Éxodo 15:15 - Bible in Tzeltal Bachajón

¹⁵ Ha yu'un te jtsobawetic yu'un Edom bayel ya xc'opoj yo'tanic yu'un; te mach'atic ay yipic ta Moab ya xhahchic ta nihquel, ya xlaj yip yo'tanic spisil mach'atic nahinemic ta Canaán;

Bible in Tzeltal de Oxchuc y Tenejapa

¹⁵ Te capitán-soldadoetic yu'un edometic ya me xmajc' ic' ta yo'tanic, te jtsobwanejetic yu'un moabetic ya me xnijq'uic yu'un xiwel, jc'axel me ma'yuc yip yo'tanic ya xc'ot spisilic te cananeoetique.

Éxodo 15:15 Referans Kwoze

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 2:11

Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Josué 2:9

Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

Deuteronomio 2:4

Halbeya te pueblo: Te c'alal ya xc'axex ta sq'uinal te awermanotac, ha te snich'nab Esaú te nahinemic ta Seir, ya me xi'ex, pero tsahtaya me abahic te ha'exe.

Génesis 36:40

Hich ay sbihilic te jtsobawetic yu'un Esaú ta jujuchahp sts'umbalic soc ta jujun sq'uinalic: ha Timna, Alva, Jetet,

Habacuc 3:7

Quiloj te ay swocolic te nahilpaq'uetic yu'un Cusán, te nahilpaq'uetic yu'un te sq'uinal Madián ya xnihquic.

Nahúm 2:10

Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Ezequiel 21:7

Te c'alal hich ya sjoc'obat: ¿Bin yu'un ya x'ahcanajat? te xchihique, hich yac awal: Ta scaj te c'op te ya xtale. C'alal ya xtal ya xlaj yip spisil yo'tanic soc ya xlaj yip spisil sc'abic, spisil ya me smel yo'tanic yu'un soc ya xlaj yip sjol yacanic hich te bin ut'il ha'. Ya xtalix, ya xc'ohtix ta pasel, xchi te Jehová, te Ajwalil.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Isaías 13:7

Ha yu'un ya xlaj yip sc'ab spisilic, ya xlaj yip yo'tanic spisil ants-winiquetic.

Salmos 68:2

Hich yac ach'ayticlan bahel te bin ut'il ya xtenot bahel ta ic' te ch'ahile; hich te bin ut'il ya x'uhl chabec' ta c'ahc', hich me ya xch'ay bahel ta stojol Dios te mach'atic chopolique.

2 Samuel 17:10

Ha nix te mach'a mero ma xiw, te hich yo'tan te bin ut'il choj, jc'axel me ya xiwic, como spisil Israel sna'oj te ma xiw te atat, soc te ay yipic te mach'atic sjoquinej.

1 Samuel 14:16

Te jcananetic yu'un Saúl ta Gabaa yu'un Benjamín la yilic te xquechetic ta ch'ayel bahel ta ahnel te filisteohetic.

Josué 14:8

Yan te quermanotac te sjoquinejonic bahel c'oht xiwtesbe yo'tanic te pueblo, yan te ho'one jun co'tan ta stojol Jehová te Dios cu'un.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.

Génesis 36:15

Hich ay sbihilic te jtsobawetic yu'un te snich'nab Esaú: Te sts'umbal Elifaz te sba-nich'an te Esaú: ha Temán, Omar, Zefo, Cenaz,

Salmos 48:5

C'alal la yilic te hich ay te muc'ul pueblo, xcham yo'tanic, ora ahnic bahel yu'un xiwel.

Jeremías 49:23

Hich ay sc'oblal te Damasco: Te Hamat soc Arfad ma sna'ic bin ya spasic, como la ya'iyic te bintic ma lecuc te ya xc'oht ta pasel; ya xnihc yo'tanic yu'un xiwel, hich te bin ut'il mar te ma xhu' ta lahmajtesel.

Génesis 36:16

Coré, Gatam soc Amalec. Ha'ic te jtsobawetic yu'un te sts'umbal Elifaz ta sq'uinal Edom; ha'ic te yalatac Ada.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.