Éxodo 15:11 - Bible in Tzeltal Bachajón

¹¹ ¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Bible in Tzeltal de Oxchuc y Tenejapa

¹¹ Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Éxodo 15:11 Referans Kwoze

1 Reyes 8:23

hich la yal: Jehová, Dios yu'un Israel, mayuc yan dios ta ch'ulchan o ta bahlumilal hich te bin ut'il ha'at, te yac awac' c'ohtuc ta pasel te chapbil-c'op soc te sc'uxul awo'tan ta stojol te a'batetic awu'un te ayic ta atojol.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.

2 Samuel 7:22

¡Ha yu'un c'ax muc' Diosat, Jehová! Mayuc yan mach'a hich ay te bin ut'il te ha'ate, mayuc yan Dios ay, hich te bin ut'il la jca'iycotic ta jchiquincotic.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Deuteronomio 3:24

Cajwal Jehová, hahchematix ta ya'beyel yil te a'bat awu'un te amuc'ule soc te yu'el ac'ab; como ¿ay bal yan dios ta ch'ulchan o ta bahlumilal te ya xhu' yu'un spasel a'tel soc jchahp a'teliletic hich te bin ut'il yacat ta spasel?

Salmos 86:8

Cajwal, mayuc yan dios hich te bin ut'il ha'at, mayuc yan a'teliletic hich te bin ut'il te awu'une.

Salmos 77:14

Ha'at Diosat te yac apas jchahp a'teliletic; la awa'be yil awu'el te nacionetique.

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Isaías 40:25

¿Mach'a yac apajonic soc a? ¿Mach'a pajalon soc? xchi te Ch'ul Dios.

Deuteronomio 33:26

Mayuc mach'a pajal soc te Dios yu'un Jesurún, te cajal ta cawu ya xbehen tal ta ch'ulchan yu'un ya scoltayat, te ya xtal soc yutsilal ta sba tocal.

Salmos 77:19

C'ax ta mar te be awu'un, te behetic awu'un c'axic ta yohlil te ha'etic; aunque ma ba chicnaj te awoque.

Isaías 40:18

Ha yu'un ¿mach'a yac apajic soc a te Diose? ¿Bin loc'ombahil te yac apajic soc a?

Salmos 35:10

Ta spisil co'tan hich ya me cal: Jehová, ¿mach'a pajalat soc, te yac awac' ta libre te pobrehetic ta stojol te mach'atic c'ax hich ay yipic a, soc te yac awac' ta libre te pobrehetic soc te mach'atic mayuc bin ay yu'un ta stojol te mach'atic ya x'elc'anot yu'unic? xchihon.

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Salmos 66:5

¡La'ic, ilawilic te ya'tel Dios, te jchahp te bintic la spas ta stojol te ants-winiquetique!

Jeremías 49:19

Hich te bin ut'il ya xloc' tal choj ta pimil q'uinal yu'un Jordán soc ya xbaht ta yaxal c'unil ha'maletic, ora nax ya cac' ahnuc loq'uel tey a te Edom, soc ya cac' tey a te mach'a tsahbil cu'un, como ¿mach'a pajalon soc? ¿Mach'a ya xhu' ya stsalon? ¿Mach'a jcanan-tuminchij te ya xhu' ya scontrahinon?

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Salmos 145:17

Te Jehová toj spisil bintic ya spas soc ya sc'uxultay spisil bintic spasoj.

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

San Lucas 12:5

Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

Salmos 90:11

¿Mach'a ya sna'be sba te yip te awilimba? Hich smuc'ul awilimba te bin ut'il ya sc'an yac awich' xi'ele.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

Isaías 30:11

ihquitaya te be, loc'anic ta sbehlal, ma me xawalbotic xan sc'oblal te Ch'ul Dios yu'un Israel, xchihic.

Salmos 89:18

Como ha mahquilal cu'untic te Jehová, te ajwalil cu'untic ha te Ch'ul Dios yu'un Israel.

Apocalipsis 13:4

La sch'uhuntayic te dragón te la ya'be yich' ya'tel te chambahlam te xiweltic sba, soc la sch'uhuntayic te chambahlam te xiweltic sba, hich la yalic: ¿Mach'a a te pajal soc te chambahlam te xiweltic sba, soc mach'a ya xhu' ya ya'be guerra? xchihic.

Éxodo 3:20

Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Éxodo 18:11

Yo'tic la jna'ix te c'ax hich muc' a te Jehová te bin ut'il spisil te diosetic, te hich la spasbe te mach'atic la yuts'inic te Israel ta scuenta stoybahilic, xchi.

Éxodo 20:3

Ma me ayuc yantic diosetic awu'un ta jtojol.

2 Crónicas 2:5

Ya sc'an te muc' te Na te ya jpas, como te Dios cu'uncotic c'ax muc' xan a te bin ut'il te yantic diosetique.

2 Crónicas 6:14

hich la yal: Jehová, Dios yu'un Israel, mayuc yan Dios hich te bin ut'il ha'at ta ch'ulchan o ta bahlumilal, te yac awac' c'ohtuc ta pasel te chapbil-c'op awu'un, soc te ay sc'uxul awo'tan ta stojol te a'batetic awu'un te spisil yo'tanic ayic ta atojol.

Salmos 22:23

Ha'ex te yac awich'ic ta muc' te Jehová, ¡halbeyahic yutsil sc'oblal! ¡C'ayojtaybeya yutsil sc'oblal apisilic te sts'umbalex Jacob! ¡Xi'ahic me apisilic te sts'umbalex Israel!

Salmos 113:5

¿Mach'a pajal soc te Jehová te Dios cu'untic, te hucul ta toyol,

Salmos 136:4

te ha nax stuquel ya spas muc' yutsil a'teliletic, como sbahtel q'uinal ay sc'uxul yo'tan;

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Éxodo 8:6

Ha yu'un te Aarón la shach sc'ab ta stojol te ha'etic ta Egipto, hich mohic tal xch'uch'etic te la snojesic te sq'uinal Egipto.

Deuteronomio 1:30

Te Jehová te Dios awu'unic, ha te mach'a ya xnahilij bahel awu'unic, ya me yac' guerra ta acuentahic, hich te bin ut'il spisil te bintic la spas ta acuentahic ta Egipto te la awilique.

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

1 Crónicas 16:25

Como muc' te Jehová, ya sc'an toybeyel yutsilal; c'ax hich ay ta xi'el a te bin ut'il spisil te diosetique.

Salmos 60:2

La awac' nihcuc soc la ajat te lumq'uinale; lecubtesa te banti jatemic, como yac ta nihquel.

Salmos 77:11

Ya me jna' te bintic spasoj te Jehová; ya me jna' te jchahp a'teliletic awu'un ta namey.

Salmos 86:10

como ha'at muc' Diosat soc yac apas jchahp a'teliletic; ¡ha'at Diosat atuquel!

Isaías 46:9

Na'ahic me te bintic c'ohem ta pasel ta namey; ho'on Dioson, mayuc yan; ho'on Dioson, mayuc yan pajalon soc.