Éxodo 19:1 - Bible in Tzeltal Bachajón

¹ Ta yoxebal u sloq'uelic bahel ta sq'uinal Egipto a te snich'nab Israel, ta sc'ahc'alel nix, c'ohtic ta jochol taquin q'uinal Sinaí.

Bible in Tzeltal de Oxchuc y Tenejapa

¹ Te israeletic c'otic ta jochol taquin q'uinal ta Sinaí. Ja' yoxebalix u sloq'uelic tel ta Egipto abi.

Éxodo 19:1 Referans Kwoze

Éxodo 16:1

Loq'uic bahel ta Elim spisil te pueblo yu'un te snich'nab Israel, c'ohtic ta jochol taquin q'uinal Sin te ohlil yu'un Elim soc Sinaí; jun u soc ho'lajuneb (15) c'ahc'al sloq'uelic tal ta sq'uinal Egipto a.

Éxodo 12:6

Ya me acanantayic ha to c'alal ta schanlajunebal (14) c'ahc'al te u ini, ha yorahil a te spisil te pueblo Israel ya smilic te chambahlam ta stibiltayel q'uinal.

Números 33:15

Loq'uic bahel ta Refidim, la spas scampamentohic ta jochol taquin q'uinal Sinaí.

Éxodo 12:2

Te u ini ha bayel sc'oblal ya xc'oht awu'unic; ha shahchibal u ya xc'oht yu'un te ha'bile.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Éxodo 12:51

Ha nix sc'ahc'alel a te Jehová la sloq'ues tal ta sq'uinal Egipto ta jujuchahp te snich'nab Israel.

Éxodo 40:2

Ta sba c'ahc'alil yu'un te shahchibal u ya me atehc'an te Nahilpac' Templo, ha te Nahilpac' Templo yu'un tahojibal.

Números 3:14

Te Jehová hich la yalbe te Moisés ta jochol taquin q'uinal Sinaí:

Deuteronomio 1:6

Te Jehová te Dios cu'untic, hich la yalbotic ta Horeb: Bayelix tiempo te li' ayex ta wits ini.

Deuteronomio 4:10

Te bin c'ahc'alil la atehc'an abahic ta stojol te Jehová te Dios awu'unic ta wits Horeb, te c'alal hich la yalbon te Jehová: Tsoba tal te pueblo scuenta yu'un ya calbe ya'iy te c'opetic cu'un, scuenta yu'un ya snopic te ya yich'onic ta muc' te jayeb c'ahc'al cuxulic ta q'uinal, soc te ya ya'beyic snop te yal-snich'nab, te xchihe,

Deuteronomio 4:15

Ha yu'un canantaya me abahic ta lec; mayuc bin la awilic te c'alal la sc'oponex ta Horeb ta yohlil c'ahc' te Jehová,

Deuteronomio 5:2

Te Jehová te Dios cu'untic la schap sc'op soc ho'otic ta wits Horeb.

Ezequiel 20:10

Hich la jloq'ues tal ta sq'uinal Egipto, la jquic'ticlan bahel ta jochol taquin q'uinal.

Números 1:1

Te Jehová la sc'opon te Moisés c'alal ay ta jochol taquin q'uinal Sinaí, ta Nahilpac' Templo yu'un tahojibal, ta sba c'ahc'alil yu'un te schebal u, ta schebal ha'bil sloq'uelic tal ta Egipto a, hich la yalbe:

Números 10:12

hich te snich'nab Israel loq'uic bahel tey ta jochol taquin q'uinal Sinaí, chahpalchahp behenic bahel. Te tocal quehchaj ta behel ta jochol taquin q'uinal Parán.