Éxodo 15:16 - Bible in Tzeltal Bachajón

¹⁶ ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Bible in Tzeltal de Oxchuc y Tenejapa

¹⁶ Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Éxodo 15:16 Referans Kwoze

Salmos 74:2

Na'a me te pueblo awu'un, te mambil awu'un ta namey, ha te la acoltay loq'uel tal yu'un ha schahpal ya xc'oht awu'un; na'a me te wits Sión te banti nahinemat.

Deuteronomio 2:25

Yo'tic ya cac' xi'at spisil te pueblohetic ayic ta ye'tal ch'ulchan. Te c'alal ya ya'iybat ac'oblal ya me xnihquic soc ya me x'u'untaybot yo'tanic yu'un mel-o'tan ta acuentahic, xchi.

1 Samuel 25:37

C'alal sacub q'uinal, te cuxix yo'tan ta yacubel a te Nabal, halbot ya'iy yu'un te yihnam spisil te bin c'oht ta pasel; tup' yic' yu'un te Nabal, cham schihal yoc sc'ab.

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Jeremías 31:11

Como te Jehová la yic' loq'uel ta libre te Jacob, la yac' ta libre ta sc'ab mach'atic bayel xan yipic.

Deuteronomio 11:25

Mayuc mach'a ya xhu' ya scomex. Te Jehová te Dios awu'unic ya me yac' te ya xi'ex ta spisil te q'uinal banti ya xbehenex, hich te bin ut'il la yalbeyex.

Éxodo 11:7

Pero ta stojol te snich'nab israel mayuc jcohtuc ts'i' te ya swohwoy jtuhluc winic o jcohtuc chambahlam, scuenta yu'un yac ana'ic te ta yo'tan Jehová ma pajaluc sc'oblal soc te snich'nab Israel te egipciohetique, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Isaías 51:10

¿Ma bal ha'ucat te la ataquijtes te mar, te ha'etic yu'un te muc'ul xahab, te la ac'atp'un ta be te sc'ubulil te mar scuenta yu'un ya xc'axic bahel te mach'atic ac'bilic ta libre?

2 Samuel 7:23

¿Soc mach'a pajal soc te pueblo Israel awu'un, te jun nación te muc' sc'oblal ta bahlumilal? Como te Dios c'oht sloq'ues ta mosohil scuenta pueblo yu'un ya xc'oht, te hich ya stohytesbe sbihil a, yu'un ya spas muc'ul a'teliletic ta scuentahic soc ya spas bintic xiweltic sba ta aq'uinal, ta scuenta sc'uxul awo'tan ta stojol te pueblo awu'un te la aloq'ues ta Egipto ta stojol yantic nacionetic soc te diosetic yu'unique.

1 Samuel 2:9

Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.

Deuteronomio 32:6

¿Hich bal yac atojic a te Jehová, jsohquejol pueblohex te mayuc sp'ijil awo'tanic? ¿Ma bal ha'uc atat te la spasat? Ha la spasat soc la yac' ayinucat.

Éxodo 23:27

Ya me jnahiltes bahel awu'un te xiwtesel cu'un soc ya cac' xhowiy sjolic spisil te nacionetic banti ya xc'ohat, soc ya cac' te ya xloq'uic ta ahnel ta atojol te acontrataque.

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

Éxodo 15:5

Mucotic ta sc'ubulil mar; cohic bahel ta sc'ubulil hich te bin ut'il ton.

Éxodo 15:6

Te awa'el-c'ab, Jehová, la yac' ta ilel te smuc'ul yu'el; te awa'el-c'ab, Jehová, la slajin te jcontrahinwanej.

Éxodo 15:13

Ta scuenta sc'uxul awo'tan la awic' bahel te pueblo te la acoltay ta libre. Ta scuenta awu'el la awic' bahel ta ch'ul lugar awu'un.

Éxodo 18:8

Te Moisés la yalbe ya'iy te snihal-mamal spisil te bintic la spas Jehová ta stojol faraón soc te egipciohetic scuenta sc'uxultayel te Israel, soc spisil te swocolic te c'oht ta pasel ta be soc bin ut'il coltayotic yu'un Jehová.

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Deuteronomio 2:4

Halbeya te pueblo: Te c'alal ya xc'axex ta sq'uinal te awermanotac, ha te snich'nab Esaú te nahinemic ta Seir, ya me xi'ex, pero tsahtaya me abahic te ha'exe.

Josué 4:24

scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.

Salmos 105:38

Te Egipto tse'el yo'tan yu'un te loq'uic bahel, como tal xiwel ta stojolic.

Isaías 63:12

te la stojobtes bahel ta swa'el-c'ab Moisés ta scuenta yutsil yu'el, te la sjam te ha' ta stojolic, yu'un hich ay ta na'beyel sbihil sbahtel q'uinal?

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 23:22

Yan teme smelelil yac awa'iybe sc'op soc teme yac apas spisil te bin ya calbate, ha jcontra ya xc'oht te acontratac soc ya ca'be swocol te mach'atic ya ya'bat awocole.

Salmos 89:14

Ha yich'o-ip te amuc'ul-huctajib te bin toj ta pasel soc te stojil chahpanel; te c'uxul-o'tanil soc te bin smelelil ya xnahilijic bahel ta atojol.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.