Éxodo 18:7 - Bible in Tzeltal Bachajón

⁷ Te Moisés baht sta tal te snihal-mamal, la snijan sba ta stojol soc la yuhts'uy. La sjoc'obe sbahic bin yilelic, soc ochic bahel ta nahilpac'.

Bible in Tzeltal de Oxchuc y Tenejapa

⁷ Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'.

Éxodo 18:7 Referans Kwoze

Génesis 29:13

Te Labán c'alal la ya'iybe sc'oblal Jacob te yal te yihts'ine, ahnimal baht sta tal, la smech', la yuhts'uy, soc la yic' bahel ta sna. Hich te Jacob la yalbe ya'iy spisil.

1 Reyes 2:19

Hich te Betsabé baht sc'opon te ajwalil Salomón ta scuenta te Adonías. Te ajwalil la stehc'an sba, la yic' ta stojol soc la snijan sba ta stojol te snane, la shuhcan xan sba ta shuctajib, la yac' ta ich'beyel tal silla yu'un ya xhuhcaj a te snan ta swa'el-c'ab.

2 Samuel 11:7

Te c'alal hul ta stojol David te Urías, te David la sjoc'obe bin yilel te Joab soc te soldadohetic, soc bin ut'il ay te guerra.

Génesis 19:1

Yaquix ta ihc'ubel q'uinal a c'ohtic ta Sodoma te cheb ch'ul a'batetique. Te Lot hucul ta yochibal te Sodoma. C'alal la yilbe sitic, hahch spatbe yo'tanic, la spahcan sba ta lum,

Génesis 18:2

Te Abraham la shach sit, la yil oxtuhl winiquetic te tec'ajtic ta stojol. C'alal la yil, ahnimal loc' bahel ta sti'il snahilpac', baht sta tal, la spahcan sba ta lum,

Génesis 14:17

C'alal suht tal ta stsalel te Quedorlaomer soc te ajwaliletic sjoquinejic, te Abram loc' ta tahel yu'un te ajwalil yu'un Sodoma ta spamlej yu'un Save, ha te Spamlej yu'un te Ajwalil sbihil.

Hechos 28:15

Te quermanotactic ta Roma la ya'iyic te yacotcotic ta talel, ha yu'un loc' stahotcotic ta be ta Foro yu'un Apio soc ta Tres Tabernas. C'alal hich la yil te Pablo, la yalbe wocol Dios yu'un soc muc'ub q'uinal la ya'iy yu'un.

Hechos 20:37

Bayel oq'uic soc spisilic la smech'ic te Pablo soc la yuhts'uyic.

San Lucas 7:45

Ma ba la awuhts'uyon te ha'ate, yan te ants ini yalel c'alal ochon tal yac yuhts'uybelon coc.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Jueces 11:34

C'alal suht bahel ta sna ta Mizpa te Jefté, te yantsil-nich'an loc' tal ta tahel yu'un, yac ta ahc'ot loq'uel tal ta stijel panderohetic. Mero jip jtuhl a te yantsil-nich'an, mayuc yan squerem o yantsil-nich'an.

Números 22:36

C'alal la ya'iy te Balac te yac ta talel te Balaam, baht sta tal ta pueblo yu'un Moab te ay ta mojon, ha te uc'um Arnón, ta sti'il te sq'uinale.

Génesis 46:29

Te José la yac' ta chahpanel te scarreta, baht sta ta Gosén te Israel te state. C'alal la yil te stat la spet smey, bayel halaj ta oq'uel.

Génesis 45:15

Te José la yuhts'uy spisil te sbanquiltac soc la yoq'uetay. Patil c'oponot yu'un te sbanquiltac.

Génesis 31:28

Soc ma ba la awa'bon cuhts'uy bahel te jmamatac soc te cantsil-nich'nab. Mero ma xana' te bin la apase.

Génesis 43:26

C'alal och tal ta sna te José la ya'beyic te mahtanil te yich'ojic tal, soc la squejan sbahic ta stojol.

Éxodo 4:27

Te Jehová hich la yalbe te Aarón: Bahan, taha tal te Moisés ta jochol taquin q'uinal, xchi. Ha yu'un baht te Aarón, c'oht sta te Moisés ta wits yu'un Dios soc la yuhts'uy.

Éxodo 18:6

La sticon bahel c'op ta stojol Moisés: Ho'on te Jetro te anihalmamal, tal quilat soc te awihnam soc te cheb yalatac, xchi.

Éxodo 33:7

Te Moisés namal la yac' te Nahilpac' ta sti'il bahel te campamento; la ya'be sbihilin Nahilpac' Templo yu'un tahojibal. Mach'ayuc a te ya sle te Jehová, ya xbaht ta Nahilpac' Templo yu'un tahojibal te ay ta sti'il te campamento.

1 Samuel 17:18

Soc ich'beya bahel te lajunpehch queso ini te jtsobaw yu'un lajunwinic yoxbahc' (1,000) ta tuhl yu'unic. Ilawil teme lec ayic te abanquiltac, soc ich'bon tal quil seña teme lec ayique, xchi.

1 Samuel 17:22

Ha yu'un te David la ya'be hilel yihcats ta scuenta te mach'a ya scanantay te biluquetic, ora baht ta ahnimal ta banti ay te soldadohetique. C'alal c'oht tey a la sjoc'oy teme lec ayic te sbanquiltaque.