Éxodo 18:4 - Bible in Tzeltal Bachajón

⁴ Eliezer sbihil te yane, yu'un la yal: Te Dios yu'un te jtat la scoltayon soc la yac'on ta libre ta espada yu'un faraón, xchi.

Bible in Tzeltal de Oxchuc y Tenejapa

⁴ Te yane Eliezer sbiil, melel la yal xan: “Te Dios yu'un te jme'-jtate la scoltayon, ma la yac'on ta milel yu'un faraón”, xi'.

Éxodo 18:4 Referans Kwoze

Hebreos 13:6

Ha yu'un jun co'tantic ya caltic: Ha jcoltaywanej cu'un te Cajwaltic; ma ba ya jxi' te bin ya xhu' ya spasbon te winique.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

Hechos 12:11

C'alal la sna' q'uinal te Pedro, hich la yal: La jna'ix te melel te Cajwaltic la sticon tal ch'ul a'bat yu'un soc la scoltayonix loq'uel ta sc'ab te Herodes soc spisil bintic yac smahliybel te judíohetic, xchi.

Daniel 6:22

Te Dios cu'un la sticon tal ch'ul a'bat yu'un ya smacbe ye te chojetic scuenta yu'un ma ba ya yuts'inonic, como mayuc jmul ta stojol, soc mayuc bin chopol jpasoj ta atojol, ajwalil, xchi.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 34:4

La jle te Jehová, la ya'iybon jc'op, la yac'on ta libre yu'un spisil te jxiwele.

Salmos 18:48

ha te ya scoltayon loq'uel ta sc'ab te jcontratac soc ya stoybon jc'oblal ta stojol te mach'atic ya scontrahinonic. La acoltayon ta sc'ab te j'uts'inwanej.

Salmos 18:1

C'uxat ta co'tan, Jehová, yipat co'tan.

1 Crónicas 23:15

Te snich'nab Moisés: ha te Gersón soc Eliezer.

Éxodo 2:15

Te c'alal hich la ya'iy te faraón, la sc'an la smil te Moisés. Pero te Moisés loc' ta ahnel ta stojol faraón, baht ta nahinel ta sq'uinal Madián; la shuhcan sba ta ti' pozo.

Hechos 7:29

C'alal hich la ya'iy te Moisés, loc' ta ahnel, baht ta nahinel hich te bin ut'il jyanlum ta sq'uinal Madián; tey ayin cheb snich'nab a.

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

Génesis 49:25

ta scuenta te Dios yu'un atat, te ha ya scoltayat, ta scuenta te Dios te spisil ya xhu' yu'un, te ya ya'bat bendición, ha te bendicionetic yu'un te ch'ulchan ay ta toyol, ha te bendicionetic yu'un te sc'ubulil ha' ay ta ye'tal, ha te bendicionetic yu'un chu'ul soc yalajib ants.

Éxodo 2:22

Te antse ayin stut querem-al; te Moisés la ya'be sbihil Gersón, como la yal: Jbehyomal ayon ta yan q'uinal, xchi.

Éxodo 4:20

Ha yu'un te Moisés la yic' bahel te yihnam soc te yal-snich'nab, la smohtes ta burro, suht bahel ta sq'uinal Egipto. Soc la yich' bahel ta sc'ab te nahbate'el yu'un Dios.

1 Crónicas 23:17

Te snich'an Eliezer: ha banquilal te Rehabías. Mayuc yan snich'nab te Eliezer, yan te snich'nab Rehabías bayelic stuquelic.

Éxodo 10:28

Te faraón la yalbe te Moisés: Loc'an bahel ta jtojol. Tsahtaya me aba te ma ba yac awilbon xan te jsit quelaw, yu'un te bin c'ahc'alil te yac awilbon xan te jsit quelaw, ya me xlajat, la yut.