Éxodo 18:12 - Bible in Tzeltal Bachajón

¹² Te Jetro te snihal-mamal Moisés la ya'be scohtol chic'bil mahtaniletic soc milbil mahtaniletic te Diose. Te Aarón soc spisil te mamaletic yu'un Israel tal sjoquinic ta we'el te snihal-mamal Moisés ta stojol te Diose.

Bible in Tzeltal de Oxchuc y Tenejapa

¹² Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Éxodo 18:12 Referans Kwoze

Deuteronomio 12:7

Tey ya xwe'ex a ta stojol te Jehová te Dios awu'unic, soc buen tse'eluc me awo'tanic, ha'ex soc te mach'atic ay awu'unic, yu'un spisil awa'tel la apasic te banti la ya'beyex bendición te Jehová te Dios awu'unique.

Génesis 31:54

La yac' milbil mahtanil tey ta wits, soc la yic' tal ta we'el te yermanotac. Tey we'ic a soc tey wayic a.

Éxodo 24:11

Pero ma ba la shach sc'ab ta scontrahinel te príncipaletic yu'un te snich'nab Israel; la yilic te Diose, soc we' uch'ic.

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

1 Corintios 10:21

Ma xhu' yac awuch' te copa yu'un Cajwaltic soc te copa yu'un te pucujetique; ma xhu' ya xwe'at ta smesa te Cajwaltic soc ta smesa te pucujetique.

1 Corintios 10:18

Ilawil te Israel ta scuenta ch'ich'-baq'uet: Te mach'atic ya swe'ic te milbil mahtaniletic, ¿ma bal ha'uc jun yo'tan ya xc'ohtic soc a te scajtajib ta chiq'uel mahtanil?

San Lucas 14:15

C'alal hich la ya'iy te jtuhl mach'a pajal ay ta mesa soc, hich la yal: ¡Bayel me yutsil te mach'a ya swe' pan te banti ay te cuentahinel yu'un Dios! xchi.

San Lucas 14:1

Ta sc'ahc'alel cux-o'tan te Jesús baht ta we'el ta sna jtuhl principal fariseo, yac ta ilel yu'un jtsahtaywanejetic.

Daniel 10:3

Ma ba la jwe' lequil we'elil, ma ba la jwe' ti'bal, ma ba la jcuch' vino, soc ma ba la jca'be jba perfume ha to c'alal ts'acay te oxeb semana.

Job 42:11

Talic ta stojol spisil te sbanquil yihts'in soc spisil te mach'atic la sna'beyic sba ta nahil to, we' uch'ic ta sna. Pajal la smel yo'tanic yu'un soc la smuc'ubtesbeyic q'uinal ya'iy yu'un spisil swocol a'bot yu'un Jehová. Ta jujutuhl la ya'beyic taq'uin soc jujun ch'ocowil oro.

Job 42:8

Ha yu'un yo'tic ya me atsaquic huqueb jcolel torohetic soc huqueb tat tuminchijetic, bahanic ta stojol te ca'bat Job, ac'ahic scohtol chic'bil mahtanil ta acuentahic. Te ca'bat Job ya sc'opombeyex Dios, soc ya quich'be ta cuenta te sc'op scuenta yu'un ma ba ya ca'beyex awocolic yu'un te ma ba stojil la awalbonic jc'oblal, hich te bin ut'il la yal te ca'bat Job, xchi.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

2 Crónicas 30:22

Te Ezequías la ya'be xan yip yo'tanic te levitahetic te la yaq'uic ta ilel te ay sp'ijil yo'tanic ta spasel te ya'tel te Jehová. Huqueb c'ahc'al la swe'ic te milbil mahtanil ac'bil yu'un te q'uin, la yaq'uic milbil mahtaniletic scuenta lamal q'uinal soc la yalbeyic wocol te Jehová te Dios yu'un te sme'statique.

2 Samuel 9:7

La yal te David: Ma xiwat, yu'un ya jc'uxultayat scuenta sna'ojibal te atat Jonatán. Ya me suht ta atojol spisil te sq'uinal te amamuch Saúl, soc spisil ora ya xwe'at ta mesa cu'un, xchi.

Deuteronomio 27:7

Yac awac' milbil smahtan scuenta lamal q'uinal, tey ya xwe'at a soc tse'eluc me awo'tan ta stojol te Jehová te Dios awu'une.

Éxodo 2:20

Ha yu'un te Reuel la sjoc'obe te yantsil-nich'nab: ¿Banti ay? ¿Bin yu'un la awihquitayic hilel te winique? Ic'ahic tal ta we'el, xchi.

Génesis 43:25

Te winiquetic la schahpanic te mahtanil, yu'un te ya xtal ta ohlil c'ahc'al te José, yu'un la ya'iyic te tey ya xwe'ic a.

Génesis 26:25

Ha yu'un te Isaac la spasbe scajtajib ta chiq'uel mahtanil soc la sc'opon te Jehová. Tey la stehc'an snahilpac' a, soc te a'batetic yu'un Isaac la shotic pozo.

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 8:20

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

Génesis 4:4

Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

Éxodo 2:16

Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique.

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Éxodo 18:13

Ta yan c'ahc'al te Moisés la shuhcan sba ta schahpanel te ants-winiquetic. Teq'uelic ta stojol Moisés ta sab c'alal ta tibiltic.

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Éxodo 33:7

Te Moisés namal la yac' te Nahilpac' ta sti'il bahel te campamento; la ya'be sbihilin Nahilpac' Templo yu'un tahojibal. Mach'ayuc a te ya sle te Jehová, ya xbaht ta Nahilpac' Templo yu'un tahojibal te ay ta sti'il te campamento.

Números 10:29

Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Génesis 26:30

Hich te Isaac la schahpambe swe'el scuenta q'uin, hich we' uch'ic.