Éxodo 18:1 - Bible in Tzeltal Bachajón

¹ Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Bible in Tzeltal de Oxchuc y Tenejapa

¹ Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Éxodo 18:1 Referans Kwoze

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Éxodo 2:16

Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique.

Hechos 14:27

C'alal c'ohtic tey a, la stsobic te iglesia, la yalbe ya'iyic te bintic muc' spasticlanej Dios ta scuentahic soc bin ut'il la sjambe yo'tanic te jyanlumetic te ya sch'uhunique.

Zacarías 8:23

Hich yaloj te Jehová te scuentahinej spisil: Ta hich ora, ay lajuntuhl jyanlumetic te bayel ta chahp sc'opic, ya stsacbe sti'il sc'u' jtuhl judio, hich ya yalbeyic: Ac'a jt'unatcotic bahel te ha'exe, como la jca'iycotic te sjoquinejex te Diose, xchihic.

Salmos 106:2

¿Mach'a ya xhu' yu'un yalel te muc' a'teliletic spasoj te Jehová? ¿Mach'a ya xhu' yu'un te ya yalbe yutsil sc'oblal?

Salmos 105:43

Tse'el yo'tanic a la sloq'ues te pueblo yu'un, soc yutsil q'uinal la sloq'ues te mach'atic tsahbilic yu'une.

Salmos 78:4

Ma ba ya jmucbetic ta stojol te yal-snich'nabic; ya calbetic te patil al-nich'aniletic te yutsil sc'oblal te Jehová, te yu'el soc te jchahp a'teliletic spasoje.

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Salmos 34:2

Ay yutsil q'uinal ya ca'iy yu'un te Jehová; ya me ya'iyic te mach'atic peq'uel ayic soc tse'el me yo'tanic yu'un.

Josué 9:9

Hich la sjaq'uic: Te a'batetic awu'un talemotcotic ta mero namal q'uinal ta scaj te sbihil te Jehová te Dios awu'un como ca'iybeyejcotic sc'oblal, soc spisil te bintic la spas ta Egipto

Josué 2:10

Yu'un ca'iyejcotic te Jehová la staquijtes slumil te Mar Rojo ta atojolic te c'alal loq'uex tal ta Egipto, soc te bin la apasbeyic te cheb ajwaliletic yu'un te amorreohetic te ayic ta jehch Jordán, ha te Sehón soc Og, te jc'axel la alajinic.

Romanos 15:18

como mayuc yan bin ya cal, ha nax ya cal te bin la spas Cristo ta jcuenta, yu'un ya sch'uhunic mandar te jyanlumetique. Hich la jpas ta scuenta te jc'op soc te ca'tel,

Hechos 15:12

Hich ch'abic spisilic, la ya'iybeyic sc'op te Bernabé soc te Pablo te la yalbeyic sc'oblal te muc' señahiletic soc te jchahp a'teliletic pasticlambot yu'un Dios ta scuentahic ta stojol te jyanlumetique.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Salmos 105:5

Na'ahic me te yutsil a'teliletic spasoj, te jchahp a'teliletic soc te bin yaloj ta chahpanwanej,

Jueces 4:11

Te Heber, te queneo-winic, te ha sts'umbal Hobab, snihal-mamal Moisés, ayix ora te loq'uem ta stojol te queneohetic soc te spasoj scampamento ta banti te jihte' ta Zaanaim, ta nopol Cedes.

Números 10:29

Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Éxodo 4:18

Hich suht bahel te Moisés ta sna te snihal-mamal Jetro, hich la yalbe: Ac'awon suhtel bahel ta banti ay te quermanotac ta Egipto, yu'un ya jc'an ya quil teme cuxulic to, xchi. Lamaluc me q'uinal yac awa'iy c'alal ya xbahat, xchi te Jetro.

Éxodo 2:21

Te Moisés la sch'uhun iq'uel tal ta nahinel ta sna te winique. Ha la ya'be yihnamin te Séfora te yantsil-nich'an.

Éxodo 2:18

C'alal suhtic bahel ta banti ay te static Reuel, hich joc'obotic yu'un: ¿Bin yu'un ora nax suhtex tal? xchi.

Éxodo 6:6

Ha yu'un hich me xawalbe te snich'nab Israel: Ho'on Jehovahon; ya jcoltayex loq'uel ta tulan a'tel ta Egipto; ya caq'uex ta libre yu'un te mosohil, soc ya jloq'uesex ta scuenta yu'el jc'ab soc ta scuenta tulan castigo.

Jueces 1:16

Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.