Éxodo 15:17 - Bible in Tzeltal Bachajón

¹⁷ Ha'at yac awic' ochel soc yac ats'un ta wits awu'un te awich'oj hilel, ta lugar banti ya xnahinat te chahpambil awu'un, Jehová, ha te ch'ul awilal te yich'oj yip yu'un ac'ab, Jehová.

Bible in Tzeltal de Oxchuc y Tenejapa

¹⁷ Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Éxodo 15:17 Referans Kwoze

Salmos 44:2

Ha'at ta ac'ab la atenticlan loq'uel te nacionetic soc la ats'un tey a te me'iltatiletique; la awa'be swocol te pueblohetic, yan te jme'jtatcotic la awac' te lec ya xc'ohtic.

Salmos 80:8

Ta Egipto la aloq'ues tal jun ts'usubil; la atenticlan loq'uel te nacionetic, la ats'un tey a te ts'usubile.

Jeremías 32:41

Bayel yutsil co'tan te ya ca'be te bintic lec, soc ta spisil co'tan soc ta spisil jch'uhlel ya cac' te ya xnahinic li' ta q'uinal ini, xchi.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.

Jeremías 2:21

La jts'unat hichuc tsahbil ts'usub, ta spisil lequil sbac' ts'unubil. ¿Bin ut'il ay a te c'atp'ujat ta jtojol ta yan ts'usubil?

Éxodo 15:13

Ta scuenta sc'uxul awo'tan la awic' bahel te pueblo te la acoltay ta libre. Ta scuenta awu'el la awic' bahel ta ch'ul lugar awu'un.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Éxodo 32:34

Bahan me hiche, ic'a bahel te pueblo ini ta banti la jcalbat; te ch'ul a'bat cu'un ha ya xnahilij bahel awu'un. Pero te c'alal ya sta yorahil castigo, ya cac'ticlambe castigo yu'un te smulique, xchi.

Deuteronomio 33:19

Ya me yiq'uic tal nacionetic ta wits yu'unic, tey ya xc'oht yaq'uic milbil mahtaniletic te toj ayic; ya me smulanic te bin bayel ya yac' te maretic, soc te c'ulejalil nac'al ta hi'ileltic, xchi.

2 Samuel 7:10

Soc ya ca'be jun lugar te Israel te pueblo cu'un soc ya cac' te jc'axel ya xnahinic tey a, mayuc bin ora ya x'uts'inotic yu'un te mach'atic chopol ya'telic, hich te bin ut'il ta shahchibal

1 Reyes 8:13

pero ho'on la jpasbatix jun na ta banti ya xnahinat, jun lugar te banti ya xnahinat spisil ora, xchi.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Salmos 68:16

Ha'ex te mero toyol witsex, ¿bin yu'un yac awil soc sbic'tal awo'tan te wits te la sc'an yo'tan Dios te ya xnahin tey a? Te Jehová ya me xnahin sbahtel q'uinal tey a.

Salmos 76:2

Ay ta Salem te nahilpac' yu'un, ay ta Sión banti ya xnahin.

Salmos 80:15

ha te ts'usubil te la ats'un ta swa'el ac'ab, ha te spuhl te la awac' ch'ihyuc yu'un ha awu'un ya xc'oht.

Salmos 114:2

ha ch'ul awilal yu'un Jehová c'oht te Judá, te Israel ha cuentahinot yu'un.

Éxodo 25:8

Ac'a spasbonic ch'ul awilal, hich ya x'ayinon ta yohlilic.

Josué 22:19

Teme yac awa'iyic te bohloben sc'oblal te aq'uinalic, sohlanic tal ta q'uinal yu'un Jehová ta banti ay te Nahilpac' Templo yu'un Jehová, ich'a aq'uinalic ta cohlilcotic; pero ma xatoy abahic ta stojol Jehová soc ma xatoy abahic ta jtojolcotic, te yac apasic yan scajtajib ta chiq'uel mahtanil te bin ut'il ayix yu'un Jehová te Dios cu'untique.

Ezequiel 37:26

Ya jpas chapbil-c'op scuenta lamal q'uinal ta stojolic; ha chapbil-c'op sbahtel q'uinal ta stojolic. Ya ca'be yich' yipic soc ya cac' te ya xp'ohlic, soc ya cac' ta yohlilic te ch'ul awilal cu'un sbahtel q'uinal.

Ezequiel 37:28

Ya me sna'ic te nacionetic te ho'on Jehovahon ya jch'ultes te Israel, como sbahtel q'uinal ay ta yohlilic te ch'ul awilal cu'une, xchi te Jehová.