Éxodo 16:14 - Bible in Tzeltal Bachajón

¹⁴ C'alal taquij te ts'ujul, ay bin limil hilel ta sba te jochol taquin q'uinal, tut sepajtic, hich yilel te bin ut'il me'sic.

Bible in Tzeltal de Oxchuc y Tenejapa

¹⁴ C'alal laj loq'uel te sjab lume, ay bila t'ujbil jilel ta sba te taquin q'uinale. Ch'in xujt'ic sepajtic, jich yilel te bit'il toib ya xyalic ta ajc'ubal.

Éxodo 16:14 Referans Kwoze

Salmos 105:40

La sc'an swe'elic, hich la sticombe xcuhch'inetic, soc la snojesbe sch'uhtic ta we'elil yu'un ch'ulchan.

Salmos 78:24

la yac' cohuc tal maná hich te bin ut'il ha'al yu'un la swe'ic, la ya'be trigo yu'un ch'ulchan.

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Deuteronomio 8:3

La ya'bat apehc'an aba, la ya'bat awi'nal soc la smac'linat ta maná, ha te we'elil te ma ba ana'beyej sba, ni ha'uc la sna'beyic sba te ame'atatic, scuenta yu'un ya ya'bat ana' te ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Jehová.

Salmos 147:16

Hich ya yac' tal me'sic te bin ut'il stsotsel tuminchij, soc ya spuc bahel me'sic hich te bin ut'il tan.

Éxodo 16:31

Te pueblo Israel la ya'beyic sbihilin maná. Hich sacal te bin ut'il sbac' culanta soc hich sbuhts' te bin ut'il jayal pan pasbil soc chab.