Éxodo 15:21 - Bible in Tzeltal Bachajón

²¹ Hich la yal ta c'ayoj te María: C'ayojtayahic te Jehová, yu'un ay bayel yutsilal; la sch'oj ochel ta mar te cawu soc mach'a cajal tey a, xchi ta c'ayoj.

Bible in Tzeltal de Oxchuc y Tenejapa

²¹ Jich yac ta yalel ta c'ayoj te María: “C'ajintayaic ta yich'el ta muc' te Cajwaltique, te jchajp nax la yaiy tsalawe, mul coel ta mar te caballoetic soc te yajwale”, xi' ta c'ayoj.

Éxodo 15:21 Referans Kwoze

Éxodo 15:1

Ha yu'un te Moisés soc te snich'nab Israel la sc'ayojtayic te Jehová ta c'ayoj ini: Ya jc'ayojtay te Jehová, como ay bayel yutsilal, la sch'ojticlan ochel ta mar cawuhetic soc te mach'atic cajajtic tey a.

Apocalipsis 15:3

soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

2 Crónicas 5:13

Ta spisilic junax la yac' sbahic ta yoq'uesinel te cornetahetic soc ta c'ayoj ta yalbeyel yutsil sc'oblal soc ta yalel wocol ta stojol te Jehová. Yaquic ta yoq'uesinel te cornetahetic soc ta stijel te platillohetic soc te yantic a'tejibaletic yu'un música, hich la yalbeyic ta c'ayoj te Jehová: Lec yo'tan stuquel, como sbahtel q'uinal ay te sc'uxul yo'tan, xchihic. C'alal hich yac spasbelic a, noj ta tocal te sna Jehová.

1 Samuel 18:7

Te c'alal yacalic ta ahc'ot a te antsetic, hich yacalic ta yalel ta c'ayoj: Te Saúl la smil bayel ta mil ta tuhl, te David la smil bayel ta lajunmil ta tuhl, xchihic.

Jueces 5:3

¡A'iya awa'iyic, ajwaliletic! ¡A'iya awa'iyic, príncipaletic! Ya jc'ayojtay te Jehová, ya jc'ayojtay c'ayojetic ta stojol Jehová te Dios yu'un Israel.

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.

1 Samuel 18:6

C'alal yacalic ta suhtel tal te soldadohetic, c'alal David la smil te filisteo, ta spisil te pueblohetic yu'un Israel loq'uic tal antsetic ta stahel te ajwalil Saúl, yacalic ta c'ayoj soc ahc'ot, yacalic ta stijel pandero soc ya'tejibic yu'un c'ayoj, soc tse'el yo'tanic ta c'ayoj.

2 Samuel 1:20

Ma me xawalic ta Gat, soc ma me xawalic ta callehetic ta Ascalón, scuenta yu'un ma me tse'eluc yo'tanic a te yantsil-nich'nab te filisteohetic, scuenta yu'un ma ba ya xwihlic yu'un yutsil yo'tanic te yantsil-nich'nab te mach'atic ma ba yich'ojic circuncisión.

2 Samuel 6:14

Te David slapoj efod pasbil ta lino-pac', soc yac wihlawetel ta spisil yip ta stojol Jehová.

Salmos 76:6

Diosat yu'un Jacob, te bin ut'il la awut te carreta soc te cawu ma ba la snihc sbahic.

Éxodo 15:4

La sch'oj ochel ta mar te carretahetic soc soldadohetic yu'un faraón. Te tsahbil capitanetic yu'un, mulotic ta Mar Rojo.