Éxodo 14:31 - Bible in Tzeltal Bachajón

³¹ C'alal la yil te Israel te bin muc' la spas te Jehová ta scontrahinel te egipciohetic, la xi'ic te Jehová, la sch'uhunic te Jehová soc te Moisés, te ya'bate.

Bible in Tzeltal de Oxchuc y Tenejapa

³¹ C'alal la yil israeletic te smuc'ul yu'el Cajwaltic, te bila la spasbey te egipcioetic, la xi'ic te Cajwaltic, jajch' xch'uunic soc la yich'ic ta muc' te yabate, ja' te Moisese.

Éxodo 14:31 Referans Kwoze

San Juan 2:11

Ha shahchibal te señahiletic te la spas Jesús ta Caná te ay ta sq'uinal Galilea, hich la yac' ta ilel te yutsilal; soc hich ch'uhunot yu'un te jnopojeletic yu'une.

San Juan 11:45

Te judíohetic te sjoquinejic te María, c'alal la yilic te bin la spas te Jesús, hich la sch'uhunic.

San Lucas 8:13

Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

2 Crónicas 20:20

C'alal hahchic ta sab, bahtic ta jochol taquin q'uinal Tecoa. Te c'alal yaquic ta bahel a, te Josafat la stehc'an sba, hich la yal: A'iybon awa'iyic jc'op, Judá soc mach'atic nahinemic ta Jerusalén. Ayuc me sch'uhunel awo'tanic ta stojol Jehová te Dios awu'unic, hich mayuc bin ya xc'oht ta acuentahic a; ch'uhunahic te bin ya yal te jalwanejetic yu'un, hich lec ya xc'ohex yu'un, xchi.

Éxodo 19:9

Hich halbot yu'un Jehová: Ya xtalon ta atojol ta pimil tocal scuenta yu'un ya ya'iy te pueblo te c'alal ya jc'oponat, hich me ya sch'uhunat spisil ora a, xchi. Te Moisés la yalbe te Jehová bin la yal te pueblo,

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Hechos 8:13

Ha nix hich te Simón la sch'uhun soc a'bot yich' ha', soc spisil ora la sjoquin te Felipe; xcham yo'tan yu'un te jchahp a'teliletic soc señahiletic te yac spasticlambel te Felipe.

1 Samuel 12:18

Hich te Samuel la sc'opon te Jehová. Ta hich ora te Jehová la yac' tal chahwuc soc ha'al; spisil te pueblo bayel la xi'ic te Jehová soc te Samuel.

Hebreos 3:5

Te Moisés, te bin ut'il ha a'bat, jun yo'tan ay ta spisil te na yu'un Dios, soc la yal ta testigo-c'op te bin ya yich' halel ta patil.

Josué 4:24

scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.

1 Samuel 12:16

Ha yu'un mahliyahic yo'tic soc ila me awilic te muc'ul seña ya spasbeyex awilic te Jehová.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Josué 4:14

Ha nix ta yorahil a te Jehová la stohytesbe sc'oblal te Josué ta stojol spisil Israel; hahch yich'ic ta muc' hich te bin ut'il la yich'ic ta muc' te Moisés te jayeb c'ahc'al cuxule.

Josué 24:7

Te c'alal tulan awonic ta stojol Jehová, ha la yac' tal yihc'al q'uinal ta ohlil yu'un te egipciohetic soc te ha'exe, soc la yac' tal te mar ta sbahic, te ha mucotic yu'un. Ha'ex la awilic te bin la jpas ta Egipto. Ta patil bayel c'ahc'al ayinex ta jochol taquin q'uinal.