Éxodo 17:9 - Bible in Tzeltal Bachajón

⁹ Te Moisés la yalbe te Josué: Tsaha winiquetic, bahan a'beya guerra te Amalec. Pajel ho'on ya jtehc'an jba ta ba tsehl soc ya jtsacbe te snahbate' te Diose, xchi.

Bible in Tzeltal de Oxchuc y Tenejapa

⁹ Jich yu'un te Moisés la yalbey te Josué: —Tsaa bael winiquetic, baan ac'beyaic guerra te amalequetic. Tey me ayon pajel ta jol wits. Ya me jtsac ta jc'ab te bastón yac'ojbon te Diose —xi'.

Éxodo 17:9 Referans Kwoze

Deuteronomio 32:44

Tal te Moisés, soc joquimbil yu'un Josué te snich'an Nun, la yalbe te pueblo spisil te bin ya yal te c'ayoj ini.

Éxodo 24:13

Hich hahch bahel te Moisés soc Josué te ya'bat; te Moisés mo bahel ta wits yu'un Dios.

Éxodo 4:20

Ha yu'un te Moisés la yic' bahel te yihnam soc te yal-snich'nab, la smohtes ta burro, suht bahel ta sq'uinal Egipto. Soc la yich' bahel ta sc'ab te nahbate'el yu'un Dios.

Éxodo 4:2

¿Bin a te ay ta ac'ab? xchi te Jehová. Nahbate'el, xchi te Moisés.

Hebreos 4:8

Te ha'uc te Josué la yac'ticlambe cux-o'tanil te israeletic, te Dios ma ba la yalbe sc'oblal yan sc'ahc'alel te hichuque.

Hechos 7:45

C'alal yich'ojiquix a te Nahilpac' Templo te jme'jtatic, la yich'ic ochel tal soc Josué c'alal la yu'untaybeyic sq'uinal te nacionetic te tenotic loq'uel yu'un Dios ta stojol te jme'jtatique. Tey hil a ha to c'alal yorahil te David,

Números 11:28

Ha yu'un te Josué snich'an Nun, te mach'a la scoltay te Moisés, c'alal ta squeremil, hich la yalbe: Tatic Moisés, comticlana, xchi.

Éxodo 17:13

Hich te Josué la stsal ta espada te Amalec soc te pueblo yu'une.

Números 13:16

Ha sbihilic te winiquetic la sticon bahel te Moisés ta stsahtayel te q'uinale. Te Oseas snich'an Nun, a'bot sbihil Josué yu'un te Moisés.

Éxodo 4:17

Soc ya me awich' bahel te nahbate'el ini te yac apas te jchahp a'teliletic a, xchi.

Josué 8:18

Ha yu'un te Jehová la yalbe te Josué: Hacha ta stojol Hai te lanza ay ta ac'ab, yu'un ya ca'bat ta ac'ab, xchi. Hich te Josué la shach bahel ta stojol te pueblo te lanza ay ta sc'ab.

1 Crónicas 7:27

Nun soc Josué.

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

Éxodo 33:11

Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

Números 13:8

ta jchahp yu'un Efraín, ha Oseas snich'an Nun;

Números 27:18

Te Jehová la yalbe te Moisés: Ic'a tal te Josué snich'an Nun, te jtuhl winic te ay yip yo'tan, cajambeya ac'ab ta sjol.

Josué 8:3

Ha yu'un hahch te Josué soc spisil te winiquetic yu'un guerra yu'un ya ya'beyic guerra te Hai. Te Josué la stsa oxpic soc ho'lajunbahc' (30,000) winiquetic te ay yipic, la sticonlan bahel ta ahc'abal,