Éxodo 18:20 - Bible in Tzeltal Bachajón

²⁰ A'beya snopic te mandariletic, soc a'beya sna'ic banti behil ya sc'an ya xbehenic soc te bin ya sc'an ya spasic.

Bible in Tzeltal de Oxchuc y Tenejapa

²⁰ Ya me awac'bey sna'ic te bila ya sc'an ya spasic ta stojol Dios soc te p'ijtesel yu'une, soc ac'beya sna'ic te bit'il ya sc'an ya x'ainic ta q'uinal soc te bitic ya sc'an ya spasique.

Éxodo 18:20 Referans Kwoze

Deuteronomio 5:1

Te Moisés la stsob tal spisil te Israel, hich la yalbe: A'iya awa'iy, Israel, te bintic chapal soc te bintic halbil ta mandar te ya calbeyex awa'iyic yo'tic, nopahic soc canantayahic scuenta yu'un yac ac'ohtesic ta pasel.

Salmos 143:8

A'bon ca'iy ta sahb te sc'uxul awo'tan, como ha'at smuc'ulinejat co'tan. A'bon jna' te be te banti ya sc'an ya xbehenon, yu'un ya jtoy mohel jch'uhlel ta atojol.

Deuteronomio 1:18

Ta hich ora la jcalbeyex spisil te bintic la sc'an yac apasique.

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Deuteronomio 4:5

Ilawil, la jca'beyexix anopic te bintic chapal soc te bintic yaloj ta mandar, hich te bin ut'il la spason ta mandar te Jehová te Dios cu'un, scuenta yu'un hich yac apasic tey ta q'uinal te banti ya xc'oht awu'untayique.

Deuteronomio 4:1

Yo'tic, Israel, a'iya me awa'iyic te bintic chapal soc te bintic halbil ta mandar te ya ca'beyex anopic, scuenta yu'un yac apasic soc ya xcuxajex, soc ya x'ochex bahel ta yu'untayel te q'uinal te ya ya'beyex te Jehová te Dios yu'un ame'atatique.

Miqueas 4:2

Ya xtal bayel nacionetic, hich ya yalic: La'ic, mohucotic bahel ta wits yu'un Jehová, ta sna te Dios yu'un Jacob, ha ya snohptesotic a te behetic yu'un, hich ya xbehenotic ta behetic yu'un, xchihic. Como ya xloc' tal ta Sión te Ley, ta Jerusalén ya xtal te sc'op Jehová.

Éxodo 18:16

Te c'alal ay c'opetic yu'unic, ya xtalic ta jtojol; ya jchahpan ta schebalic soc ya calbe ya'iyic te bin ya yal te mandariletic yu'un te Diose, xchi.

1 Tesalonicenses 4:1

Ha yu'un, quermanotac, ya calbeyexcotic wocol soc ya jtsitsexcotic ta scuenta te Cajwaltic Jesús, te hich te bin ut'il la anopic ta jcuentacotic bin ut'il ya sc'an ya xcuxajex te lec yo'tan yu'un te Diose, c'axemuc hich xapasulanic a.

Ezequiel 3:17

Snich'anat winic, ho'on la jcac'atix ta j'il-q'uinal yu'un te pueblo Israel; ha yu'un a'iybon awa'iy te jc'op soc tsitsa te pueblo ta jcuenta.

Jeremías 42:3

C'ambeya te Jehová te Dios awu'un te yacuc yac' jna'cotic banti ya sc'an ya xbohotcotic soc bin ya sc'an ya jpascotic, xchihic.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

Deuteronomio 7:11

Ha yu'un ch'uhuna te mandariletic, te bintic chapal soc te bintic halbil ta mandar te yac jpasbelat ta mandar yo'tic te yac apase.

San Marcos 13:34

Hich c'ohem te bin ut'il jtuhl winic te baht ta namal, la yihquitay hilel sna, la ya'be hilel ya'tel te a'batetic yu'un, jujutuhl te bin ya spasic, soc la yalbe te jcanan-ti'nahil te ya me swic'sitay sba.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Deuteronomio 5:27

Nohpojan bahel ha'at, a'iya awa'iy bin ya yal te Jehová te Dios cu'untic. Ha'at yac awalbotic ca'iycotic spisil te bintic ya yalbat te Jehová te Dios cu'untic, te ho'otcotic ya ca'iycotic soc ya jpascotic, xchihex.