Éxodo 16:31 - Bible in Tzeltal Bachajón

³¹ Te pueblo Israel la ya'beyic sbihilin maná. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.

Bible in Tzeltal de Oxchuc y Tenejapa

³¹ Te israeletic maná c'ot sbiil yu'unic te bila la stam swe'ique. Saquic jichuc sbac' culantu. Chi' jich bit'il jayal galleta te pasbil soc chabe.

Éxodo 16:31 Referans Kwoze

Cantares 2:3

Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Éxodo 16:15

C'alal la yilic te snich'nab Israel la yalbe sbahic: ¿Bin a ini? xchihic, como ma ba la sna'ic bin a. Te Moisés hich la yalbe: Ha te pan te ya ya'beyex awe'ic te Jehová.

Éxodo 16:14

C'alal taquij te ts'ujul, ay bin limil hilel ta sba te jochol taquin q'uinal, tut sepajtic, hich yilel te bin ut'il me'sic.

Éxodo 16:30

Hich te pueblo la scux yo'tan ta shuquebal c'ahc'al.

Éxodo 16:32

Hich la yal te Moisés: Ha smandar Jehová ini: Nojesahic ta maná jun gomer, q'uejahic yu'un te patil al-nich'anetic awu'unic, scuenta yu'un ya xhu' ya yilic te pan la jca'beyex awe'ic ta jochol taquin q'uinal te c'alal la jloq'uesex tal ta sq'uinal Egipto, xchi.

Deuteronomio 8:3

La ya'bat apehc'an aba, la ya'bat awi'nal soc la smac'linat ta maná, ha te we'elil te ma ba ana'beyej sba, ni ha'uc la sna'beyic sba te ame'atatic, scuenta yu'un ya ya'bat ana' te ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Jehová.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;