Éxodo 17:6 - Bible in Tzeltal Bachajón

⁶ Tey ya jtehc'an jba ta atojol ta muc'ul ton ta wits Horeb. Ya me amaj te ton, ya xloc' tal ha' tey a te ya yuch' te pueblo, xchi. Hich la spas te Moisés ta stojol te mamaletic yu'un Israel.

Bible in Tzeltal de Oxchuc y Tenejapa

⁶ Tey me ya jmaliyat a ta bay sba te tontiquil ta wits Horeb. C'alal ya amaj te tone, ya me x'oquin tel ja' tey a te ya yuch' te lume —xi' te Diose. Te Moisés jich la spasbey ta sitic te mamaletic yu'un Israel.

Éxodo 17:6 Referans Kwoze

1 Corintios 10:4

soc pajal la yuch'ic te ha' scuenta espíritu; como la yuch'be ya'lel te muc'ul ton scuenta espíritu te joquimbilic yu'une. Te muc'ul ton ha te Cristo.

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Deuteronomio 8:15

te la yic'at bahel ta muc'ul jochol taquin q'uinal te xiweltic sba, te nojel ta ti'awal chanetic soc tsequetic; te ta q'uinal banti ay taquinti'il soc te mayuc ha' la sloq'uesbat tal ha' ta buen tulan ton;

Salmos 105:41

La sjam te muc'ul ton, loc' tal ha' tey a; oquin bahel ta jochol taquin q'uinal hich te bin ut'il muc'ul-ha';

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Salmos 114:8

te la sc'atp'un ta pamal ha' te muc'ul ton, te la sc'atp'un ta sloq'uib-ha' te tulan ton.

Salmos 46:4

Ay muc'ul-ha' te ya ya'be yutsilal te pueblo yu'un Dios, ha te ch'ul awilal banti ya xnahin te Mach'a toyol ay.

Salmos 78:20

La smaj te muc'ul ton, loc' bayel ha' tey a, mul ta ha' te lumq'uinal. Pero ¿ya bal xhu' ya ya'botic we'elil? ¿Ya bal xhu' ya ya'be ti'bal te pueblo yu'une? xchihic.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Isaías 48:21

Ma ba la ya'iyic taquinti'il c'alal la yic'ticlan bahel ta jochol taq'uin q'uinaletic; la yac' t'ohmuc loq'uel ha' ta ton, la sjam te ton, t'ohm loq'uel ha' tey a.

Éxodo 16:10

C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal.

Éxodo 14:16

Te ha'ate toya mohel anahbate', toya ac'ab ta stojol te mar, ac'a sjam sba te ha'e, hich taquin slumil a ya sohlic bahel te snich'nab Israel ta yohlil mar.

Números 20:8

Tsaca te nahbate'el soc tsoba tal te snich'nab Israel, ha'at soc te abanquil Aarón. C'opona te muc'ul ton ta scomon sitic, ha me ya yac' loq'uel tal ya'lel; hich yac aloq'ues ha' ta muc'ul ton, yac awa'be yuch'ic ha' soc te schansbahlamic, xchi.

Deuteronomio 1:2

Ta be te ya xc'ax ta wits Seir ay bulucheb (11) c'ahc'al ta behentayel c'alal Horeb c'alal ta Cades-barnea.

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Salmos 78:18

La stsajic te Diose, ha te la sc'an swe'ic te bin la smulan yo'tanic.

Salmos 81:7

Awonat te c'alal ayat ta wocol, la jcoltayat; la jac'bat ac'op c'alal ta banti ya xt'ohm tal chahwuc; la jtsajat ta ti' ha'etic yu'un Meriba. Selah