Éxodo 14:27 - Bible in Tzeltal Bachajón

²⁷ Ha yu'un te Moisés la stoy sc'ab ta stojol te mar. C'alal sacub tal q'uinal suht te ha' hich te bin ut'il ay ta nahil to. Te egipciohetic yaquic ta ahnel a tahotic yu'un te mar; hich te Jehová la slajin te egipciohetic ta yohlil te mar.

Bible in Tzeltal de Oxchuc y Tenejapa

²⁷ Te Moisés la stoy jajch'el sc'ab ta stojol te mare. Yac ta sacubel q'uinal a, la sta sba te ja'e, jich a c'ot te bit'il ta neelale. Jich yu'un te egipcioetic te c'an anuquic ta sc'opique, taotic ta ora yu'un te ja'e, jich a mulic coel ta ja' yu'un te Cajwaltique.

Éxodo 14:27 Referans Kwoze

Josué 4:18

C'alal loq'uic tal ta yohlil Jordán te sacerdotehetic te sq'uechojic te scaxahul te chapbil-c'op, c'alal la steq'uic te taquin lumq'uinal, suht tal te ya'lel te muc'ul-ha' Jordán, oquin bahel soc mal loq'uel ta sti'il hich te bin ut'il ta nahil to.

Salmos 78:53

Buen cuentahimbil bahel yu'un, hich ma ba xiwic; pero mucotic ta mar te scontrataque.

Hebreos 11:29

Ta scuenta sch'uhunel yo'tanic te israeletic c'axic ta Mar Rojo, sjel ta taquin lum; pero te c'alal hich nix c'an spasic te egipciohetic, tey la sjiq'uic ha' spisilic a.

Deuteronomio 11:4

te bin la spasbe te soldadohetic yu'un Egipto, te cawuhetic soc carretahetic yu'unic; bin ut'il la yac' muhluc ta ha' ta Mar Rojo c'alal la snutsex bahel soc te jc'axel la slajinlan c'alal ora yo'tic;

Nehemías 9:11

La awa'be sjam sba te mar ta stojolic, hich c'axic bahel ta taquin lum. Yan te jnutsawetic yu'unic, la awac' cohuc bahel ta sc'ubulil ha', hich te bin ut'il ton ta ye'tal ha'.

Salmos 106:11

Mucotic ta ha' te scontratac; ¡mayuc jtuhluc cuxul hilic!

Salmos 136:15

pero la yac' muhluc ta Mar Rojo te faraón soc te soldadohetic yu'un, como sbahtel q'uinal ay sc'uxul yo'tan.

Isaías 10:26

Te Jehová te scuentahinej spisil ya me smajticlan ta xul, hich te bin ut'il la slajin te Madián ta muc'ul ton Oreb; soc ya me stoy snahbate' ta stojol te mar, hich te bin ut'il la spas ta Egipto.

Josué 24:7

Te c'alal tulan awonic ta stojol Jehová, ha la yac' tal yihc'al q'uinal ta ohlil yu'un te egipciohetic soc te ha'exe, soc la yac' tal te mar ta sbahic, te ha mucotic yu'un. Ha'ex la awilic te bin la jpas ta Egipto. Ta patil bayel c'ahc'al ayinex ta jochol taquin q'uinal.