Éxodo 18:19 - Bible in Tzeltal Bachajón

¹⁹ A'iya awa'iy yo'tic te bin ya calbat, ay bin ya ca'bat ana', soc ya me sjoquinat te Diose. Ha'at yac atehc'an aba ta c'op ta stojol Dios ta scuenta te pueblo, soc ha'at yac awalbe Dios te c'opetic yu'unique.

Bible in Tzeltal de Oxchuc y Tenejapa

¹⁹ Aiybon awaiy stojol te consejo ya calbate. Ja' me ya scoltayat ta spasel te Diose. Ja'at me ya atejc'an aba ta c'op ta stojol Dios ta swenta te lume. Jich yu'un ja'at ya awac'bey ta sc'ab Dios te c'opetic yu'unique.

Éxodo 18:19 Referans Kwoze

Números 27:5

Te Moisés la yich' bahel ta stojol Jehová te c'op yu'unique.

Deuteronomio 5:5

Ta hich ora ayon ta ohlil yu'un Jehová soc te ha'exe, scuenta yu'un ya calbeyex te sc'op te Jehová, como la axi'ic te c'ahc', hich ma ba mohex bahel ta wits. Hich la yal te Diose:

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Génesis 39:2

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Proverbios 9:9

A'beya snop te mach'a p'ij yo'tan, ya me xp'ijub xan yu'un; nohptesa te mach'a toj yo'tan, hich bayel xan bin ya sna' a.

2 Samuel 14:17

Ha yu'un hich ya yal te a'bat awu'une: Ha'uc me smuc'ul co'tan te suhtib sc'op te ajwalil cu'un, como te ajwalil cu'un hich c'ohem te bin ut'il ch'ul a'bat yu'un Dios yu'un stsahtayel te bin lec soc te bin ma lecuc. Ac'a sjoquinat te Jehová te Dios awu'un, xchi.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Deuteronomio 20:1

Te c'alal ya xloc'at ta ya'beyel guerra te acontrahic, teme yac awil cawuhetic soc carretahetic, soc jun pueblo te c'ax hich smuc'ul a te bin ut'il te ha'ate, ma me xaxi', como ha sjoquinejat te Jehová te Dios awu'un, ha te la sloq'uesat tal ta sq'uinal Egipto.

Éxodo 18:24

Te Moisés la yich'be ta cuenta te sc'op te snihal-mamal, la spas spisil te bin halbot yu'une.

Éxodo 18:15

Te Moisés hich la sjac'be te snihal-mamal: Como ya xtalic ta jtojol yu'un ay bin ya sjoc'obeyic te Diose.

Éxodo 4:16

Te Aarón ya sc'opon te pueblo ta acuenta; ha awe ya xc'oht, soc ha sjelolat Dios ya xc'ohat yu'un.

Éxodo 4:12

Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

Éxodo 18:20

A'beya snopic te mandariletic, soc a'beya sna'ic banti behil ya sc'an ya xbehenic soc te bin ya sc'an ya spasic.