Éxodo 18:21 - Bible in Tzeltal Bachajón

²¹ Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Bible in Tzeltal de Oxchuc y Tenejapa

²¹ Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Éxodo 18:21 Referans Kwoze

Hechos 6:3

Ha yu'un quermanotac, lehahic huctuhl winiquetic ta awohlilic te lec sc'oblalic, te nojel ta yo'tanic te Ch'ul Espíritu soc te ay sp'ijil yo'tanic, ha me ya ca'betic scuentahinic te a'tel ini.

Ezequiel 18:8

ma ba ya sc'ambe sjol te staq'uin te ya yac' ta majanel; ya scom sba ta spasel bin chopol, soc stojil ya schahpan te mach'atic ya stsal sbahic;

2 Samuel 23:3

Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

1 Timoteo 3:3

ma xyacub, lec yo'tan, ma orahuc ya x'ilin, lamaluc yo'tan soc ma xbic'taj yo'tan yu'un c'uhlejalil.

Zacarías 8:16

Ha ya sc'an te yac apasic ini: Talel c'axel smelelil yac ac'opon abahic, a'iyahic chahpanwanej ta smelelil soc ta scuenta bin ya yac' lamal q'uinal ta ochibaletic yu'un te pueblohetic awu'unique.

Zacarías 7:9

Hich yaloj te Jehová te scuentahinej spisil: Stojil me xawa'iyic chahpanwanej, pasahic c'uxultaywanej soc talel c'axel me xana'be yo'bolil abahic;

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Proverbios 28:2

C'alal ay toybahil ta jun nación, ay bayel jcuentahinwanejetic yu'un, yan te winic te ay scuentahil ta yo'tan soc te ay sp'ijil yo'tan ya yac' te ma xhahch c'op.

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.

Job 31:13

Teme mayuc sc'oblal c'oht ta co'tan te bin stojil la sc'an pasel ta stojol te a'bat soc criada cu'un te c'alal la stijonic ta c'op,

Job 29:16

ho'on staton te mach'atic mayuc bin ay yu'unic, soc la jtsahtay quil ta lec soc la jcoltay ta c'op te mach'a ma na'bil sba.

Nehemías 7:2

La jca'be scuentahin Jerusalén te quermano Hanani, soc te Hananías te jtsobaw yu'un te ahnibal ts'ahc (como ha winic te jun yo'tan soc yich'oj ta muc' te Diose, c'ax hich a te bin ut'il yantic),

Nehemías 5:9

Hich la jcal xan: Ma lecuc te bin yacalex ta spasele. ¿Ma bal ha'uc lec te ya xbehenex ta scuenta yich'el ta muc' te Dios cu'untic, scuenta yu'un ma ba ya quich'tic labanel yu'un te yantic nacionetic te ha jcontratique?

1 Samuel 8:3

Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

Éxodo 18:25

La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Génesis 22:12

Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Hechos 20:33

Mayuc mach'a la jbic'sitaybe plata, oro, o sc'u' spac'.

Isaías 59:4

Mayuc mach'a yac sc'ambel stojil chahpanel, mayuc mach'a toj ya xc'opoj ta chahpanel. Ha smuc'ulinej yo'tanic te c'op te mayuc scuentahil, soc ya yalic lot; ya swolic bintic chopol, ya yayintesic mulil;

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

San Lucas 18:4

Bayel c'ahc'al ma ba la sc'an te juez; pero patil la snop ta yo'tan: Aunque ma ba jxi'oj Dios soc mayuc mach'a ya quich' ta cuenta,

San Lucas 18:2

hich la yal: Ay jtuhl juez ta jun pueblo te ma ba xi'oj Dios soc mayuc mach'a ay sc'oblal yu'un.

Isaías 16:5

Ya yich' yip te huctajibal ta scuenta c'uxul-o'tanil, soc ya xhuhcaj tey a ta nahilpac' yu'un David te jchahpanwanej te stalel jun yo'tan, te ya sle stojil chahpanel soc ora ya spas te bin toj ya sc'an pasele.

1 Reyes 18:12

Te c'alal yacon ta bahel a, ma jna' banti ya yic'at bahel te espíritu yu'un Jehová. Te c'alal ya calbe ya'iy te Acab, teme ma ba ya stahat, hich ya smilon. Pero te a'bat awu'un yich'oj ta muc' te Jehová c'alal ta squeremil.

1 Reyes 18:3

Te Acab la yic' tal te Abdías, te cuentahimbil sna yu'un. Te Abdías yich'oj ta muc' te Jehová.

1 Samuel 8:12

Ya ya'be ya'telic ta jtsobawetic yu'un j'ohlil yoxbahc' (1,000) ta tuhl soc ta lajuneb yoxwinic (50) ta tuhl; soc ya ya'be ya'telic ta tuclum soc ta c'ajoj, ta a'tel ta spasel a'tejibaletic yu'un guerra soc te bintic ya xtuhun yu'un te carretahetic yu'une.

Josué 22:14

soc joquinot bahel yu'un lajuntuhl príncipaletic, jujutuhl ta jujuchahp na yu'un tatiletic ta jujuchahp snich'nab Israel, te jujutuhl ha jtsobaw yu'un jujun na yu'un tatiletic ta jujuchahp snich'nab Israel.

Números 10:4

Yan teme junax ya yich' oq'uesinel, ha ya stsob sbahic ta atojol te príncipaletic, ha te jtsobawetic yu'un jujuchahp te Israel.

Génesis 47:6

Ay ta atojol spahmal te sq'uinal Egipto, ac'a nahinicuc ta banti ay te mero lequil q'uinal te atat soc abanquiltac; ac'a nahinicuc ta sq'uinal Gosén. Soc teme yac ana' te ay mach'atic ay bin ya sna'ic spasel ta lec yac awil, a'beyahic scanantaybon te wacaxetic cu'un, xchi.

Números 1:4

Ya me sjoquinex jtuhl winic ta jujuchahp sts'umbal Israel, te ha jtsobaw yu'un te sna te statique.

Números 1:16

Ha'ic te tsahbilic ta yohlil te pueblo, te jtsobawetic yu'un jujuchahp sts'umbal te static, te jtsobawetic yu'un te chahpalchahp ta Israel.

Deuteronomio 22:18

Ha yu'un te mamaletic ya me stsaquic te winic, ya me ya'beyic castigo.

Esdras 7:25

Soc ha'at, Esdras, hich te bin ut'il te ay sp'ijil awo'tan te ya'beyejat te Dios awu'une, otsesa juecetic soc gobernadoretic te ya scuentahinic spisil te pueblo te ay ta jehch muc'ul-ha' Éufrates, ha spisilic te sna'ojic te leyetic yu'un te Dios awu'une. Te mach'atic ma sna'ic, a'beya snopic.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Salmos 15:1

Jehová, ¿mach'a ya xhu' ya xnahin ta ch'ul Templo awu'un? ¿Mach'a ya xhu' ya xnahin ta ch'ul wits awu'un?

Éxodo 17:9

Te Moisés la yalbe te Josué: Tsaha winiquetic, bahan a'beya guerra te Amalec. Pajel ho'on ya jtehc'an jba ta ba tsehl soc ya jtsacbe te snahbate' te Diose, xchi.

2 Samuel 18:1

Te David la stsob te soldadohetic yu'un, la yac' jtsobawetic ta jujumil (1,000) soc ho'ho'winic (100) ta tuhl.