Éxodo 18:8 - Bible in Tzeltal Bachajón

⁸ Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Bible in Tzeltal de Oxchuc y Tenejapa

⁸ Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.

Éxodo 18:8 Referans Kwoze

Salmos 107:2

Hich ac'a yalic te mach'atic coltayotic yu'un Jehová, ha te mach'atic coltayotic ta sc'ab yu'un te scontrahic,

Salmos 106:10

La scoltay loq'uel ta sc'ab te scontratac, la yac'ticlan ta libre ta sc'ab te j'uts'inwanej.

Salmos 81:7

Awonat te c'alal ayat ta wocol, la jcoltayat; la jac'bat ac'op c'alal ta banti ya xt'ohm tal chahwuc; la jtsajat ta ti' ha'etic yu'un Meriba. Selah

Nehemías 9:32

Ha yu'un yo'tic, Dios cu'untic, muc' Diosat te ay awu'el, te ayat ta xi'el, te yac acanantay te chapbil-c'op soc te sc'uxul awo'tan, manchuc te peq'uel sc'oblal ta atojol spisil te wocol te c'ohtix ta stojol te ajwaliletic cu'uncotic, te príncipaletic, sacerdotehetic, jalwanejetic, jme'jtatcotic soc spisil te pueblo awu'un, c'alal ta yorahil te ajwaliletic yu'un Asiria ha to c'alal ta ora ini.

Números 20:14

C'alal ayic ta Cades te Moisés la sticon bahel winiquetic ta stojol te ajwalil yu'un Edom, hich la yalbe bahel: Hich ya yal te awermano Israel: Ha'at ana'oj spisil te jwocolcotic te c'axemix tal cu'uncotic:

Salmos 66:16

¡La'ic, a'iya me awa'iyic apisilic te awich'ojic ta muc' te Diose, ya calbeyex awa'iyic te bin la spasbon!

Éxodo 18:1

Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Éxodo 16:3

hich la yalic: ¡Ha lec te lajucotic ta sc'ab Jehová ta sq'uinal Egipto te c'alal la juhcan jbahcotic ta sts'ehl te yoxomal ti'bal, te c'alal la jwe'cotic pan ha to c'alal noj jch'uhtcotic! Pero la awic'otcotic loq'uel tal ta jochol taquin q'uinal yu'un yac amilic ta wi'nal spisil te pueblo ini, la yutic.

Éxodo 15:16

ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Éxodo 15:6

Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Génesis 44:34

Como ¿bin ut'il c'an suhtucon bahel ta stojol te jtat teme ma ba ya sjoquinon suhtel te quereme? Ma xhu' cu'un, yu'un ma jc'an ya quil ya xtal swocol te jtate, xchi.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.

Éxodo 7:5

Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Éxodo 2:25

Ilotic yu'un Dios te snich'nab Israel, soc la sna'be yo'bolil sbahic.

Éxodo 23:23

Te ch'ul a'bat cu'un ya xnahilij bahel awu'un soc ya yiq'uex bahel ta sq'uinal te amorreo, heteo, ferezeo, cananeo, heveo soc te jebuseo; ha'ic te jc'axel ya jlajinlan.

Salmos 106:8

Pero Dios la scoltay ta scuenta yich'el ta muc' te sbihile, scuenta yu'un ya yac' ta na'el te yu'ele.