Éxodo 18:11 - Bible in Tzeltal Bachajón

¹¹ Yo'tic la jna'ix te c'ax hich muc' a te Jehová te bin ut'il spisil te diosetic, te hich la spasbe te mach'atic la yuts'inic te Israel ta scuenta stoybahilic, xchi.

Bible in Tzeltal de Oxchuc y Tenejapa

¹¹ Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Éxodo 18:11 Referans Kwoze

Salmos 95:3

Como te Jehová ha muc'ul Dios, ha muc'ul Ajwalil yu'un spisil yantic diosetic.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

2 Crónicas 2:5

Ya sc'an te muc' te Na te ya jpas, como te Dios cu'uncotic c'ax muc' xan a te bin ut'il te yantic diosetique.

San Lucas 1:51

Bayel bintic muc' spasticlanej ta sc'ab; la spucticlan bahel te mach'atic stoyoj sbahic yu'un te bin snopoj ta yo'tanic.

Salmos 135:5

Jna'oj te ha muc' te Jehová, te Cajwaltic c'ax hich smuc'ul a te bin ut'il spisil te diosetique.

Daniel 4:37

Yo'tic, ho'on Nabucodonosor, ya calbe wocol, ya jtoybe sc'oblal soc ya calbe yutsil sc'oblal te Muc'ul Ajwalil ta ch'ulchan, como smelelil spisil bin ya spas soc toj te behetic yu'une; ya xhu' ya spehc'an te mach'atic toyol yac'oj sbahic, xchi.

Salmos 97:9

Como ha'at, Jehová, ha te Diosat te mero toyol ta stojol spisil te bahlumilal; c'ax hich ich'bilat ta muc' a te bin ut'il te yantic diosetique.

1 Crónicas 16:25

Como muc' te Jehová, ya sc'an toybeyel yutsilal; c'ax hich ay ta xi'el a te bin ut'il spisil te diosetique.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.

Salmos 119:21

Ha'at yac awut te mach'atic stoyoj sbahic, te chopol sc'oblalic, te ya xhowiyic ta stojol te mandariletic awu'une.

Nehemías 9:10

La apas señahiletic soc jchahp a'teliletic ta scontrahinel te faraón, soc spisil te a'batetic yu'un, soc spisil te pueblo ta sq'uinal, como la ana' te ta scuenta stoybahilic la scontrahinic te jme'jtatcotic. La awac' te muc' c'oht abihil, hich te bin ut'il ta ora ini.

2 Reyes 5:15

Patil te Naamán soc spisil mach'atic sjoquinejic suhtic tal ta banti ay te winic yu'un Dios, la stehc'an sba ta stojol, hich la yal: Yo'tic la jna'ix te mayuc yan Dios ta spisil te q'uinal, ha nax stuquel ta Israel. Awocoluc, ich'a amahtan te ya ya'bat te a'bat awu'une, xchi.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Salmos 31:23

C'ux me xawa'iy ta awo'tanic te Jehová apisilic te ch'ultesbilex yu'une. Te Jehová ya scanantay te mach'atic jun yo'tanic ta stojol, pero ts'acal ya ya'be castigo te mach'atic jtoybahetique.

Nehemías 9:29

La atsitsticlan te yacuc suhtic xan ta stojol te Ley awu'une; pero bayel la stoy sbahic, ma ba la yich'ic ta cuenta te mandariletic awu'un, la sta smulic ta stojol te bintic halbil awu'un, te ha ya ya'be scuxlejal te mach'atic ya sch'uhunic spasel. La swalac'patiyic scuenta toybahil, tulan la yac' sbahic, ma ba la sc'an la ya'iyic.

Nehemías 9:16

Pero ha'ic soc spisil te jme'jtatcotic la stoy sbahic soc tulan la yac' sbahic, soc ma ba la yich'bat ta cuenta te mandariletic awu'une.

1 Reyes 17:24

Te ants la yalbe te Elías: Yo'tic la jna'ix te ha'at winicat yu'un Dios, soc te bin yac awal, ha smelelil sc'op te Jehová, xchi.

1 Samuel 2:3

Ma me xc'opojex soc atoybahilic, ma me xloc' toyba-c'op ta awe'ic, como te Jehová ha te Dios te ya sna' spisil, soc ay ta scuenta stsahtayel te bintic ya yich' pasele.

Éxodo 14:18

Te egipciohetic ya me sna'ic te ho'on Jehovahon te c'alal ya jtohytes jc'oblal ta scuenta faraón soc te carretahetic soc te mach'atic cajajtic ta cawu, xchi.

Éxodo 14:8

Te Jehová la stulanubtesbe yo'tan te faraón, ajwalil yu'un Egipto, hich la snuts bahel te snich'nab Israel. Pero te snich'nab Israel mayuc xiwel ta yo'tanic a yaquic ta loq'uel bahel.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Éxodo 5:7

Ma xawa'beyiquix ac te pueblo yu'un spasel adobe, hich te bin ut'il yaquex ta ya'beyel c'alal ora; ac'a bahtuquic ta slehel ac stuquelic.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Éxodo 1:22

Ha yu'un te faraón la spas ta mandar spisil te pueblo yu'un: Ch'ojahic ochel ta muc'ul-ha' spisil te queremetic te ya x'ayinic, ac'a cuxajuc spisil te tut ach'ixetique, xchi.

Éxodo 1:16

Te c'alal yac acoltayic te hebrea-antsetic te ya x'ayin yalic, ya me awilic te bin alalil te ya x'ayine: teme tut querem, milahic; yan teme tut ach'ix, ac'a cuxajuc stuquel, xchi.

Éxodo 1:10

Ha yu'un ya jnoptic bin ya jpasbetic scuenta yu'un ma ba ya xp'ohlic a, soc teme ay ya xtal guerra, teme ya sjoquinic te jcontratic yu'un ya ya'botic guerra, hich ya xloq'uic bahel ta q'uinal, xchi.

Números 33:4

te c'alal yac smucbelic a te ba-alaletic yu'unic te milotic yu'un Jehová. Te Jehová ha nix hich ya'beyej castigo te diosetic yu'unique.