Éxodo 19:10 - Bible in Tzeltal Bachajón

¹⁰ hich halbot yu'un te Jehová: Bahan ta stojol te pueblo, ch'ultesa yo'tic soc pajel; soc ac'a sac' sc'u'-spaq'uic

Bible in Tzeltal de Oxchuc y Tenejapa

¹⁰ Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Éxodo 19:10 Referans Kwoze

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Levítico 11:25

Mach'ayuc a te ya yich' bahel te schamen baq'uetalic ya me sac' sc'u' spac' soc ma me lecuc sc'oblal ya xhil c'alal ta yihc'ubel q'uinal.

Génesis 35:2

Hich te Jacob la yalbe te mach'atic ay yu'un ta sna soc spisil te mach'atic sjoquinejic: Loq'uesahic te jyanlum diosetic te ay ta awohlilic, poca abahic soc jeltaya ac'u'ic.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Números 8:21

Te levitahetic la slecubtes sbahic soc la sac' sc'u'ic; hich te Aarón la yac'ticlambe scuenta tuchilambil mahtanil ta stojol Jehová, soc la yac' te stojel mulil yu'unic scuenta lecubtesbeyel sc'oblalic.

Levítico 15:5

Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Josué 3:5

Te Josué la yalbe te pueblo: Ch'ultesa abahic, yu'un pajel ya me spas jchahp a'teliletic ta awohlilic te Jehová, xchi.

Números 8:7

Hich yac apas yu'un yac alecubteslambe sc'oblalic: Ya me atsihtsimbe ta ha' yu'un slecubtesbeyel sc'oblalic soc ac'a squits' stsotselic ta navaja ta scohtolic; ha ya sac' sc'u' spaq'uic, hich lecubtesbil ya xhilic.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.

Josué 7:13

Hahchan, ch'ultesa te pueblo, hich xawalbe: Ch'ultesa abahic yu'un chapalex pajel, como hich ya yal te Jehová te Dios yu'un Israel: Ay bin ay ta awohlilic, Israel, te parte ac'bil ta scuenta lajel; ma xhu' yac atsal te acontra ha to teme la aloq'ues ta awohlilic te bin parte ac'bil ta scuenta lajel.

2 Crónicas 29:5

hich la yalbe: ¡Levitahetic, a'iybon awa'iyic jc'op! Ch'ultesa abahic yo'tic soc ch'ultesahic te sna Jehová te Dios yu'un ame'atatic, soc loq'uesahic ta ch'ul awilal te bin bohloben sc'oblal.

Números 31:24

Ta shuquebal c'ahc'al ya me asac' ac'u' apaq'uic, hich ya xlecub ac'oblalic a, patil ya xhu' ya x'ochex bahel ta campamento, xchi.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

2 Crónicas 29:34

Pero mayuc tsobol sacerdotehetic, ma ba hu' yu'unic xcho'el te scohtol chic'bil mahtaniletic. Ha yu'un coltayotic yu'un te yermanotac levitahetic ha to c'alal laj te a'tel, soc ha to c'alal la sch'ultes sbahic te yantic sacerdotehetic, como te levitahetic c'axem to xan hich yo'tanic te ya sch'ultes sbahic te bin ut'il te sacerdotehetique.

1 Samuel 16:5

Ha, talon ta ya'beyel milbil smahtan te Jehová. Ch'ultesa abahic, la', joquinawonic ta yaq'uel te milbil mahtanil, xchi te Samuel. Patil te Samuel la sch'ultes te Isaí soc te snich'nab, la yic' ta yaq'uel te milbil mahtanil.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Números 11:18

Hich yac awalbe te pueblo: Ch'ultesa abahic yu'un pajel, ya me awe'ic ti'bal; yu'un la ya'iybeyex awoq'uelic te Jehová, te hich la awalic: ¡Te ayuc ti'bal ya jti'tic! ¡Ha lec xan te ayucotic ta Egipto! te xchihexe. Ha yu'un te Jehová ya me ya'beyex ti'bal, hich ya xwe'ex.

Números 19:19

Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

2 Samuel 19:24

Ha nix hich te Mefi-boset snich'an Saúl, loc' ta stahel te ajwalil, ma ba spocoj yoc, ma ba set'oj yisim, soc ma ba sac'oj sc'u' spac' a te bin ora loc' bahel te ajwalil ha to c'alal lec suht tal.

Números 31:23

spisil te bintic ya xcuhch yu'un c'ahc', ya me awotsesic ta c'ahc', hich ya xlecub sc'oblal a, pero ha nix hich ya me yich' lecubtesel ta ha' scuenta slecubtesel. Yan te biluquetic te ma xcuhch yu'un c'ahc', ya me ac'ases ta ha'.