Éxodo 17:14 - Bible in Tzeltal Bachajón

¹⁴ Te Jehová la yalbe te Moisés: Ts'ihbaya ta hun scuenta sna'ojibal, soc halbeya te Josué te ho'on ya jtup'be spisil sna'ojibal te Amalec ta ye'tal ch'ulchan, xchi.

Bible in Tzeltal de Oxchuc y Tenejapa

¹⁴ Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Éxodo 17:14 Referans Kwoze

Éxodo 34:27

Te Jehová la yalbe te Moisés: Ts'ihbaya te c'opetic ini, como ta scuenta te c'opetic ini la jchap jc'op ta atojol soc ta stojol Israel, xchi.

1 Samuel 30:17

Te David hahch ya'be guerra ta sab ha to c'alal ta tibiltic yu'un schebal c'ahc'al. Mayuc mach'a loc' ta ahnel jtuhluc, ha nax jbahc' (400) ta tuhl colel winiquetic te mohic ta camellohetic soc ahnic bahel.

1 Samuel 30:1

C'alal c'ohtic ta Siclag ta yoxebal c'ahc'al te David soc te swinictac, te mach'atic ayic ta Amalec yochintayejiquix a te Neguev soc te Siclag, la sjiniquix te Siclag soc la ya'beyiquix sc'ahc'al.

2 Samuel 8:12

ha te Edom, Moab, Amón, filisteohetic soc te amalequetic, soc te bintic la spojbe te Hadad-ezer snich'an Rehob, ajwalil yu'un Soba.

Números 24:20

Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Job 18:17

Te sna'ojibal jc'axel ya xch'ay ta bahlumilal, mayuquix sbihil ya xhil ta q'uinal.

Éxodo 24:4

Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Proverbios 10:7

Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Salmos 9:6

Jc'axel lajemic te jcontrahinwanejetic, jimbil hilic ta sbahtel q'uinal; soc te pueblohetic te la ajinticlan pajal ch'ay bahel te sna'ojibal yu'unique.

Job 19:23

¡Te ayuc ya yich' sts'ihbayel te jc'ope, te yacuc yich' sts'ihbayel ta hun;

Esdras 9:14

¿Ya to bal jcha'c'axuntaybatcotic te mandariletic awu'un, soc ya bal quic' jbahcotic soc te yantic pueblohetic te ya spasic te bintic ilobtic sbahe? ¿Ma bal hichuc ya x'ilinat ta jtojolcotic te yac alajinotcotic ta c'axel, te mayuc mach'a cuxul ya xhil?

1 Crónicas 4:43

La slajinic te mach'atic hilemic yu'un Amalec, soc tey nahinic c'alal ora.

2 Samuel 1:1

Te c'alal lajix a te Saúl, te c'alal suhtemix tal a te David ta Siclag ta stsalel te amalequetic, tey ay cheb c'ahc'al a;

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.

Deuteronomio 31:9

Te Moisés la sts'ihbay te Ley ini soc la ya'be te sacerdotehetic, ha te snich'nab Leví, te la sq'uechic te scaxahul te chapbil-c'op yu'un Jehová, soc la ya'be spisil te mamaletic yu'un Israel.

Números 33:2

Te Moisés la sts'ihbay te banti behenic c'axel, hich te bin ut'il pasot ta mandar yu'un Jehová. Hich ay te banti behenic c'axel:

Éxodo 17:13

Hich te Josué la stsal ta espada te Amalec soc te pueblo yu'une.

Éxodo 32:33

Te Jehová hich la sjac'be te Moisés: Ha ya jtup'be sbihil ta libro cu'un te mach'a la sta smul ta jtojol.

Jeremías 36:2

Ich'a balbil hun, ts'ihbaya tey a spisil te bintic la jcalbat ta scontrahinel Israel, Judá soc spisil te nacionetic, c'alal bin ora hahch jc'oponat, ha te c'alal ay ta ajwalil a te Josías c'alal yo'tic.

1 Crónicas 4:42

Soc ay ho'winic scha'bahc' (500) ta tuhl winiquetic yu'un te sts'umbal Simeón te bahtic ta wits Seir. Ha capitanetic yu'unic te Pelatías, Nearías, Refaías soc Uziel te snich'nab Isi.

Jeremías 30:2

Hich yaloj te Jehová, te Dios yu'un Israel: Ts'ihbaya ta libro spisil te bin la jcalbate.