Éxodo 15:6 - Bible in Tzeltal Bachajón

⁶ Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Bible in Tzeltal de Oxchuc y Tenejapa

⁶ Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Éxodo 15:6 Referans Kwoze

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Apocalipsis 2:27

ta scuenta te bastón-taq'uin ya me scuentahinlan, soc ya swuyticlan hich te bin ut'il pac'bil oxom, hich te bin ut'il te ca'tel quich'oj yu'un te Jtate.

Salmos 60:5

Coltaya ta swa'el ac'ab soc a'iybon jc'op scuenta yu'un hich ya xcolic ta libre te mach'atic c'uxic ta awo'tane.

Salmos 2:9

Yac apehc'anlan ta scuenta abastón-taq'uin, yac awuyticlan hich te bin ut'il pac'bil oxom, xchi.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Isaías 52:10

Te Jehová la yac' ta ilel te sch'ul c'ab ta stojol sit spisil te nacionetique; spisil te mach'atic ayic ta sti'il te bahlumilal ya me yilic te colel yu'un te Dios cu'untique.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Salmos 98:1

C'ayojtayahic te Jehová ta yach'il c'ayoj, yu'un jchahp a'teliletic spasticlanej; la ya'iy tsalaw ta scuenta te sch'ul swa'el-c'ab.

Salmos 77:10

Hich la jcal: Te bin c'ux ya ca'iy, ha ini: ha te ya xtal ta co'tan te ha'biletic te la scoltayotic te swa'el-c'ab te Mach'a Toyol ay.

Salmos 74:11

¿Bin yu'un te yac acom ac'ab? ¿Bin yu'un te anac'oj ta petel awa'el-c'ab?

Salmos 44:3

Como ma ba la yochintayic te q'uinal ta scuenta te espada yu'unic, soc ma ha'uc ta sc'abic la ya'iyic tsalaw; ha ta scuenta awa'el-c'ab soc te sts'anabul asit awelaw, como lec awo'tan ta stojolic.

Salmos 17:7

Ac'a ta ilel te bayel yutsil sc'uxul awo'tan, ha'at te yac acoltay te mach'atic ya snac' sbahic ta awa'el-c'ab ta stojol te mach'atic ya scontrahinique.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Isaías 30:14

Hich ya xwuy te bin ut'il pac'bil oxom, hich jc'axel ya xbusq'uij te mayuquix xeht'elul ya xhil te ya xtuhun ta sloq'uesel ac'al ta yawil c'ahc', o ta sloq'uesel ha' ta pozo a, xchi te Diose.

Éxodo 3:20

Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Éxodo 15:12

La ahach awa'el-c'ab, te lumq'uinal la sbic'ticlan cohel.

Éxodo 15:16

ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

Salmos 24:8

¿Mach'a a te Ajwalil te ay yutsilal? Ha te Jehová te ay yip soc te ay yu'el, ha te Jehová te ay yip ta guerra.

Salmos 44:4

Ha'at Ajwalilat cu'un, Diosat cu'un; ac'a te ya ya'iy tsalaw te Jacob.

Salmos 89:14

Ha yich'o-ip te amuc'ul-huctajib te bin toj ta pasel soc te stojil chahpanel; te c'uxul-o'tanil soc te bin smelelil ya xnahilijic bahel ta atojol.

Isaías 63:12

te la stojobtes bahel ta swa'el-c'ab Moisés ta scuenta yutsil yu'el, te la sjam te ha' ta stojolic, yu'un hich ay ta na'beyel sbihil sbahtel q'uinal?