Éxodo 15:10 - Bible in Tzeltal Bachajón

¹⁰ Pero la ahu'xiy ta awic'al, hich mulotic ta mar; hich mulic cohel te bin ut'il plomo ta ha'etic te ay yipique.

Bible in Tzeltal de Oxchuc y Tenejapa

¹⁰ Ja'uc me to, la ajujch'iy te mar, jich bic'otic yu'un; mulic coel ta ja' jichuc plomo, ta swenta yip te ja'e.

Éxodo 15:10 Referans Kwoze

Isaías 11:15

Te Jehová ya me staquijtes te mar te ochem bahel ta nopol Egipto, soc ya me stij sc'ab ta stojol te muc'ul-ha' Éufrates, ya yac' bahel te q'uixin ic' yu'un, ya yac' te huqueb ya xjetin a, hich ya xhu' ya xc'axic bahel soc stepic a.

Deuteronomio 11:4

te bin la spasbe te soldadohetic yu'un Egipto, te cawuhetic soc carretahetic yu'unic; bin ut'il la yac' muhluc ta ha' ta Mar Rojo c'alal la snutsex bahel soc te jc'axel la slajinlan c'alal ora yo'tic;

Éxodo 15:5

Mucotic ta sc'ubulil mar; cohic bahel ta sc'ubulil hich te bin ut'il ton.

Éxodo 14:21

Te Moisés la stoy sc'ab ta stojol te mar, te Jehová la yac' tal tulan ic' sjunal ahc'abal ta stojol banti ya xloc' tal c'ahc'al; hich la sjam sba te ha' soc taquij te slumile.

San Mateo 8:27

Xcham yo'tanic yu'un te winiquetic, hich la yalic: ¿Mach'a winiquil ini, te ch'uhumbil smandar yu'un ic' soc mar? xchihic.

Amós 4:13

Te mach'a ya spas te witsiltic soc te ic', te ya ya'be sna' te ants-winiquetic te bin snopoj ta yo'tan, te ya yac' te ha yihc'al q'uinal ya xc'oht te sacubel q'uinal, soc te ya xbehen ta stoyolil te q'uinale, ha Jehová, te Dios te scuentahinej spisil te sbihile.

Jeremías 10:13

C'alal ya xc'opoj, xju'et ya xc'opoj ha'etic ta ch'ulchan; ya yac' te ya xmo bahel tocal c'alal ta sti'il bahlumilal. Ya yac' te ya xtihl tsantsehwaletic ta yohlil te ha'al, soc ya sloq'ues tal ic' ta yawil.

Salmos 147:18

Ya sticon tal sc'op, hich ya x'uhl; ya yac' behenuc te ic' yu'un, hich ya x'oquin te ha'etique.

Salmos 135:7

Ya shach tal tocaletic c'alal ta sti'il bahlumilal; ya sticon tal te tsantsehwaletic soc te ha'al, soc ya sloq'ues tal te ic' ta stsobojibal.

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Proverbios 30:4

¿Mach'a mohem bahel soc cohem tal ta ch'ulchan? ¿Mach'a la snop' ta sc'ab te iq'ue? ¿Mach'a la spots ta snahtil-c'u' te ha'etic? ¿Mach'a la schahpan spisil sti'il te bahlumilale? ¿Bin sbihil, soc bin sbihil te snich'ane? Halbon ca'iy teme yac ana'e.

Jeremías 46:17

Tey awonic a: ¡Te faraón ajwalil yu'un Egipto, ha nax xjuyet; la yac' c'axuc te tiempo te halbile! xchihic.

2 Samuel 18:8

Te guerra puhc bahel ta spahmal q'uinal, c'ax hich lajic a ta tohyem te'etic te bin ut'il lajic ta espada.

Nehemías 9:11

La awa'be sjam sba te mar ta stojolic, hich c'axic bahel ta taquin lum. Yan te jnutsawetic yu'unic, la awac' cohuc bahel ta sc'ubulil ha', hich te bin ut'il ton ta ye'tal ha'.