Éxodo 16:15 - Bible in Tzeltal Bachajón

¹⁵ C'alal la yilic te snich'nab Israel la yalbe sbahic: ¿Bin a ini? xchihic, como ma ba la sna'ic bin a. Te Moisés hich la yalbe: Ha te pan te ya ya'beyex awe'ic te Jehová.

Bible in Tzeltal de Oxchuc y Tenejapa

¹⁵ C'alal la yil te israeletic, te bit'il ma sna'beyic sba, jich la yalbey sbaic: —¿Bila a? —xiic. Te Moisés jich la yal: —Ja' me te jwe'eltic yu'un Cajwaltic te la yac'botique.

Éxodo 16:15 Referans Kwoze

Éxodo 16:4

Ha yu'un te Jehová hich la yalbe te Moisés: Ilawil, ya ca'beyex tal pan ta ch'ulchan. Ya xloq'uic ta stamel jujun c'ahc'al te hich yipal ya xtuhun yu'unic ta jujun c'ahc'al. Tey ya quil a teme ya sch'uhumbonic jmandar o teme ma'uque.

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

Éxodo 16:31

Te pueblo Israel la ya'beyic sbihilin maná. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.

Deuteronomio 8:3

La ya'bat apehc'an aba, la ya'bat awi'nal soc la smac'linat ta maná, ha te we'elil te ma ba ana'beyej sba, ni ha'uc la sna'beyic sba te ame'atatic, scuenta yu'un ya ya'bat ana' te ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Jehová.

1 Corintios 10:3

soc spisilic pajal la swe'ic te we'elil scuenta espíritu

Nehemías 9:20

Soc la aticon talel te lequil espíritu awu'un scuenta yu'un ya xp'ijubtesotic yu'un. Ma ba la aquechan ya'beyel swe'ic maná, soc la awa'be yuch'ic ha' yu'un taquinti'il.

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Josué 5:12

Ta yan c'ahc'al quehchaj te maná, ha te bin ora hahch swe'ic te sit ts'unub-awalil la yac' te q'uinale. Te snich'nab Israel mayuc bin ora la swe'iquix xan te maná, ha la swe'ic te bin la yac' te q'uinal ta Canaán ta hich ha'bil.

San Juan 6:49

Te ame'atatic la swe'ic te maná ta jochol q'uinal, pero chamic stuquelic.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;

Números 21:5

Hahch scontrac'optayic te Dios soc te Moisés, hich la yalic: ¿Bin yu'un la aloq'uesotcotic tal ta Egipto scuenta yu'un ya xchamotcotic li' ta jochol taquin q'uinal ini? Mayuc we'elil soc mayuc ha'; soc c'axix co'tancotic yu'un te we'elil ini, xchihic.

Éxodo 16:33

Te Moisés la yalbe te Aarón: Ich'a junuc oxom, otsesa jun gomer maná tey a, ac'a ta stojol Jehová, yu'un ya yich' q'uejel yu'un te patil al-nich'anetic awu'unique, xchi.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.

San Lucas 12:30

como spisil te yantic ay ta bahlumilal ha bahem ta yo'tanic slehel ini; pero te Atatic ya sna' te ya xtuhun awu'unic ini.

Proverbios 9:5

La'ic, we'anic te pan cu'un soc uch'anic te vino chapal cu'une.

Salmos 78:24

la yac' cohuc tal maná hich te bin ut'il ha'al yu'un la swe'ic, la ya'be trigo yu'un ch'ulchan.

Salmos 105:40

La sc'an swe'elic, hich la sticombe xcuhch'inetic, soc la snojesbe sch'uhtic ta we'elil yu'un ch'ulchan.