Éxodo 15:9 - Bible in Tzeltal Bachajón

⁹ Te jcontrahinwanej hich la yal: Ya jnuts bahel, ya jtsac; ya jpuc bahel te bintic pojbil, tic' ya xc'ax co'tan a. Ya jloq'ues te espada cu'un, ya jlajinlan ta jc'ab, xchi.

Bible in Tzeltal de Oxchuc y Tenejapa

⁹ Te jcontroinwanejetic la snop ta yo'tanic: ‘Ya jnutstic, ya me jtsactic, ya me jpuctic te bitic ya jpojbeytique, ja' to me chican lec ya xjil co'tantic yu'un. Ya me jloq'ues te jpuñale, ya me jin ta jc'ab a’, xi' ta yo'tan.

Éxodo 15:9 Referans Kwoze

Jueces 5:30

¿Ma bal ha'uc la stahic pojbil biluquetic soc yaquic ta spucticlanel? ha jtuhl o cha'tuhl ach'ix yu'un te jujutuhle; yu'un Sísara te bombil paq'uetic, bombil paq'uetic te ch'albilic ta ts'isel; te bombil paq'uetic ch'albilic ta ts'isel ta jehch ta jehch, yu'un snehquelic te jtsalawetique, xchi.

Éxodo 14:5

Te c'alal halbot te ajwalil yu'un Egipto te loq'uiquix ta ahnel te pueblo israel, yanij yo'tan te faraón soc te a'batetic yu'un ta stojolic, hich la yalic: ¿Bin yu'un hich la jpastic te la jcac'tic loq'uel te Israel, te hich ma ba ya yac' sbahic ta a'batinel cu'untic? xchihic.

San Lucas 11:22

Pero c'alal ya xtal yan te c'ax hich yip a soc te ha ya stsal, ya yich'be spisil ya'tejib te smuc'ulinej yo'tan, soc ya spucbe te sbiluque.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

Habacuc 3:14

Ha nix ta slanzahic la alowbe te jtsobawetic yu'un te soldadohetic yu'unic, te talic hich te bin ut'il yic'al-ha'al yu'un ya spucotcotic bahel, te tse'el yo'tanic hich te bin ut'il muquen ya slajin te pobrehe.

Génesis 49:27

Te Benjamín, ha c'ahc'al ha'mal ts'i'; ta sacubel q'uinal ya sti' te bin tsacbil yu'un, ta tibiltic ya spucticlan te bintic pojbil, xchi te Jacob.

Isaías 36:20

¿Mach'a ta spisil te diosetic yu'un te q'uinaletic ini te hu' yu'unic scoltayel loq'uel ta jc'ab? ¿Ya bal xhu' yu'un te Jehová te ya scoltay loq'uel ta jc'ab te Jerusalén? xchi te ajwalile, xchi.

1 Reyes 20:10

Te Ben-adad la sticombe xan ta halbeyel: Ac'a ya'bon tulan castigo te diosetic, teme tic' ya xhil a te sts'ubil Samaria te ya yich'ic johpuc jujutuhl te st'unojonic, xchi.

1 Reyes 19:2

Te Jezabel la sticon ta halbeyel te Elías: Hich me ac'a spasbon te diosetic, soc c'ax to xan hich a, teme pajel ta hichilan ora ma hichuc ya jpasbat te bin ut'il la apasticlambe te jalwanejetic, la yut.

1 Samuel 30:8

Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.

2 Samuel 22:38

La jnuts bahel te jcontratac, la jlajinlan; ha to suhton tal a te c'alal la jlajinlan.

Proverbios 16:19

Ha lec xan te peq'uel yo'tan ta yohlil te pobrehetic te bin ut'il spuquel bintic pojbil ta stojol mach'atic jtoybahetique.

Jeremías 46:17

Tey awonic a: ¡Te faraón ajwalil yu'un Egipto, ha nax xjuyet; la yac' c'axuc te tiempo te halbile! xchihic.