Éxodo 15:14 - Bible in Tzeltal Bachajón

¹⁴ Ya me ya'iyic te pueblohetic, ya xnihquic yu'un; ya x'u'untayot yu'un sc'uxul xiwel te filisteohetique.

Bible in Tzeltal de Oxchuc y Tenejapa

¹⁴ Te lumetic ya me xnijc' yo'tanic c'alal ya yaiyic stojol; te filisteoetic ya me x'ajc'naj yo'tanic yu'un xc'uxul mel-o'tan.

Éxodo 15:14 Referans Kwoze

Deuteronomio 2:25

Yo'tic ya cac' xi'at spisil te pueblohetic ayic ta ye'tal ch'ulchan. Te c'alal ya ya'iybat ac'oblal ya me xnihquic soc ya me x'u'untaybot yo'tanic yu'un mel-o'tan ta acuentahic, xchi.

Isaías 14:31

¡Awetan, puertahat! ¡awonan, pueblohat! ¡Uhlan bahel yu'un xiwel, ha'at filisteohat! como ya xtal ch'ahil ta stojol norte, mayuc jtuhluc te ya xloc' ta banti scholoj sbahic.

Salmos 48:6

Tsacotic ta xiwel tey a, soc hich sc'uxul te bin ut'il ya x'ayin yal ants,

Josué 9:24

Hich la sjac'beyic te Josué: Como la ya'iyic te a'batetic awu'un te Jehová te Dios awu'un spasojix ta mandar te ya'bat Moisés te ya me ya'beyex spisil te q'uinal soc te ya slajin ta atojolic spisil te mach'atic nahinemic ta q'uinal, ha scuentahil te bayel la jxi'cotic te ya xlajotcotic, ha yu'un te hich la jpascotic.

Números 14:14

soc ya me yich' halbeyel ta stojol te mach'atic nahinemic ta q'uinal ini, te ya'iyejiquix te ha'at, Jehová, ayat ta yohlil te pueblo ini, te awac'oj aba ta ilel ta sitil, Jehová, soc te axintesbilic ta tocal awu'un, te ya xnahilijat bahel yu'unic ta bahlal tocal ta c'ahc'alel soc ta bahlal c'ahc' ta ahc'abal.

Isaías 14:29

Apisilic, filisteohex, ma me tse'eluc awo'tanic yu'un te waq'uix te xul te la yehchentesat; como ta slohp' te chan ya xloc' tal ti'awal chan, te sit ya yac' ha c'ahc'al chan te ya xwiluntaywan.

Números 22:5

la sticon bahel winiquetic ta stojol Balaam snich'an Beor ta Petor, te ay ta nopol muc'ul-ha' Éufrates, te ha slumal nix, hich la yalbe: Ay jun pueblo te loq'uemic tal ta Egipto te ya snojesic te q'uinal soc ya xnahinic nopol ta banti ayon.

Josué 10:2

bayel xiw yu'un; como ha muc'ul pueblo te Gabaón, pajal soc te yantic muc'ul pueblohetic te ay ajwalil yu'unic, c'ax hich sc'oblal a te bin ut'il Hai, soc bayel yip yo'tanic spisil te winiquetic yu'une.

1 Samuel 4:7

xiwic yu'un te filisteohetic, hich la yalic: Hulix jun dios ta scampamentohic, xchihic. Soc la yalic: ¡Ay me jwocoltic yo'tic! Mayuc hich c'ohem ta pasel a.

1 Crónicas 14:17

Hich puhc sc'oblal te David ta spisil te q'uinale. Te Jehová la yac' ta xi'el te David yu'un te nacionetique.

Isaías 23:5

C'alal ya xc'oht ta Egipto te c'ope, c'ux me ya ya'iyic yu'un te bin halbil sc'oblal te Tiro.

Ezequiel 32:9

Ya cac' te ya smel yo'tanic bayel pueblohetic te c'alal ya quic'ticlan bahel ta chuquel te mach'atic awu'un ta yohlil te nacionetic, ta yantic q'uinaletic te ma ba la ana'be sbahe.

Habacuc 3:7

Quiloj te ay swocolic te nahilpaq'uetic yu'un Cusán, te nahilpaq'uetic yu'un te sq'uinal Madián ya xnihquic.

Josué 2:11

Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Josué 9:9

Hich la sjaq'uic: Te a'batetic awu'un talemotcotic ta mero namal q'uinal ta scaj te sbihil te Jehová te Dios awu'un como ca'iybeyejcotic sc'oblal, soc spisil te bintic la spas ta Egipto

1 Samuel 4:8

¡Ay me jwocoltic yo'tic! ¿Mach'a ya xhu' ya scoltayotic loq'uel ta sc'ab te diosetic ini te ay bayel yu'elic? Ha te diosetic te la ya'beyic spisil ta chahp castigohetic te egipciohetic ta jochol taquin q'uinal.

Salmos 48:7

hich te bin ut'il c'alal jinotic te barcohetic yu'un Tarsis yu'un te ic' ya xtal ta banti ya xloc' tal c'ahc'al.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.