Éxodo 17:15 - Bible in Tzeltal Bachajón

¹⁵ Te Moisés la spasbe scajtajib smahtan Dios, la ya'be sbihilin: Jehová-nisi,

Bible in Tzeltal de Oxchuc y Tenejapa

¹⁵ Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Éxodo 17:15 Referans Kwoze

Génesis 22:14

Te Abraham la ya'be sbihil te lugar: Jehová ya ya'botic, xchi. Ha yu'un hich ay ta halel c'alal ora ini: Ta wits yu'un Jehová ya x'a'bot, xchi.

Jueces 6:24

Te Gedeón la spasbe scajtajib ta chiq'uel mahtanil yu'un Jehová tey a, soc la ya'be sbihilin Jehová-salom. Te scajtajib ta chiq'uel mahtanil tey ay a ta Ofra yu'un te abiezeretic c'alal ora.

Salmos 60:4

Yan te mach'atic ya xi'at la awa'be sbandera te ya yich' toyel mohel ta scaj te smelelil c'ope. Selah

Génesis 33:20

La spasbe scajtajib ta chiq'uel mahtanil tey a, la ya'be sbihilin El-Elohe-Israel.

Éxodo 24:4

Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 12:8

C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Éxodo 27:1

Ya me apas scajtajib ta chiq'uel mahtanil ta acacia-te', ho'eb xuhc'ubil snahtil soc ho'eb xuhc'ubil sjamalil, pajal sp'isol te jujun xuhc, soc oxeb xuhc'ubil te stoyolile.

Éxodo 32:5

C'alal hich la yil te Aarón, la spas scajtajib ta chiq'uel mahtanil ta stojol te jcolel toro, soc tulan la yal ta aw: ¡Pajel ay me q'uin yu'un Jehová! xchi.