Éxodo 14:24 - Bible in Tzeltal Bachajón

²⁴ Te c'alal ma to sacub q'uinal a, te Jehová la yil c'alal ta bahlal c'ahc' soc tocal te soldadohetic yu'un te egipciohetic, la yac' howiyuc sjolic,

Bible in Tzeltal de Oxchuc y Tenejapa

²⁴ Ijc' to a te q'uinal te Cajwaltic la yil loq'uel ta yolil te balal tocal soc te c'ajq'ue. Ja' tijbotic jajch'el xiwel yu'un ta stojolic te egipcioetic, jich nax ma tojobic jajch'el ta beel.

Éxodo 14:24 Referans Kwoze

Éxodo 13:21

Te Jehová ha nahilij bahel yu'unic ta c'ahc'alel ta scuenta bahlal tocal yu'un ya stojobtes bahel ta be a, soc ta ahc'abal ta bahlal c'ahc' yu'un la ya'be sacal q'uinal scuenta yu'un hich hu' yu'unic behel ta c'ahc'alel soc ta ahc'abal.

Éxodo 14:25

soc la sloq'uesbe yoc te carretahetic yu'unic, hich wocol behenic bahel. Ha yu'un hich la yalic te egipciohetic: Ahnucotic suhtel ta stojol te Israel, como te Jehová ya ya'be querra te egipciohetic ta scuentahic, xchihic.

Salmos 48:5

C'alal la yilic te hich ay te muc'ul pueblo, xcham yo'tanic, ora ahnic bahel yu'un xiwel.

Job 40:12

Ilawil spisil te jtoybahetic, pehc'anlana, ts'oticlana ta teq'uel te mach'atic chopolic bayuc ayic.

Job 34:29

Teme ya scux yo'tan, ¿mach'a ya xhu' ya stij hahchel? Teme ya snac' yelaw, ¿mach'a ya xhu' ya yil? Pajal ya yil te nación soc te ants-winiquetic,

Job 34:20

Jts'ihn nax ya xchamic, ta ohlil ahc'abal; ya yehchentes, ya xch'ayic bahel, te mach'a ay yip ya'tel ma ta scuentahuc c'abal ya yich' loq'uesel.

Salmos 104:32

Ha ya yil te lumq'uinal, ya xnihc yu'un; ya spic te witsiltic, ya xloc' ch'ahil yu'un.

Job 22:13

Pero ha'at yac awal: ¿Bin ya sna' te Diose? ¿Ya bal xhu' ya ya'iy chahpanwanej ta yihc'al q'uinal?

1 Samuel 11:11

Ta schebal c'ahc'al te Saúl la yac' ta oxchahp te winiquetic. Ihc' to q'uinal a, ochic bahel ta yohlil te campamento yu'un te amonetic, hahch smilticlanic ha to c'alal ohlil c'ahc'al. Te mach'atic cuxajtic hilel, la spuc sbahic, mayuquix mach'a cheb sjoquinej hilel sbahic.

Salmos 78:14

Ta c'ahc'alel la stojobteslan bahel ta tocal, ta sjunal ahc'abal ta sts'anabul c'ahc'.

Salmos 90:4

Como te jmil ha'bil hich c'ohem ta atojol te bin ut'il jun c'ahc'al te c'ax wojey, hich te bin ut'il cheb oxeb nax ora ta ahc'abal.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.