hich te bin ut'il sch'ahilel muc'ul horno. Ihc'ub te c'ahc'al soc ic' yu'un te ch'ahil yac ta loq'uel tal ta xahab.

Génesis 11:5

Te Jehová co tal ta yilel te muc'ul pueblo soc te muc'ul toyol ts'ahc te yacalic ta spasel te snich'nab winiquetic.

Éxodo 19:17

Te Moisés la yic' loq'uel ta campamento te pueblo yu'un ya stahic te Diose; c'oht stehc'an sbahic ta ye'tal te witse.

Éxodo 34:2

Chahpana aba hiche, yu'un pajel ya xmohat tal ta wits Sinaí; ya me atehc'an aba ta jtojol ta sba te witse.

Deuteronomio 5:4

Ta mero asitic la sc'oponex te Jehová ta wits ta yohlil te c'ahq'ue.

Isaías 64:1

¡Ayuc bin ut'il yac ach'i' te ch'ulchan soc ya xcohat talel, scuenta yu'un yacuc xnihc ta atojol te witsiltique;

Deuteronomio 4:36

C'alal ta ch'ulchan la ya'bat awa'iybe sc'op scuenta ap'ijubtesel; soc ta lumq'uinal la ya'bat awil te muc'ul c'ahc' yu'un, soc la awa'iybe sc'op ta yohlil te c'ahq'ue.

Nehemías 9:13

Cohat tal ta wits Sinaí, la ac'oponlan c'alal ta ch'ulchan. La awac'ticlambe bintic stojil ay, smelelil leyetic, soc lequil chahpambil mandariletic soc mandariletic.

Salmos 18:9

La sjam te ch'ulchan soc co tal, ay pimil tocaletic ta ye'tal yoc.

Salmos 68:9

Dios cu'un, la awac' tal bayel ha'al; la awa'be xan yip te q'uinal awu'une.

Salmos 77:19

C'ax ta mar te be awu'un, te behetic awu'un c'axic ta yohlil te ha'etic; aunque ma ba chicnaj te awoque.

Salmos 114:4

Te witsetic hich wihlic te bin ut'il tat tuminchijetic, te tsehltsehltic hich wihlic te bin ut'il tut tuminchijetic.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.