Éxodo 14:29 - Bible in Tzeltal Bachajón

²⁹ Yan stuquel te snich'nab Israel, taquin slumil a sohlic bahel ta yohlil mar. Hich c'oht te ha' te bin ut'il ts'ahc ta swa'elic soc ta sq'uexamic.

Bible in Tzeltal de Oxchuc y Tenejapa

²⁹ Yan stuquel te israeletic mero taquin la st'unic c'axel te slumil ja'e, yu'un la sjam sba, cha'tsel la yac' sba te ja'e, jun ta swa'el soc jun ta xq'uexen.

Éxodo 14:29 Referans Kwoze

Éxodo 14:22

Ha yu'un te snich'nab Israel taquin slumil a c'axic bahel ta yohlil mar. Hich c'oht te ha' te bin ut'il ts'ahc ta wa'el soc ta q'uexam.

Isaías 51:13

¿Ch'ayem balix ta awo'tan te Jehová te Jpaswanej awu'un, te la slim bahel te ch'ulchan soc te la ya'be yich'o-ip te bahlumilale? Spisil ora ya xiwat ta scaj te yilimba te j'uts'inwanej, te schahpanej sba yu'un ya xlajinwan. Pero ¿banti ay te yilimba te j'uts'inwaneje?

Isaías 51:10

¿Ma bal ha'ucat te la ataquijtes te mar, te ha'etic yu'un te muc'ul xahab, te la ac'atp'un ta be te sc'ubulil te mar scuenta yu'un ya xc'axic bahel te mach'atic ac'bilic ta libre?

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

1 Corintios 10:1

Quermanotac, ya jc'an te yac ana'ic te spisil te jme'jtatic axintesotic ta tocal soc c'axic ta Mar;

Éxodo 15:8

C'alal la ahu'xiy, la stsob sba te ha'e, te ha' te behen la stsob sba; te sc'ubulil te ha' tulanub ta yohlil mar.

Éxodo 15:19

C'alal ochic ta mar te carretahetic yu'un faraón soc te cawuhetic soc te mach'atic cajajtic tey a, te Jehová la yac' suhtuc tal ta sbahic te ya'lel te mar; yan te snich'nab Israel taquin slumil a c'axic bahel ta yohlil mar.

Isaías 11:15

Te Jehová ya me staquijtes te mar te ochem bahel ta nopol Egipto, soc ya me stij sc'ab ta stojol te muc'ul-ha' Éufrates, ya yac' bahel te q'uixin ic' yu'un, ya yac' te huqueb ya xjetin a, hich ya xhu' ya xc'axic bahel soc stepic a.

2 Reyes 2:8

Te Elías la stsac te smehyil-pac', la spac, la smaj a te ha'e. La sjam sba te ha' ta jujujehch; ta schebalic sohlic bahel ta taquin lum.

Nehemías 9:11

La awa'be sjam sba te mar ta stojolic, hich c'axic bahel ta taquin lum. Yan te jnutsawetic yu'unic, la awac' cohuc bahel ta sc'ubulil ha', hich te bin ut'il ton ta ye'tal ha'.

Salmos 78:13

La sjam te mar soc la yac' c'axuquic bahel tey a; la yac' te ya stehc'an sba te ha' hich te bin ut'il ts'ahc.

Salmos 106:9

La yalbe tulan mandar te Mar Rojo, hich taquij; la yac' te hich c'axic ta sc'ubulil te mar te bin ut'il ta jochol taquin q'uinal.

Salmos 136:13

te la ya'be sjam sba te Mar Rojo, como sbahtel q'uinal ay te sc'uxul yo'tan,